Soldaduraren balio-kateari buruzko azokaren, UNIREren, bigarren edizioa egingo dute Ficoban
Ficoban, Gipuzkoako azoka-esparruan, egingo dute martxoaren 18an eta 19an UNIRE azokaren bigarren edizioa. UNIRE soldaduraren balio-kateari eta materialen loturari eta haien teknologiei buruzko Estatu mailako kongresu bakarra da. Azoka SPRI Taldeak eta Gipuzkoako Foru Aldundiak babestu dute, eta Ficobak antolatu, CESOLen, Soldadura eta Lotura Teknologien Espainiako Elkartearen, laguntzarekin.
UNIREren helburua da sektoreko hainbat aditu biltzea: soldadura eta ebaketarako ekipoen eta produktuen fabrikatzaileak eta banatzaileak, kontsumigarrien, gas industrialen eta betetzeko eta ekarpena egiteko materialen, itsasgarrien, segurtasun- eta babes-ekipamenduen, ebaketakoen, eraldaketakoen eta konformaziokoen fabrikatzaileak eta banatzaileak, konponketa eta soluzio automatizatuak, homologazioa eta ziurtapena, ikuskapena eta entseguak, sentsoreen prestakuntza, metrologia eta teknologia, aholkularitza, gainazalen tratamendua, soldadura- eta lotura-teknologiako I+G, eta sektoreko ingeniaritzak eta elkarteak.
Erakusketarien zerrenda kontsultagai dago eta, erakusketa eremuaz gain, beste jarduera batzuk ere izango dira. Besteak beste, conference area delakoa egongo da soldadurarekin eta lotura-teknologiekin lotutako teknologiei eta punta-puntako gaurkotasunari buruzko hitzaldi eta mahai-inguruekin; produktuaren erakustaldiak egingo dira erakusketarien proposamenak eta soluzioak zehaztasun osoz ezagutzeko, eta ikasleei eta profesional gazteei zuzendutako UNIRE soldadurako lehiaketaren bigarren edizioa egingo da.
Azokara joateko izen-emateak doakoak dira eta, horien bidez, enpresa erakusketariekin B2B bilerak hitzartzeko eta bisitak aldez aurretik prestatzeko matchmakingeko plataformetara sartzeko aukera egongo da.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean
Prado Silos nazioartean indartzen, estrategia eta inbertsio berriekin hazkundea bultzatuz
38 herrialdetan presentzia handituz eta 2025erako 9 milioi euroko kontratuak aurreikusiz