Miles Along: “Gutxiago erostea ere bada jasangarritasuna bultzatzea; horregatik, gure produktuek gehiago irauten dute”
Miles Along helburu honekin sortu zen: behar dugun arropa-kopurua murriztea. Silva Echeverríak asko bidaiatzen zuen furgonetan, eta moda diseinatzailea izaki, bururatu zitzaion oinarrizko arropa-pieza gogor eta erosoak sortzea ekipaje gutxiago eramateko. “Bidaia haietako batean deskubritu nuen merino artilea. Oso propietate onak dauzka eta asko erabiltzen dute beste herrialde batzuetan, hemen ez ordea” dio.
Proiektu honen bidez oinarrizko arropa-piezak fabrikatzen ditu, batik bat funtzionalak, erosoak eta jasangarriak direnak, eta bereziki diseinatuta daudenak ahalik eta denbora gehien iraun dezaten. Merino artilearen aldeko hautua egin zuen artile horren ezaugarriengatik, azal sentikorrek ere erabil dezaketen ehun naturala delako, tenperatura erregulatzen duelako, ura uxatzen duelako eta bakterioak saihesten dituelako. Miles Along enpresako lantaldeak hasieratik erabaki zuen ZQ artilea erabiltzea, prozesu osoan (hasi ardien zaintzatik eta ehunen produkzio eta tindaketaraino) jasangarritasuna aplikatzen duten ekoizleek sortua. Zeelanda Berrian erosten dute materiala, Estatuan ez baita horrelako ehunik ekoizten, baina arropen garapen- eta joskintza-lanak Donostiako tailer batean egiten dira.
Ekimena duela 4 urte jarri zen martxan, Kickstarter atariko crowdfunding kanpaina baten bidez lehen kamiseta-linea merkaturatu zutenean. “Komunikazio arloan ia batere lanik egin gabe ere, ikusi genuen harrera bikaina izan zutela, badagoelako horrelako produktuak erosi nahi duen jendea” azaldu du Silvia Echeverríak. Hortik abiatuta, pixkanaka katalogoa zabaldu dute, bertara biltzeko jaioberri eta haurrentzako arropak ere, eta mikro-mezenasgo kanpainak egin dituzte euren produktua ezagutarazteko. Emakume eta haurrentzako azpiko arropa-linea bat merkaturatu dute berriki Goteo plataformaren bitartez.
Enpresak atzean duen filosofiak oinarritzat dauka kontsumoa minimizatzea. “Gaur egungo arropek badute obsoleszentzia epe bat, espreski diseinatzen dira denboraldi bat edo bi irauteko” dio diseinatzaileak, “gure ideia ez da hori, guk irauteko egiten ditugu arropak, 20 urtez erabil ditzagun hondatu gabe, lehen egiten zen bezala”. Horrez gain, body positive kontzeptua ere defendatzen dute, eta gorputz desberdin askotara egokitu daitezkeen arropak diseinatzen dituzte. “Asmoa da taila berak balio dezala gorputz desberdinentzat, uste dugu garrantzitsua dela arropa norberari egokitzea, eta ez alderantziz”.
Lotutako albisteak
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da