SPRIk Makina-erremintaren Biurtekoan adierazi duenez, “enpresetan emakume proportzio handiagoa izateak produktibitate-maila hobetzen du”
SPRIko Teknologia, Berrikuntza eta Jasangarritasuneko zuzendari Cristina Oyónek “Women in Manufacturing” aditu-taldearen (Oyónek berak gidatzen du taldea World Manufacturing Forum-aren esparruan) ondorio nagusiak partekatu ditu Professional Women’s Network (PWN) sareak Makina-erremintaren Biurtekoan antolatu dituen Women in Industry (WIN) hitzaldien saio batean.
Oyónek “Emakumea eta Industria. Esperientzian oinarritutako giltzarriak” hitzaldian azaldu bezala, aditu-taldean sortutako eztabaiden arabera “argi geratu da enpresetan emakume proportzio handiagoa izatea lagungarri dela emaitzak hobetzeko, produktibitate-maila handitzeko, erabaki hobeak hartzeko, berrikuntzarako, sormenerako eta eraginkortasunerako”. “Funtsean -gaineratu du- Genero Berdintasunaren Europako Erakundearen arabera, enpresetan genero berdintasuna hobetzeak berekin ekarriko luke Europako per capita BPGa % 6,1etik % 9,6ra bitartean handitzea 2050erako”.
“Genero berdintasuna ez da bakarrik giza eskubide kontu bat, baizik eta premia bat lehiakortasuna bermatzeko eredu industrial digital eta jasangarri berri batean” baieztatu du Cristina Oyónek. Horrez gain, esan du aditu-taldeak hiru ildo nagusi identifikatu dituela ildo horretan aurrera egiteko:
- Datuak eta argitalpenak. Industria-jarduerari buruzko datuak generoaren arabera sailkatuta eskura daitezen normalizatzea, emakumeak Industrian duen eboluzioaren jarraipena egin ahal izateko.
- Industria erakargarri egitea emakumeentzat. Erakutsi Industria teknologian, berrikuntzan eta jasangarritasunean oinarritutako jarduera ekonomiko bat dela, balioa sortzen duena ekonomia, gizarte eta ingurumen arloetan.
- Emakumezko erreferenteak izatea. Ikusgarritasuna eman emakumeek industrian duten parte-hartzeari, bokazio industriala inspiratu eta piztuko duten emakumezko erreferenteak izateko emakume gazteen artean.
Nola datuak behar diren emakumeak Industrian duen eboluzioari eta inpaktuari jarraipena egiteko, Cristinak bertaratutako guztiekin partekatu du SPRIk berriki abiarazi duen lan bat, zeinaren helburua baita emakumeak euskal industrian duen presentziaren eta industriaren lehiakortasunaren arteko erlazioa aztertzea; lan hori lehen diagnostiko bat izango da bide horretatik lanean jarraitzeko, emakumeak presentzia eta parte-hartze handiagoa izan dezan euskal industrian.
PWN Bilbao irabazi asmorik gabeko antolakunde bat da, helburutzat duena bizitzaren arlo guztietan genero-lidergo orekatua lortzea, batik bat arlo ekonomiko eta sozialean. Hori dela eta, genero-programa transbertsal bat diseinatu du BECen eskutik BIEMH bezalako nazioarteko azoka industrial batean, helburutzat izanik enpresetako berdintasun arloko jardunbide egokiak partekatzea eta horien inguruan eztabaidatu eta hausnartzea.
Abiapuntutzat hartuz berdintasuna aberastasun iturri dela eta antolakundeak lehiakorrago bihurtzen dituela, hauek dira aste honetarako antolatu diren jardunaldien helburuak:
- Ikusgarritasuna ematea sektore industrialeko genero-orekaren garrantziari, bere onuren frogak erakutsiz eta emakume inspiratzaileei ahotsa emanaz, euren esperientzia konta dezaten.
- Gogoeta egitea enpresek lehiakor izateko gainditu behar dituzten erronkez (talentua, teknologia, lidergoa, lanaren etorkizuna…), kontuan hartuz genero-arrakala erronka gehigarri bat dela (STEAM, lan hibridoa eta kontziliazioa, garapen profesionala…).
- Lankidetza-bideak aztertzea industriarekin lidergo orekatua sustatzeko eta urtean zehar ekintza zehatzak hedatzeko.
- Politika eta enpresa arloetako liderrak gehiago inplikatu eta konprometitu daitezen lortzea.
Hala, aste honetan 7 hitzaldi egingo dira, zeintzuetan industria, teknologia, prestakuntza eta erakundeen munduetako ordezkariek hizpide hartuko baitituzte gai hauek:
- Sormena, berrikuntza eta generoa
- Industriaren erronka teknologikoak
- Arlo publikoaren erronkak
- Emakume liderren prestakuntza industriarako
- Senior talentua
- Emakumea eta industria. Esperientzian oinarritutako giltzarriak.
- Berdintasunerako lankidetza. Nola erakarri gizonak bide honetara.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez
Soldaduraren balio-kateari buruzko azokaren, UNIREren, bigarren edizioa egingo dute Ficoban
Sektore horrek Estatu osoan egiten duen kongresu bakarra martxoaren 18 eta 19an izango da
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean