Lanit Taldea, datuen analisian espezialista, enpresen jarduera errazteko helburuarekin
Lanit Taldea Urdulizen (Bizkaia) egoitza duen enpresa bat da, 2015ean sortua. Lehen urteetan merkatuan posizionatu ondoren, enpresa datuen analisian espezializatu da. “Gure xedea datua negozioari hurbiltzea da, eta horrela enpresaren onura lortzea, aplikazioetan, erabakitze sistemetan, IArekin edo monitorizazio masiboarekin”, azaldu du Javier Lastra Noriegak, Laniteko zuzendariak. Gaur egun, 35 aholkularik osatzen dute plantilla, eta datozen urteetan 40ra zabaltzeko asmoa dute.
Lanitek batez ere Euskadin jarduten du, eta bezero ugari ditu hainbat esparruatan, esaterako: bankuak, elikagaien banaketako enpresak, industria edo osasun-sektorea. Azken aldian egin duen lanik aipagarrienetako batean Euskadin egoitza duen multinazional handi batekin aritu da elkarlanean. “Proiektu honetan 1.000 datu-jatorri baino gehiago genituen, 20 terabyte, eta 20 milioi dokumentu inguru. Horrekin 300 aginte-koadro baino gehiago sortu ditugu, denbora errealeko informazioarekin”, Javier Lastrak nabarmendu duenez. Azpimarratzekoa da multinazionalak eredu hori errepikatu duela munduan zehar banatutako beste egoitza batzuetan.
Antzeko beste proiektu berri bat EITBrekin jorratu da. Bertan, Lanitek komunikazioaren munduan erabilitako metadatu guztiak bildu ditu (teletipoak, aktak, prentsa-oharrak), edozein langilek bilaketa oso azkar baten bidez bere hemeroteka dokumental osoa nahi bezala mozteko aukera izan dezan.
Paintech Proiektua izan da Laniten beste ekimen bat. Athlon, Init eta BioCruces Bizkaiarekin batera, bizkarreko min kronikoak prebenitzeko eta identifikatzeko sistema bat garatu du enpresak. “Datu medikoak oso ugariak dira, eta kasu honetan sistema honek asko prozesa ditzake: pazienteen osasun-ohiturak, kontsultak, analisiak, preskripzioak, tratamenduak… Datu horiek guztiak batuta, lunbalgia puntuala duten eta kronifikatzeko arriskua duten pazienteak monitorizatzea lortzen dugu. Beraz, balizko jarraibide edo tratamenduak aurreikusi ahal dira hori saihesteko”, adierazi du Laniteko zuzendari nagusiak. Proiektu hau SPRI Taldearen lankidetzarekin gauzatu da, Bodegas Amesguren eta Tecnaliarekin batera orain lantzen ari den beste proiektu bat bezala, ardoaren hartzidura-prozesuari buruzko datu zehatzak ezagutzea ahalbidetuko duen soluzio bat ezartzeko helburuarekin.
Etorkizunari begira, urte batzuk merkatuan eman ondoren, Lanitek datuen analisian espezializatzen jarraitu nahi du, sektore berrietan lan egiten jarraitzeko, hala nola ardogintza-sektorea.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez
Soldaduraren balio-kateari buruzko azokaren, UNIREren, bigarren edizioa egingo dute Ficoban
Sektore horrek Estatu osoan egiten duen kongresu bakarra martxoaren 18 eta 19an izango da
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean