Vicinayk bere berrikuntza-prozesuen garapena bizkortu ditu ainguratze-linea adimendunen belaunaldi berriaren buru izateko
Itsasoan petrolio-plataformak edo haize-plataforma flotatzaileak bezalako egitura handiak daude, eta haiek ziurtatzen dituzten mundu osoko ainguratze-linea handi asko Euskadin egiten dira. Linea horien fabrikatzaileak, Vicinay Marine taldeak, urtero 50.000 tona esportatzen ditu 30 herrialdetara; orain, euskal enpresa honek I+G+b prozesu sakon bati ekin dio nazioartean “ainguratze-linea adimendun, iraunkor, lehiakor eta jasangarrien belaunaldi berria” zuzentzeko. Ainguratze-lineetako tamaina handiko kateak eta osagarriak egiten dituen enpresa-talde honek Bizimoor proiektuan murgilduta dago horretarako. Proiektu hori enpresaren I+G+b proiektu nagusia da 2021. urtearen amaierara arte, eta ikerketa-ildo ugari biltzen ditu, hogei bat jarduera-sektoreekin.
Kate seguruagoak, jasangarriagoak, lehiakorragoak eta adimentsuagoak lortzea da proiektu honen helburua. Izan ere, mundu mailan Vicinay Marine gailu flotatzaileentzako kateen fabrikazioaren arloan buru da. Hamarkadetan zehar itsasoan irauten duten tamaina handiko kateak dira hauek eta etengabe hobekuntza berriak txertatzeko I+Gn soilik lan egiten duten 16 pertsonako lantaldea daukate. Bizimoor aurrera ateratzeko, taldeak Bizkaian dituen lantegi guztiak proiektuan murgilduta daude.
Bizimoor (ingelesez moor lotura edo ainguraketa esan nahi du, beraz, “Ainguratze lerro bizia” itzulpena egin daiteke) kateen fase guztietan berrikuntzak txertatu nahi ditu: fabriketan kateen fabrikazio prozesuan, itsasoan 20 eta 35 urte bitarteko bizitza baliagarrian dagoen garapenean eta ondorengo birziklatzean gertatzen den prozesuan ere.
Fabrikazioan, 4.0 industriako soluzioak ezartzea da egiten ari den apustua, automatizazio-prozesuekin edo robotizatu daitezkeen ikuskapen-teknikekin hain zuzen ere, lanpostuak ergonomikoagoak eta sinpleagoak izan daitezen. Helburuetako bat prozesua adimentsua izatea da, eta, horretarako, fase bakoitzean biltzen den big datarekin, makinak aurreko etapetan jasotako aldagaien arabera doitzeko gai izatea bilatzen ari da Vicinay Marinek. Horrela, kateak soldatzeko prozesuan kontuan hartuko da, adibidez, altzairu hori zehazki zein tenperaturatan urtu behar izan den. Fabrikazio aurreratua proiektuaren oinarrietako bat da.
450 langile enplegatzen dituen taldeak integrazio handiagoa duten kateak lortzeko lan egiten dute, erresistentzia handiko altzairuekin, soluzio kimiko desberdin eta jasangarriagoekin, eta ainguratze-lineen osotasuna hobetuko duten estaldurekin, korrosioa eta higadura bezalako efektuak saihestuz. Kateak kokatuko diren lekuetara eramaten direnean, instalazio-prozesu konplexua robotizatzeko lan egiten da, eoliko flotatzailean denbora murrizteko eta hori ahalbidetzen duten konektoreak errazago abian jartzeko.
Itsas azpiko sentsorika
Proiektuaren gakoen artean, kateetan sentsoreak gehitzea dago, kateak itsasoan dauden bitartean denboran zehar gertatzen denari buruzko datuen bilketa errazteko, pitzadurak identifikatzetik, ingurune konplexu honetan duten bilakaerari eta osagarriei buruzko informazioa biltzera arte, kontrolatu ezin diren aldagai askoren eragina (baldintza meteorologikoak, etab.) neurtuz. Gaur egun urpekari edo roboten urperaketekin egiten dira ikuskapenak, bisualak eta aldizkoak, eta, horregatik, sentsorikak dakarren bilakaera nabarmena da.
Kateek eta horien osagarriek nola funtzionatzen duten eta nola degradatzen diren hobeto jakiteak mantentze-lan prediktiboa ezartzen eta simulazioak hobetzen laguntzen du. Ainguratze-lineak konpontzeko plataforma baten lana etetea saihestea da helburua, horrek ekonomikoki eragin nabaria duelako. Beste helburu bat ingurumen arriskuak –petrolio-isurketak, adibidez- gutxitzea da. Gainera, espazio horietan lan egiten duten pertsonen lan-arriskuak murriztea bilatzen du Bizimoorrek, baita kateen ikuskapena egiten duten profesionalenak ere.
“Arlo honetan aurrera egiteko gaitasun handia dago. Gaur egun, ez dago hain sentsorika aurreratua duen katerik”, zehaztu du Onintze Matiasek, Vicinay taldeko I+G+b arduradunak. Matiasek azpimarratzen duenez, lantzen ari diren berrikuntzen artean dago “plataforma baten eragiketa-denbora ez dadila arriskuan jarri ainguratze-lineen osotasuna arriskuan egoteagatik, hauek lortu behar dutena da energia-baliabideen ahalik eta aprobetxamendu handiena ziurtatzea”.
Kateak birziklatzea
Jasangarritasuna da proiektuaren beste gakoetako bat, ingurumenean eragin handia duen industria bat delako. Karbono-aztarna murrizteko aurrerapenak egiten ari dira, kateen eta osagarrien bizi-zikloa aztertzen ari da, eta horiek instalatzeko eta desinstalatzeko prozesuak ere. Gainera, behin itsas-plataformen bizi-zikloa bukatzen denean kateak birziklatzeko prozesua hasi du Vicinayk – gaur egun txatarra sortzeko eta beste erabilera batzuetarako saltzen dira–.
Bizimoorrek 4,4 milioi euroko aurrekontua du Hazitek programatik eta Eskualde Garapeneko Europako Funtsetik (FEDER) eskuratuta. Proiektuan Vicinay Marine taldeak Bizkaian dituen enpresa guztiek hartzen dute parte: Vicinay Sestao, Vicinay Cadenas, Vicinay Marine, Ingemoor eta Desarrollo y Mantenimiento Informático -taldeak, gainera, Brasilen, Txinan eta Suedian kokatutako enpresak ditu -.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri.
Lotutako albisteak
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez
Soldaduraren balio-kateari buruzko azokaren, UNIREren, bigarren edizioa egingo dute Ficoban
Sektore horrek Estatu osoan egiten duen kongresu bakarra martxoaren 18 eta 19an izango da