“Hazinnovari esker, balio handieneko bezeroengan jarri dugu fokua”, David Gómez Pérez, Asebrok 2000 enpresako bazkidea
Asebrok 2000 Bilbon kokatutako enpresa bat da, aseguruen arloko konponbideak eskaintzen dituena bai pertsonentzat eta bai antolakundeentzat. Aseguru-etxe multinazionalek prezioak jaisteko zabaldu duten kulturari men egin beharrean, enpresa honetako bazkideek erabaki zuten beharra zutela euren estrategia komertziala birplanteatzeko eta euren lehiakortasun bereizgarria balioan jartzeko. Eta hori lortzeko baliatu dituzte Hazinnova laguntzak.
“Estrategia komertziala birdefinitzeko prozesuan murgilduta geunden, eta programa honek gure kezketako bat argitzen lagundu digu, gure bezeroen segmentazioarena hain zuzen” azaldu du Asebrok 2000 enpresako bazkide den David Gómez Pérezek. Aseguru-artezkaritzaren helburua zen bezeroak gehiago leialtzea eta bezero berriengana iristea, aseguru-etxe handien aurrean lehiakor izaten jarraitzeko.
Negozio-aukerak lehenestera bideratutako konponbide bat
Hazinnova programak laguntza ematen die enpresei berrikuntzako mikroproiektuak garatzeko aholkulari adituen laguntzarekin. Asebrok enpresaren kasuan, aholkularitzak proposatu zuen enpresaren portfolioaren diagnostikoa egitea, horretarako beraizik aztertuz bezero bakoitzaren errentagarritasuna eta kokatze estrategikoa. “Irizpide jakin batzuen arabera sailkatu genituen gure bezeroak” dio David Gómezek “eta, horrela, guretzat balio gehien duten bezeroengan jarri dugu fokua”.
Hala, lantaldeak bere bezeroak sailkatu eta lehenetsi zituen aholkularitza baten laguntzarekin. Hortik aurrera, tresna bat inplementatu zuen datu horiek bistaratzeko eta bezero-zorroaren kudeaketa errazteko. Asebrok enpresako bazkideak azaldu bezala, “enpresan lan egiten duten pertsona guztiak sar daitezke bezeroaren profilera, eta bertan ikus dezakete nolako arreta eman behar zaion, zein zerbitzu eskain diezazkiokegun eta nola argitu behar zaizkion zalantzak”.
Bezero-zorroa handitzeko estrategia bat
Hazinnova programaren bitartez, aseguru-artezkaritzak bezero segmentu bakoitzarekin garatu beharreko protokoloak definitu ditu eraginkortasun irizpideak oinarri hartuta. Gainera, prozesu honi esker plan komertzial berri bat garatu dute, balizko bezeroak identifikatu dituzte eta konpainiaren helburuen araberako ekintza komertzialak finkatu dituzte.
Prozesu honek lantaldearen inplikazio handia eskatu du, baina azterketa-lan honi esker balizko 5.000tik gora bezero identifikatu dituzte Euskadin, Nafarroan eta Kantabrian. “Ahalegin handia egin behar izan dugu, baina lortu dugun emaitza oso baliotsua da gure antolakundearentzat” dio David Gómezek.
Helburuak lortuta soilik hiru hilabeteko garapenarekin
Hazinnova doako aholkularitza eta laguntza zerbitzu bat da, 10 langile edo gehiago dituzten euskal enpresei zuzendua dagoena. Programak laguntza ematen du enpresaren beharrizan zehatz bati erantzungo dioten berrikuntzako mikroproiektuak garatzeko. Horretarako, ETE onuradunek 50 aholkularitza-ordu espezializatu jasotzen dituzte eta hurbileko Hazinnova agente baten laguntza dute prozesu osorako. Programaren helburua da enpresak bere lehiakortasuna hobetzera bideratutako emaitza ukigarriak lortzea 3 hilabeteko garapenarekin.
“Hazinnovari esker, lan dinamiko eta oso baliotsua egin dugu” dio Asebrok 2000 enpresako bazkideak.
David Gómez Pérez, eskerrik asko zuen denboragatik eta zuen esperientzia gurekin partekatzeagatik!
Bideo honetan lehen eskutik jakingo duzu nolako esperientzia izan duen Asebrok 2000 enpresak Hazinnova programan:
Lotutako albisteak
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Jon Ander Egaña: “BASQUE FOOD CLUSTERrek elikadura euskal industriaren sektore estrategiko gisa kokatzea lortu du”
Elikatze-katearen euskal elkartea 150 enpresa eta erakunde baino gehiagoren lehiakortasuna hobetzeko lanean ari da, berrikuntzaren garapenarekin, lankidetza-proiektuekin eta teknologien integrazioarekin.
Siteco, 30 urte automatikoki ordaintzeko makinak ekoizten
Arabako enpresak administrazio publikoarekin eta ostalaritza sektorearekin egiten du lan, eta urteak daramatza nazioarteko merkatuan.
Mecanizados Patro enpresak “fidagarritasuna, segurtasuna eta eraginkortasuna” eskaintzen ditu trenbide-sektorean
Serie laburretarako eta luzeetarako pieza espezifikoak fabrikatzen ditu enpresa arabarrak, doitasun handiko lan-tresna eta makinekin.
Icónica, errotulua artelan bihurtzen denean
Arabako enpresa da kartelak fabrikatzen dituen Euskadiko azken enpresetako bat. Hain zuzen ere, bost hamarkada daramatza lanean eta teknika eta artisautza uztartzen ditu bere produkzioak
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
Utilmaik tresna industrial aurreratuak diseinatzen ditu ekoizpen industriala optimizatzeko
Bizkaiko enpresak berrikuntza eta ezagutza teknikoa uztartzen ditu funtsezko sektoreetan mekanizazio-prozesuak hobetzeko, hala nola garraioan, makineria astunean eta aeronautikan.
AVVI laguntzaile birtualak etxebizitzen salmenta eraberritu du, etxeak eraiki aurretik bisitatzeko aukera ematen baitu
Trivima enpresa donostiarrak soluzio berritzaile bat garatu du, salmenta epeak murriztu eta transformazioa areagotzen duen esperientzia interaktiboa ahalbidetzen duena.