Iris Chains, motorretarako eta industriarako kateak fabrikatzen liderra den Eibarreko enpresa
Iris Chains ia 90 urte dituen eta Eibarren dagoen enpresa da. Motorretarako eta industriarako kateak fabrikatzen espezializatuta dago. Bezeroei produktu pertsonalizatuak eskaintzen dizkie eta azken hiru urteotan bultzada handia izan du. Fakturazioak ere gorakada handia izan du. SPRI Taldeak Euskadiko enpresei beren proiektuak ezagutarazteko aukera eskaintzen die “Zutaz mintzo gara” egitasmoaren bidez.
Enpresa 1935ean sortu zen Eibarren bizikletetarako kateak fabrikatzeko. Urte batzuk geroago, motozikleten merkatuan barneratu zen eta, 70eko hamarkadan, beste sektore batzuetarako kate industrialak produzitzen hasi zen: automobilgintza, elikadura, farmazia edo nekazaritza.
Eskaintzen duen produktua garraio- eta arrabol-kateak dira eta batez ere kate berezietan oinarritzen da. Dena den, produktu osagarriak ere hornitzen ditu: piñoiak edo kate-tenkagailuak. “Ia edozein kate motaren fabrikatzaileak gara eta bezeroaren beharretara egokitzen ditugu”, adierazi du marketineko arduradun Laura Ramosek. Automobilgintza, packaginga, elikadura, egurgintza eta farmazia dira bere bezero diren sektore nagusiak. Kateak potentzia transmititzeko edo objektuak garraiatzeko erabiltzen dira, besteak beste.
Iris Chainsek, gainera, bere katalogoaz harago doazen produktuak diseinatzen eta soluzioak eskaintzen ditu. “Bezeroak behar dituen kateak produzitzen eta, dagokionean, katearen bizitza erabilgarria luzatzeko hobekuntzak eskaintzeko diseinatzen ditugu”, adierazi du Celeste Cuneok, Controller-ak (zuzendaria). Hain zuzen ere, fabrikatutako kateen % 60 dira pertsonalizatuak.
Salmenten % 70 atzerrian egiten du, “batez ere Europan, eta 50 herrialde baino gehiagotara esportatzen dugu”.
I+G
I+G arloa ezinbestekoa da eta urtez urte handitu egin da gainera. 2023an, fakturazioaren % 5ekoa izan zen. “Aurtengorako, handitzeko eta I+G arlo espezifikoa sortzeko asmoa dugu”. Ia ez dute produktu pertsonalizatu horietarako lehiakiderik. “Gehienak banatzaileak dira; gutxi dira fabrikatzaileak. Euskadin, ez dago fabrikatzailerik”.
Etorkizunera begira, erronka nagusia digitalizazioarekin lotuta dago. “2022an egindako plan estrategikoaren arabera, digitalizazioa gure ahulezietako bat zela ikusi genuen, eta hori konpontzen saiatzeko, SPRI Taldearen Inplantalariak programa jarri genuen abian”. Gure helburua da sail bakoitza digitalizatzea eta adimen artifiziala aplikatzea, “ez baitugu atzean geratu nahi”.
Enpresak onlineko B2b denda jarri behar du bezeroei erraztasun gehiago emateko eta erosketa automatizatuagoa eskaintzeko. “Gure asmoa da bezeroek beren eskariaren egoera zein den denbora errealean ikusi ahal izatea”.
Gainera, enpresak 4.0 industria bultzatzen jarraituko du “eta jarduerari, fakturazioari eta langile kopuruari dagokienez (edo beste nolabait esanda, alderdi guztietan) hazten jarraitu nahi du”. Bestalde, produktuen gama zabaldu, eta soluzio gehiago eta mundu mailako euskarria eskaini nahi ditu. Bezeroak hala eskatuz gero, enpresak muntaketako eta mantentze-lanetako zerbitzua eskaintzen du. “Ez dago zehaztutako salmenta osteko zerbitzurik. Eta horixe bera izango da aurtengorako gure helburuetako bat: bezeroei soluzio osoa ematea”.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez
Soldaduraren balio-kateari buruzko azokaren, UNIREren, bigarren edizioa egingo dute Ficoban
Sektore horrek Estatu osoan egiten duen kongresu bakarra martxoaren 18 eta 19an izango da
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean