“Proiektu honi esker hobeto ezagutu dugu gure lan egiteko modua eta orain badakigu zertan hobetu dezakegun” Juan Andrés Miguel Cousillas, Balbino e Hijos enpresako kudeatzailea
Errenteriako Balbino e Hijos enpresa 25 urtetik gorako familia ETE bat da, kojineteak, engranajeak eta transmisiorako organo mekanikoak egiten dituena. Lantaldea ohartua zegoen bere lan-prozesuak eta lan egiteko moduak aztertu behar zituela inefizientziak identifikatu eta konponbide berriak bilatzeko. Baina laneko erritmoarekin ezinezkoa zen horretarako astia hartzea.
“Egunerokotasunean ez dago astirik gogoetarako, ezin da pentsatu non zauden eta nola hobetu dezakezun, baina ez kanpora begira, baizik barrura” azaldu du Juan Andrés Miguel Cousillasek, enpresako kudeatzaileak. Horregatik, Hazinnova programa ezagutu zutenean erabaki zuten barneko prozesu administratiboen arlora zuzendutako eskaera bat aurkeztea. “Proiektu horrek behartu gaitu gelditzera eta gogoeta egitera, gauzak nola egiten ditugun aztertzeko” dio Cousillasek “eta batez ere ulertzeko zergatik egiten ditugun gauzak modu jakin batean, eta nola hobetu ditzakegun”.
Barneko prozesuak berrikustea eraginkorrago izateko
Hazinnova doako aholkularitza zerbitzu bat da, bereziki ETEei zuzendua eta helburutzat duena enpresa horiei berrikuntzako mikroproiektuak bultzatzen laguntzea. Balbinoren kasuan, enpresak aholkularitzari adierazi zion barneko prozesuak berrikusi behar zituela eraginkorrago izateko. Hala, aholkularitzak proposatu zion erabil zezala prozesuen modelatze metodologia, hau da, egin zezala antolakundeko prozesu guztien analisi xehe bat inefizientziak identifikatzeko eta konponbideak lehenesteko.
Zehazki, enpresak eta aholkularitzak erabaki zuten eskaintzen jarraipen komertziala egitea eta biltegiko kudeaketa birdiseinatzea, zereginak egutegian markatuz eta eskaintzen jarraipen zorrotza eginaz. Horri esker, lantaldeak hobetu beharreko hainbat puntu detektatu zituen, hobekuntza aproposenak zehaztu zituen eta ekintza plan bat definitu zuen konponbideak ezarri ahal izateko. “Oso lagungarria da zure proiektua ezagutzen ez duen kanpoko batek bere ikuspegia ematea, bere ezagutzarekin adimena irekiarazten dizulako” azaldu du enpresako kudeatzaileak.
Biltegiko kudeaketa hobetu duten emaitza ukigarriak
Balbinok Hazinnova programarekin ezarri duen mikroproiektuaren bitartez, konpainiak bere eguneroko efizientzian eragin zuzena izan duten emaitzak lortu ditu. Orain badu enpresaren eskaintzen jarraipen komertziala egiteko prozesu berri bat, eta baita ere biltegiaren kudeaketari buruzko etorkizunerako ekintza-plan bat. Gainera, langile guztiak prozesuan inplikatu direnez, langileen sentipena da prozesua enpresako kide guztiena dela, eta ez hirugarrenek definitutako konponbide bat.
Doako zerbitzu bat karga administratibo gehigarririk gabe
Hazinnova programak adituen laguntza eskaintzen die euskal enpresei berrikuntzaren arloa lantzen has daitezen. Laguntza horien bidez, antolakundeek 50 orduko aholkularitza pertsonalizatua jasotzen dute euren premiak detektatzeko, konponbide zehatz bat asmatzeko eta praktikan jartzeko. Prozesu hau bereziki diseinatuta dago emaitza ukigarriak eman ditzan 3 hilabetean, gasturik edo karga administratiborik eragin gabe enpresa onuradunari.
Balbinok dio horrelako prozesuetan parte hartzea onuragarria dela enpresentzat, batez ere berrikuntzako aholkularitzekin lan egitera ohituta ez dauden ETEentzat. “Ezin ditugu alferrik galdu eskaintzen zaizkigun baliabideak; gainera, oso kostu txikia du eta abantaila asko ematen ditu epe ertain eta luzera”.
Juan Andrés Miguel Cousillas, eskerrik asko zuen denboragatik eta zuen esperientzia gurekin partekatzeagatik!
Bideo honetan lehen eskutik jakingo duzu nolako esperientzia izan duen Balbino e Hijos enpresak Hazinnova programan:
Lotutako albisteak
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Jon Ander Egaña: “BASQUE FOOD CLUSTERrek elikadura euskal industriaren sektore estrategiko gisa kokatzea lortu du”
Elikatze-katearen euskal elkartea 150 enpresa eta erakunde baino gehiagoren lehiakortasuna hobetzeko lanean ari da, berrikuntzaren garapenarekin, lankidetza-proiektuekin eta teknologien integrazioarekin.
Siteco, 30 urte automatikoki ordaintzeko makinak ekoizten
Arabako enpresak administrazio publikoarekin eta ostalaritza sektorearekin egiten du lan, eta urteak daramatza nazioarteko merkatuan.
Mecanizados Patro enpresak “fidagarritasuna, segurtasuna eta eraginkortasuna” eskaintzen ditu trenbide-sektorean
Serie laburretarako eta luzeetarako pieza espezifikoak fabrikatzen ditu enpresa arabarrak, doitasun handiko lan-tresna eta makinekin.
Icónica, errotulua artelan bihurtzen denean
Arabako enpresa da kartelak fabrikatzen dituen Euskadiko azken enpresetako bat. Hain zuzen ere, bost hamarkada daramatza lanean eta teknika eta artisautza uztartzen ditu bere produkzioak
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
Utilmaik tresna industrial aurreratuak diseinatzen ditu ekoizpen industriala optimizatzeko
Bizkaiko enpresak berrikuntza eta ezagutza teknikoa uztartzen ditu funtsezko sektoreetan mekanizazio-prozesuak hobetzeko, hala nola garraioan, makineria astunean eta aeronautikan.
AVVI laguntzaile birtualak etxebizitzen salmenta eraberritu du, etxeak eraiki aurretik bisitatzeko aukera ematen baitu
Trivima enpresa donostiarrak soluzio berritzaile bat garatu du, salmenta epeak murriztu eta transformazioa areagotzen duen esperientzia interaktiboa ahalbidetzen duena.