Hiri-txirrindularientzako oinetako eta osagarri jasangarriak zaharkitze programatuaren aurka
Bilboko enpresa batek material jasangarriekin egindako zapata bilduma bat merkaturatu du. Gainera, zapata horiek zola nahi adina aldiz aldatzeko aukera ematen dute, modaren industrian hondakinak murriztuz eta haien bizitza erabilgarria luzatuz. Libertad Avenue konpainia hiri-txirrindularientzako oinetako eta osagarri jasangarrien lehen marka da. Iberiar penintsulan daude ekoitzita eta zaharkitze programatuaren logikari aurre egiten diote, behin eta berriz konpontzeko aukera ematen baitute.
Carla Peirano Figueroa, Bilbon bizi den txiletarra, da zuzendaria eta sortzailea. Berak dio aipatzekoa dela material birziklatuekin eta eragin ekologiko txikia dutenekin eskuz diseinatu eta ekoitzitako produktuak direla. Guztira hiri-txirrindularien profil desberdinetarako pentsatutako hiru oinetako-gama biltzen ditu markak.
Peiranoren arabera, “hirian eguneroko joan-etorrietan bizikleta hartzen duten pertsonek erabiltzen dituzten oinetakoak eta osagarriak behar espezifikoak dituzte, diseinuari, erabilgarritasunari eta segurtasunari dagokienez. Orain arte, merkatuak ez zituen behar horiek modu espezializatuan erantzuten”. Hain zuzen ere, premia hori betetzeko sortu du Libertad Avenue, Kickstarter crowdfunding plataformaren bidez finantzatutako lehen oinetako bilduma bat proposatuz. Iraunkortasuneko ziurtagiria dute, eta kalitatezko materialekin egindako oinetakoak eskaintzen ditu, behin eta berriz erraz konpon daitezkeenak.
Oinetakoen diseinuari esker, zola erabat ordezka daiteke, haren bizitza erabilgarria luzatuz. “Faktore garrantzitsua da hori”, gaineratu du Peiranok, “bizikletan ibiltzen diren pertsonen oinetakoek higadura handia dutelako”. Larruz egindako zola da, animalien ongizate-ziurtagiria du, tindorik gabe, eta berrerabilitako materialetik datorren poliuretano termoplastiko injektatuarekin (plastiko birziklatua) eginda dago. Zola hori berrerabilitako materialarekin egindako bide-gomazko bigarren zola batez estalita dago, eta hori aldatu egin daiteke goma erabileragatik gastatzen denean. Oinetakoen kanpoaldea eta forrua ere material jasangarriekin eginda daude, hala nola eragin ekologiko txikiko animalien ongizate-ziurtagiria duen larrua tindatzeko prozedurekin edo PET botilekin, “Oso iraupen luzeko materialak”, Peiranoren arabera.
Ekologiaren hiru arauak jarraitzeaz gain (murriztu, berrerabili, birziklatu), Libertad Avenue-n detaile islatzaileak ere sartu dituzte oinetakoetan, txirrindularien segurtasuna areagotzeko. Ildo beretik, “Europar Batasunaren proiektu batean parte hartzen dugu, epe ertainean gure produktuetan teknologia berritzailea txertatzeko, erabiltzaileen segurtasunarekin lotuta”, gaineratu du euskal enpresa horren sortzaileak.
Lehenengo bilduman, diseinu desberdineko hiru oinetako-gama aurki daitezke, hiriko txirrindularien profilak kontuan hartuta. “Gama exekutiboago bat sortu dugu bulegora janzkera formalarekin doazen pertsonentzat; beste bat beganoa da; eta hirugarrena artsy deitzen da, diseinu koloristagoa maite duen pertsonei zuzendua”, adierazi du Peiranok. Oinetakoez gain, Libertad Avenuek bizikletari lotzeko bi poltsa atera ditu, zapatak bezala modu iraunkorrean eta birziklatutako materialekin eginak eta Iberiar penintsulan fabrikatuta. Eta, laster, zolak markaren ecommercean egongo dira eskuragarri, gastatu ahala zapatarian aldatzeko.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova eta Innobideak bezalako programak eta laguntzak ditu. Hemen kontsulta daitezke.
Lotutako albisteak
Abuelo Actual, bi hamarkada adinekoen etxeak oztoporik gabeko espazio bihurtzen
Bizkaiko Silver Economy-ko Enpresen Gidaren parte da eta Nagusi Intelligence Centerrek bultzatu du, Foru Aldundiaren proiektu estrategikoak.
Moldes Ura enpresak berrikuntzaren alde egin du lehiakorra izaten jarraitzeko
Zamudion kokatuta, automobilgintza sektorerako injekzio eta konpresio moldeak ekoizten ditu enpresak, eta duela gutxi SPRI Taldearen Hazinnova programan parte hartu du.
Amazinglers: “Gazteek TikTok bidez lana bilatu eta aurkitu ere egiten dute, eta horretara egokitu behar gara”
Igone Ruiz de Azua arabarrak sortutako startupak gazteak enpleguekin eta praktikekin konektatzen dituen plataforma bat baino askoz gehiago izan nahi du; talentu bila enpresei aholkuak ematen dizkien eta belaunaldi berrien potentzialaren aldeko apustua egiten duen komunitatea.
Alterity, robotika mugikorrarentzat eta mugikortasun elektriko arinarentzat bateriak fabrikatzen dituen enpresa bizkaitarra
Elkarteak SPRI taldearen nazioartekotze-programaren laguntza bat jaso du, eta bezeroak ditu jada Italian, Suitzan eta Herbehereetan
Sariki, metrologian liderra den ETEa: “BIND SMEk zure erronketarako soluzioak dituzten startupekin konektatzen zaitu”
Gipuzkoako ETEak 40 urte beteko ditu 2025ean, eta BIND SMEren, Eusko Jaurlaritzak sustatutako eta startupekin berrikuntza irekian jarduteko programaren, 2. edizioan parte hartu zuen
Novaut, blog batetik jaio zen marketplace industrialaren finkapena
Merkatuan bost urte daramatza, eta Arabako enpresak lortu du bere lekua egitea ordezko pieza kritikoen sektoreko erraldoien artean
Makegik retrofitting industrialaren aldeko apustua egin du, nazioarteko hedapenerako bide gisa
Makina-erreminten eguneratzean espezializatutako enpresa gipuzkoarra merkatu aeroespazialean oinarritutako lan-ildo berriak garatzen ari da.
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da