Iberdrola Dorrean elkartu dira energiaren sektoreko Europako 15 startup onenak
Energia sektoreko Europako hamabost startup garrantzitsuenak bildu dira Europako Batzordeak (ETE Tresna) eta Iberdrolak elkarrekin antolatu duten “Iberdrola & SME Instrument Day” ekitaldian, non aukera izan baitute beren negozio-ereduak aurkezteko Euskadiko berrikuntzaren ekosistemako ordezkari garrantzitsuenen aurrean. Enpresa parte-hartzaileak espreski aukeratuak izan dira ideia edo ikuspegi berritzaileak dituztelako sare adimendunen, bezeroentzako konponbideen eta energia berriztagarrien inguruan.
Bizkaiko Foru Aldundiak aktiboki parte hartzen du ekitaldian, helburutzat baitu ekintzailetzaren ekosistema indartzea, Bizkaia erreferentziazko eskualde bihurtzea proiektu berrientzat, eta berrikuntza irekiko eredu bat garatzea bertako enpresa eta teknologi zentroekin batera.
Iberdrolak ekintzaileei eta startupei laguntzen die hainbat programaren bitartez. Horien artean aipatzekoa da startupentzako Perseo programa, 70 milioi €-ko zuzkidura duena eta 10 urtetik gora daramatzana mundu osoko startupetan inbertitzen eta haiekin berritzen; eta aipagarria da orobat talentu gaztez osatutako Iberdrola U komunitatea, zeinak, sektoreko adituek lagundurik, erantzun berritzaileak bilatzen baititu energiaren etorkizuneko erronkentzat. Komunitate horren “hackatoi” eta “bootcamp” ekitaldietan 800dik gora ekintzaile bildu dira azken hilabeteotan.
Iberdrola, startupen eta ekintzailetzaren laguntzaile
Konpainiak hainbat ildo dauzka ekintzailetza babestu eta sustatzeko, besteak beste, hauek:
- Startupentzako PERSEO programa, zeinaren helburua baita enpresa gorakor eta ekintzailez osatutako ekosistema global eta dinamiko bat sortu eta garatzea argindarraren sektorean. Programa horren bidez, Iberdrolak startupen esku jartzen du inbertsioetarako laguntza eta expertise-a, 30 milioi hornikuntza-puntuko sarea eta 50 GW inguruko gaitasun instalatua.
- IBERDROLA U talentu gaztez osatutako komunitate bat da, zeintzuek, sektoreko adituek lagundurik, erantzun berritzaileak bilatzen baitituzte energiaren etorkizuneko erronkentzat. Komunitate hori sortu da bere talentuari etekina atera nahi zioten hainbat gazteren pasiotik eta anbiziotik. Iberdrolak aukerak, bitartekoak eta tresnak eskaintzen dizkie beren helburua lortzeko: energiaren etorkizuna eraldatzea konponbide berritzaileen bidez.
www.iberdrola.com/sostenibilidad/innovacion/programa-internacional-startups-perseo
