Innobasquek adimen artifizialeko eta AA sortzaileko kasu praktikoen deialdia egin du hurrengo Global Innovation Day jardunaldirako
Innobasquek, Berrikuntzaren Euskal Agentziak, Euskadin egin diren berrikuntzako kasu praktiko onenak bildu nahi ditu beste urte batez, horiek eredutzat harturik berrikuntza sustatzeko funtsezko prosezu gisa; izan ere, Innobasquek uste sendoa du berrikuntza dela euskal enpresen lehiakortasuna eta bultzatzeko giltzarria.
Deialdia lankidetzan egin dugu Innobasquek, Basque Artificial Intelligence Centerrek (BAIC) eta Matematika Aplikatuen Euskal Zentroak (BCAM). Aurten, adimen artifizialean (AA) eta adimen artifizial sortzailean (AAS) oinarritutako soluzio berritzaileen kasuak bildu nahi dira, biak ala biak inpaktu eta ahalmen eraldatzaile handiko tresnak baitira erakundeen eta enpresen konpetentziak eta gaitasunak garatzeko.
Aurkeztutako hautagaitzen artean, Innobasquek, Berrikuntzaren Euskal Agentziak, kasurik esanguratsuenak hautatuko ditu Global Innovation Day jardunaldiko hizlarien panela osatzeko. Azaroan hamahirugarren edizioa beteko du ekitaldiak. Innobasquek antolatutako topagune profesional hau sendotzen joan da urtez urte eta erreferentzia nagusietako bat da berrikuntzaren dibulgazioan eta Euskadi berrikuntza altuko eskualde gisa posizionatzeko lan horretan, bertan biltzen baitira, urtero, berrikuntzaren euskal ekosistemako eragile nagusiak.
Sektore guztiei zuzendua
Deialdian edozein sektore, tamaina edo izaera juridikoko edozein erakundek har dezake parte: multinazionalek, ETEek, elkarteek, eragile zientifiko-teknologikoek, ikastetxeek, erakunde publikoek edo interes sozialeko erakundeek.
Kasu praktikoek 2021etik hona garatutakoak izan behar dute, eta agerian utzi behar dute Adimen Artifiziala (AA) edo Adimen Artifizial Sortzailea (AAS) aplikatuz eta ezarriz hainbat berrikuntza garatu direla, eta horiei esker enpresen lehiakortasuna hobetu dela. Horrenbestez, hainbat esparrutan eta antolakuntza-prozesutan garatutako kasuak aurkeztu daitezke deialdi honetara: besteak beste, estrategiak zehazteko, eragiketak eta proiektuak kudeatzeko edota bezeroekiko harremanak bideratzeko proposamenak.
Proposamen berritzaileenak hautatzeko, lehenik eta behin, ezarritako berrikuntzen edukia eta kudeatzeko modua hartuko dira lehentasunezko irizpidetzat. Hau da, kontuan izango dira, besteak beste, honako faktore hauek: berrikuntzaren izaera estrategikoa, berritasun maila, beste erakunde batzuek izan duten parte-hartzea edo lankidetza, enpresaren eguneroko martxan izan duen txertatzea, eta garapenerako aintzat hartu diren jasangarritasun-planteamenduak (ingurumenari lotutakoak, ekonomikoak eta sozialak). Bestalde, honako irizpide hauek ere baloratuko dira: efikazia, efizientzia, inpaktu-maila, erreplikabilitatea eta transferigarritasuna, hirugarrenen aintzatespena, erabilitako datuen kalitatea, partekatutako datu-espazioen parte-hartzea edo sorrera, diseinutik aplikatutako balio etikoak, edo adimen artifiziala aplikatzeko erabilitako teknologien zehaztapena.
Deialdiaren oinarrietan zehaztutako irizpideak betetzen dituzten kasu guztiak Innobasqueren Berrikuntza Kasu Praktikoen Bankuan jasoko dira, eta Berrikuntzaren Euskal Agentziak antolatutako beste dibulgazio-ekintza batzuetan parte hartzeko hautatu ahal izango dira, edo beste foro eta komunikazio batzuetan zabaldu ahal izango dira.
Innobasquek deitzen duen kasu praktikoen bosgarren deialdia da hau, eta 300 ekimen berritzaile baino gehiago biltzea lortu zuen aurreko 4 edizioetan.
Deialdi honen bidez beren proposamenak (bat baino gehiago izan daiteke) aurkezteko interesa duten erakundeek uztailaren 15era arteko epea izango dute horretarako. Hemen dago deialdi honi buruzko informazio guztia.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez
Soldaduraren balio-kateari buruzko azokaren, UNIREren, bigarren edizioa egingo dute Ficoban
Sektore horrek Estatu osoan egiten duen kongresu bakarra martxoaren 18 eta 19an izango da
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean