SPRI NBE Emakumeak-en genero berdintasunaren aldeko saioetan
SPRIk parte hartu du NBE Emakumeak-ek genero-berdintasuna defendatzeko antolatzen duen Emakumearen Egoera Juridiko eta Sozialari buruzko Batzordearen 67. saioan (CSW67). Saio horretan aurkeztu duen txostenean aztertzen da zein lotura dagoen berdintasun-mailaren eta lehiakortasunaren artean industri arloko enpresetan, eta baita ere frogatzen da “aniztasun- eta berdintasun-indize handiagoa izateak baduela zerikusia lehiakortasun handiagoa izatearekin”.
SPRIko Teknologia, Berrikuntza eta Jasangarritasun arloko zuzendari Cristina Oyónek aurkeztu du txostena gaur, martxoaren 14an, Euskadik Estatu Batuetan duen ordezkaritzak eta Emakundek antolatutako “Closing the Gender Gap in Research and Innovation: Best Practices and Common Challenges” saio birtualean, hain zuzen, berrikuntzaren, aldaketa teknologikoen eta aro digitaleko hezkuntzaren testuinguruan genero-arrakala murrizteko estrategia eta ekimen instituzionalei buruzko panelaren barruan.
Cristinak azaldu du 2020tik zuzentzen duen World Manufacturing Foundation erakundeko nazioarteko hainbat adituk garatu dutela azterlana. Talde horrek emakumearen egoera aztertu du industrian, eta hainbat jardunbide egoki eta gomendio identifikatu ditu emakumeen sarbidea, sustapena eta lidergoa hobetzeko industri arloko enpresetan.
Aurreko edizioetan ateratako ondorioen ildo beretik, SPRIk azterlan bat egin du frogatzeko “genero berdintasuna ez dela bakarrik giza eskubide kontu bat, baizik eta funtsezkoa dela industriaren lehiakortasuna bermatzeko”.
Helburu horrekin, SPRIk metodologia bat garatu du aztertzeko zein erlazio dagoen industri arloko enpresen berdintasun-mailaren eta euren lehiakortasun-mailaren artean, eta frogatu du aniztasun- eta berdintasun-indize handiagoa izateak baduela zerikusia lehiakortasun handiagoa izatearekin.
Metodologia hori Euskadin probatu da, ingurune paregabea baita teoria proban jartzeko; izan ere, emakumeak Euskadiko biztanleria aktiboaren % 44 inguru dira, baina portzentaje hori nabarmen murrizten da industri arloko enpresetan, non langile guztien % 21 bakarrik baitira emakumeak.
Industri arloko 500 enpresak parte hartu dute azterlanean. Metodologiari jarraiki, enpresa parte-hartzaile guztiek kalkulatu dituzte euren berdintasun- eta lehiakortasun-indizeak.
Lortu diren lehen emaitzek bide ematen dute itxaropentsu izateko, zeren enpresa berdinzaleenek hain berdinzaleak ez direnek baino puntuazio altuxeagoa lortu baitute lehiakortasun arloan.
Joera hori mantendu egiten da alderantzizko irakurketa egiten badugu ere, zeren enpresa lehiakorrenek hain lehiakorrak ez direnek baino puntuazio hobexeagoa lortu baitute berdintasun-indizean.
Hortaz, aztertutako laginean frogatuta geratu da badagoela erlazio positibo bat bi alderdi hauen artean: batetik, emakumeek enpresetan duten presentzia eta enpresetako berdintasun-politikak, eta bestetik, lehiakortasun-maila.
Aditu taldearen lan-ildoekin bat etorriz, aztertu behar da posible den metodologia hau beste eszenatoki batzuetan erreproduzitzea, eginiko behaketak baliozkotzeko eta ondorio berriak ateratzeko. Hori guztia tresna aproposa izan liteke berdintasun politikak aplikatzeko, bai sektore publikoan eta bai pribatuan.
Lotutako albisteak
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da