Sustatu berrikuntza-proiektuak zure enpresan Fast Track Innobideak ekimenarekin

Laguntza-programa martxoaren 3tik irekita dago eta 20 milloi euroko aurrekontua du. Zure enpresan proiektu berritzaileari bultzada eman nahi badiozu, aurkeztu zure eskaera apirilaren 30a baino lehen.

Fast Track Innobideak programarekin laguntza integrala lortuko duzu, ikertzaileen kostuen finantzaketatik hasi eta enpresa adituen aholkularitzaraino, berrikuntza-prozesuaren fase guztiak arrakastaz gauzatu ahal izateko.

Urrats sendoak berrikuntza-prozesuan

Programa honen ardatza heldutasun maila aurreratua duten berrikuntza-proiektuak dira, hala nola produktuak edo produkzio-prozesuak hobetzeko teknologiak sartzea, negozio-prozesuak optimizatzea edo enpresaren produktu eta zerbitzu nagusiak indartu eta hobetuko dituzten negozio-eredu berriak sortzea.

Eusko Jaurlaritzak eta SPRI Taldeak duela hainbat urte apustu sendoa egin zuten Euskadiko enpresetan berrikuntza-prozesuak babesteko. Fast Track Innobideak programa batzuk (Kudeabide, Lehiabide, Pertsonak) laguntza bakarrean konbinatu izanaren ondorioa da. Horren helburua da Euskadi 2030 – Industria Planarekin lerrokatuta dauden berrikuntza-proiektuak babestea eta berrikuntza modu sistematikoan bultzatzeko ekintza osagarriak sustatzea.

Industria-enpresetan berrikuntza bultzatzeko aukera

Zure enpresa ETE industriala edo produktuari edo prozesu industrialari lotutako zerbitzuak eskaintzen dituen eta Euskadin jarduera-zentroa duen enpresa bada, eta lehiakortasuna indartzeko berrikuntza-proiektua martxan jarri nahi baduzu, Fast Track Innobideak programak bi lerro osagarriren bidez lagun diezazuke.

• 1. lerroa – Berrikuntza-proiektuak: % 50era arteko itzuli beharrik gabeko dirulaguntzak, gehienez ere 250.000 eurokoa.
• 2. lerroa – Berrikuntza bultzatzeko funtsezko ekintza osagarriak: % 50era arteko itzuli beharrik gabeko dirulaguntza, gehienez ere 30.000 eurokoa.

Zure enpresa ETE industriala edo produktuari edo prozesu industrialari lotutako zerbitzuak eskaintzen dituen eta Euskadin zentro bat duen enpresa bada, bere lehiakortasuna hobetzeko berrikuntza-proiektu bat martxan jarri nahi badu, Fast Track Innobideak da proiektu hori bultzatuko duen programa.

• Berrikuntza-proiektuaren % 50 diruz laguntzeko laguntza, 250.000 euroko mugarekin.
• Gehienez % 50 berrikuntza sistematikoa bultzatzen duten ekintza osagarrietarako, 30.000 euroko mugarekin.

Euskadin industria-berrikuntzako proiektuak bultzatzea

1. lerroan, Fast Track Innobideak programak 250.000 eurorainoko berrikuntza-proiektuak babesten ditu, Euskadi 2030 Industria Planeko sektore estrategikoen barruan lehiakortasunean aurrera egiten laguntzen dutenak (fabrikazio aurreratua, energia, mugikortasun jasangarria, bio-osasuna, aeroespaziala edo soluzio digital aurreratuak, hala nola AA eta zibersegurtasuna).

Bereziki baloratzen dira jauzi kualitatiboa dakarten ekimenak (produktuan, prozesuan, negozio-ereduan edo posizionamenduan), eta enpresarentzat eta bere ingurunearentzat teknologia- eta antolaketa-bilakaera argia dakartenak.

Bereziki baloratzen dira jauzi kualitatiboa dakarten ekimenak (produktuan, prozesuan, negozio-ereduan edo posizionamenduan), eta enpresarentzat eta bere ingurunearentzat teknologia- eta antolaketa-bilakaera argia dakartenak.

1. lerroaren baitako finantzaketa jaso dezaketen proiektuen artean, honako hauek daude:

1. Produkturako eta produkzio-prozesurako TRL altuak (TRL 7-9) garatzeko proiektua.
   Proiektu horietan, besteak beste, jarduera hauek sartzen dira: erakusteko jarduerak, proiektu pilotuak egitea, produktu, prozesu edo zerbitzu berriak edo hobetuak probatu eta baliozkotzea funtzionamenduaren baldintza errealak adierazten dituzten inguruneetan, eta sistema oso eta ingurune errealeko ziurtagiri baterako probak eta erakustaldiak.
2. Produkturako eta produkzio-prozesurako teknologiak gehitzea.
   Produktu eta/edo prozesu berriak/nabarmen hobetuak sortzen lagunduko duten soluzio teknologiko bat edo batzuk onartzera, integratzera eta erabiltzera bideratutako proiektuak.
3. Negozio-prozesuetarako metodologiak ezartzea.
   Metodo berriak edo lehendik dauden metodoen aplikazio edo konbinazio berriak onartu, integratu eta erabiltzeko proiektuak, emaitza gisa prozesu berriak edo nabarmen hobetuak ezartzea dakartenak.
   Tipologia horren barruan sartzen dira I+G+b-ren emaitzak babestera eta balorizatzera bideratutako metodologiak, jarduera berritzailearen nazioartekotzea eta enpresako berrikuntzaren kudeaketa egituratua.
4. Berrikuntza negozio-ereduetan.
   Egungo edo etorkizuneko produktuak eta zerbitzuak sortzea edo hobetzea ahalbidetuko duten negozio-eredu berriak diseinatzera eta abian jartzera bideratutako proiektuak, enpresaren helburu estrategikoekin lerrokatuta.

Berrikuntza sistematikoa da gakoa enpresa-garapenean

Berrikuntza sistematikoa funtsezko zutabea da enpresen garapenean eta hazkundean. Fast Track Innobideak programan, 2. lerroak funtsezko ekintza osagarriak babesten ditu berrikuntza modu egituratu eta sistematikoan sustatzeko, % 50eraino arteko eta gehienez 30.000 euroko dirulaguntzarekin.

2. lerro honetan, bi jarduera mota lagunduko dira diruz.

1. BDIHren laguntza teknikoa.
   Edizio honetan, BDIHren laguntza teknikoa gehitu da nabarmendutako elementu gisa, eta ETE-ei teknologia horiek ezarri aurretik baliozkotzen eta lurreratzen laguntzeko helburua du: kontzeptu-probak (PoC), ekintza-planak eta teknologia digital eta jasangarriak xurgatzeko gaitasuna handitzeko jarduerak.
2. Kudeaketa Aurreratuko ekintzak – Kudeabide.
   Erakundean berrikuntza sistematikoki txertatzen laguntzen duten metodologiak eta tresnak ezartzera bideratutako ekintza osagarriak (modalitate honetan, batez beste, 50 enpleguko plantilla behar da gutxienez).

Zer motatako gastuetarako dirulaguntza ematen du Fast Track Innobideak programak?

Berrikuntza-proiektuekin lotuta, 1. lerroan gastu hauek diruz lagundu ahal izango dira:

• Langileen kostuak: ikertzaileak, teknikariak eta gainerako laguntzaileak, proiektuan lanean ari badira.
• Proiektuarekin lotutako tresnen eta ekipoen kostuak.
• Kanpoko iturrien lizentziarekin eskuratu edo lortutako patenteen kostuak, erabateko lehiako baldintzatan.
• Gastu orokorrak, hala nola proiektuarekin zuzenean lotutako materialen, horniduren eta antzeko produktuen kostuak.
• Berrikuntzari laguntza eta aholkularitza emateko zerbitzuen kostuak (kanpoko adituek eskainitakoak).
• Ikerketa-erakunde batetik, ezagutzak hedatzeko erakunde batetik edo enpresa handi batetik iritsitako kualifikazio handiko langileak zerbitzu-eginkizunetan bidaltzearen kostuak.
• Zientziako, Teknologiako eta Berrikuntzako Euskal Sareko agenteak eta/edo proiektuaren zati baterako kanpoko beste kolaborazio batzuk azpikontratatzearen kostuak.

Berrikuntza bultzatzeko ekintza osagarriekin lotutako 2. lerroaren kasuan, honako hauek kontuan hartu beharko dira:

• Berrikuntzari buruzko aholkularitza-zerbitzuen eta laguntza-zerbitzuen kostuak.
• BDIH laguntza teknikoarekin lotutako gastuak: kontzeptu-probak (PoC) edo ekintza-planak.

Bi lerro horietako bakar batean ere ez dira hautagarriak izango dirulaguntza kudeatzeko aholkularitzako gastuak.

Nork eska dezake Fast Track Innobideak laguntza?

Laguntza hau jaso dezakete Euskadiko ETE industrialek eta industriari lotutakoek, baldin eta Euskadin jarduera-zentroa badute (proiektua garatu eta eragina izango duen tokian). Beren berrikuntza-prozesuak azkartu, lehiakortasuna hobetu eta beren produktu, prozesu edo negozio-ereduetan inpaktu handiko proiektuak garatu nahi dituzten enpresei zuzenduta dago bereziki.

Ez galdu zure enpresan berrikuntza bultzatzea ahalbidetuko dizuten laguntzak eskuratzeko aukera. Eskatu Fast Track Innobideak martzoaren 3tik apirilaren 30era!