Rodamientos Ariztik 65 urte bete ditu Industria 4.0an aurrera egiteko planarekin
Rodamientos Arizti Gasteizen kokatuta dagoen familia-enpresa da. Industria-horniduren sektorean jarduten du, hilabete honetan bertan 65 urte bete ditu. Bere bezeroak esparru askotakoak dira, hala nola makina-erreminta, obra publikoa, ‘packaging’ edo siderurgia. Batez ere tokiko eremuan lan egiten duen arren, Arabako enpresa gero eta gehiago ari da esportazioaren alde egiten. “Nazioarteko merkatua gure fakturazioaren zati garrantzitsu bihurtzen hasi da. Zenbait produktutan espezializatzeak indartsuak izatea eta erantzuteko gaitasuna izatea eragiten digu”, dio Iñigo Arizti enpresako kudeatzaileak.
Rodamientos Arizti 1958an sortu zen, Arabako hiriburuaren erdigunean automobil-ordezkoen denda txiki gisa, eta industria-horniduren sektorean erreferente bihurtu da. Gasteizen duen egoitzaz gain, sukurtsal txiki bat ere badu Salamancan. Gaur egun, belaunaldi-errelebo betean dago; beraz, Arizti familiaren hirugarren belaunaldia izango da laster konpainiako buru. Zehazki, gaur egun hiru anaia bazkide dira, Iñigo, Jorge eta Pablo Arizti, eta agintea Ander eta Julen Ariztiren esku utziko dute.
4.0 industriaren aldeko apustua
Enpresa etengabeko hobekuntza-prozesuan murgilduta dago, lehiakorragoa izateko, eta 4.0 industriaren aldeko apustu sendoa egin du. “Barruan, aldaketa etengabeak egiten ditugu informatikan, bai eta biltegian, erosketetan, salmentetan eta merkataritza-enpresa batean eragiten duen guztian ere. Lanpostu bakoitzerako prestakuntzaren eta eguneratzearen alde egiten dugu. Kanpoan, premium hornitzaileekin lan egiten dugu, sistema konektatuak eskaintzeko, bezeroen ekoizpena optimizatzeko, matxurak eta programatu gabeko geldialdiak aurreratuz”, azaldu du Iñigo Ariztik. Arabako enpresak SPRI taldearen laguntza jaso du aldaketa horretarako, Hazinnova programaren bidez.
Gaur egun 22 langile ditu, eta enpresak optimismoz ikusten du gerentzia berri horren etorkizuna. “Hirugarren belaunaldiak bezeroarenganako hurbiltasun- eta zerbitzu-filosofia bera du, eta horrek lehiakideengandik bereizten gaitu. Etorkizunari begira, ideia berri asko sortzen dira, giltza eskura produktuak, kolaboratzaileekiko sinergiak…”, amaitu du Iñigo Ariztik.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez
Soldaduraren balio-kateari buruzko azokaren, UNIREren, bigarren edizioa egingo dute Ficoban
Sektore horrek Estatu osoan egiten duen kongresu bakarra martxoaren 18 eta 19an izango da
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean