Ficoban ospatuko da martxoan Unire, soldaduran eta lotura-teknologietan espezializatutako lehen azoka
2023ko martxoaren 8an eta 9an, Ficobak (Gipuzkoako Erakustazoka) Unire azoka hartuko du, soldaduran eta material anitzeko, desmuntagarriko eta desmuntaezineko lotura-teknologietan espezializatutako Estatuko azoka profesional bakarra.
Ficobak antolatzen du, CESOL, Soldaduraren eta Lotura Teknologien Espainiako Elkartearen laguntzarekin, eta Gipuzkoako Foru Aldundiak eta SPRI-Eusko Jaurlaritzak bultzatzen dute. Azokaren helburua negozioa sortzea, ezagutza trukatzea eta soldadura eta lotura-teknologien sektoreko etorkizuneko profesionalen talentua sustatzea da.
Hitzorduan, gainera, CESOLen XXIII. Jardunaldi Teknikoak eta I. Soldadura Lehiaketa izango dira. Bertan, estatu osoko 25 prestakuntza-zentrotako ikasle eta gazte profesionalek hartuko dute parte. Horrez gain, hitzaldi programa bat ere izango da, non enpresa erakusketariek hitzaldi teknikoak eta produktuen erakustaldiak eskainiko dituzten. Eta, azkenik, simulazio-kornerra izango da, bisitariek soldatzaile gisa dituzten trebetasunak probatzeko aukera izan dezaten. Dagoeneko izena eman daiteke.
Zeharkako sektore bat
Soldadura eta lotura-teknologiak zeharkako sektorea dira, eta industria-prozesuetan aplikazio-eremu ia unibertsala dute, automobilgintzatik, trenbidetik, ontzigintzatik eta aeroespazialetik hasi eta energia eolikoa eta eraldaketa metalikoraino, besteak beste. Hau da, prozesu horiek balio erantsiko kate askoren funtsezko osagaiak dira, eta, batzuetan, fabrikazio-kostuen % 50 ere izan daitezke.
Horrela, bada, Unirek sektoreko azken berrikuntzak ezagutzeko leku bihurtu nahi du; materialen soldadura eta loturarako soluzioak eskaintzen eta eskatzen dituzten enpresen ekosistemarentzako topagune bat, hala nola, soldatzeko eta ebakitzeko ekipoen eta produktuen fabrikatzaileak eta banatzaileak; kontsumigarrien fabrikatzaileak eta banatzaileak; gas industrialak eta betegarrien eta ekarpenen materialak; itsasgarriak; segurtasun- eta babes-ekipamendua; ebaketa, transformazioa, konformazioa, konponketa eta soluzio automatizatuak; homologazioa eta ziurtapena; ikuskapena eta saiakuntzak; sentsoreen prestakuntza; metrologia eta teknologia; aholkularitza; gainazalen tratamendua; soldaduraren eta batasunaren teknologiako I+G; ingeniaritzak; eta sektoreko elkarteak, besteak beste. Erakusketarien zerrenda hemen kontsulta daiteke.
SPRI Taldeak laguntza ematen dio euskal enpresari, laguntza-programen bidez, trantsizio teknologiko-digitala, energetiko-ingurumen-trantsizioa eta gizarte- eta osasun-trantsizioa errazteko. Aurkitu zure negozioaren beharretara hobekien egokitzen den programa.
Lotutako albisteak
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da