Iparlatek proteina alternatiboen garapenean eta enpresaren berrikuntzan aurrera egin du Hazinnovaren eskutik
Urnietan (Gipuzkoa) kokatutako enpresa da Iparlat, eta esnekiak eta edari begetalak ekoizten, ontziratzen eta merkaturatzen ditu. 500 langile ingururekin, konpainiak beste lantegi batzuk ditu Nafarroan, Leonen eta Kantabrian, eta bertan ekoizten dira taldeko marka desberdinak: Esnelat, UHT teknologia (tenperatura altuetako tratamenduak) eta pasteurizazioko tratamendu termikoak garatzen dituena; Andía Lácteos de Cantabria, botilan ontziratutako esnekietan espezializatua; Lactiber, esnekien ekoizpenean espezializatua; eta Natur All, edari begetalen prozesu osoan espezializatua.
Batez ere banatzaile handientzat egiten du lan, eta bere merkatu nagusia nazionala da. Hala ere, 2018. urtetik, Natur All landare dibisioaren sorrerari esker, konpainia nazioartekotzen hasi zen, eta, gaur egun, 15 herrialde baino gehiagotara esportatzen du.
Garatzen eta gero eta merkatu gehiagotan murgiltzeko asmoarekin, Iparlatek SPRI Taldearen laguntza jaso du Hazinnova programaren bidez bi proiektutan. Lehenengoan, proteina alternatiba berri batean ikertu da: intsektu proteina. Horretarako, kontsumitzaileei azterketa bat egin zitzaien, kontsumo-ohiturak, probatzeko joera, matrize mota posibleak, nutrizio-balioak edo erosteko asmoa aztertzeko, besteak beste. “Proiektuak proteina alternatibo hau lehenesten lagundu du, beste batzuen aurrean, eta etorkizuneko garapenen oinarriak zehazten. Produktu berriak kontsumitzaile ikuspegitik hasi behar dira beti, eta azterketaren emaitzak balio proposamen horrek nolakoa izan beharko lukeen zehazten lagundu digu”, nabarmendu du Aitzpea Armendarizek, Iparlateko New Business Managerrak.
Bigarren ekimenean, Iparlatek bere berrikuntzan aurrera egin du. Aholkularitza-azterketa bat egin ondoren, berrikuntza-proiektuak bilatzeko, ebaluatzeko eta lehenesteko estrategia berri bat eta barne-antolaketa eredu berri bat definitu dira. “Startup eta zentro teknologikoekin lan egingo dugu produktu eta osagai berrien garapenean, digitalizazio-proiektuetan eta jasangarritasunarekin lotutako ekimenetan aurrera egiteko”, adierazi du Armendarizek.
Berrikuntzaren aldeko apustu hori ‘Future Food by Iparlat’ izeneko ekintzailetza-programa berrian jasotzen da. “Produktu eta osagai berriak garatzen lagundu diezaguketen startupei zuzenduta dago, konpainiaren digitalizazioaz eta jasangarritasunaz gain”.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez
Soldaduraren balio-kateari buruzko azokaren, UNIREren, bigarren edizioa egingo dute Ficoban
Sektore horrek Estatu osoan egiten duen kongresu bakarra martxoaren 18 eta 19an izango da
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean