EuskalHack Security Congress III: 2018ko ekainak 22-23an Donostian
Euskadiko Hacking Etikoko lehen elkarteak antolatu du EuskalHack Security Congress ekitaldia. Euskadiko Hacking Etikoko elkartea irabazi asmorik gabeko erakunde bat da, Donostian sortua, eta segurtasun informatikoaren ikerketako eta informatika forentseko profesionalez osatua.
Erakunde horren helburua da segurtasun digitalaren komunitatea eta kultura bultzatzea interesatutako publiko guztien artean (adituak nahiz segurtasunaren munduan sartu nahi duten hasiberriak), ezagutza –nagusiki teknikoa- sustatuz eta zabalduz.
Helburu horrekin, laster antolatuko du bere III. kongresu esklusiboa, Euskadiko garrantzitsuena bihurtu dena, non 200 lagun inguru bilduko baitira. 2018ko ekainaren 22an eta 23an egingo da Donostiako Olarain Ikastetxe Nagusian.
Kongresu horrek babesletzat dauzka, besteak beste, Basque Cybersecurity Centre, SPRI Taldea, Eusko Jaurlaritzako Ekonomi Garapen eta Azpiegitura Saila, Euskaltel Konekta eta Alias Robotics.
Kongresu honetan ZEU zara protagonista
EuskalHack ekitaldiak ahalegin handia egingo du hirugarren edizio hau ere ahaztezina izan dadin bertaratu guztientzat.
Antolatzaileak saiatzen dira publiko zabal bati zuzendutako edukiak eskaintzen, hala nola: profesionalak, arlo horretan jakin-mina dutenak, ekintzaileak, ikerlariak eta segurtasun informatikoko zaleak. Horrez gain, “aurrekaririk gabeko giro atsegina eskaintzen dugu; bertaratutako guztiak etxean bezain gustura egon daitezen…”
Hona hemen, momentuz, hitzaldietan parte hartuko dutela baieztatu duten pertsonak: Benjamin Delpy, Shiftreduce, J.M. Fernández, Xabier Ugarte, Daniel Conde, Juan Garrido, Sergio Galán, Sean Heelan, Josep Albors, Pablo González, Paula de la Hoz, David Melendez, Álvaro Núñez, Ignacio Brihuega, Álvaro Macías, Pedro Candel, Joxean Koret…
info+: http://securitycongress.euskalhack.org
