Dastatzen Group online haragi-dendetako lehena bihurtu da Estatu mailan
Harakinen lau belaunaldik gaur egun Dastatzen Group bezala ezagutzen dugunari bide ematen diote, haragiaren sektorean ibilbide luzea duten bi enpresen bat-egitea, Cárnicas Dastatzen haragi-banatzailea eta Iruki, Behi Nagusiaren heltzean eta esportazioan aditua. Elkarrekin Europar Batasuneko hainbat herrialdetan egotea lortu dute, eta estatu mailan haragitarako online denden artean lehen postuan kokatu dira. Izan ere, 2020an 40.337 eskaera pilatu zituzten eta 2021ean salmenta kopurua mantentzea lortu dute urtean ia bi milioi euro fakturatuz kanal horren bidez bakarrik.
“Pandemia hasi zenean, taldea sortzen ari ginen bete-betean. Horrek proban jarri gintuen eta oso une gogorrak bizi izan genituen, baina aukera bat izan zen guretzat”, onartu du Jon Gorostiagak, taldeko presidenteak. Izan ere, 2020an Astigarragako enpresaren bezero nagusiak, ostalaritzak, ateak erabat itxi zituen, bere negozio-estrategia berriz zuzentzeko beharra eraginez. “Testuinguru horretan, argi ikusi genuen azken kontsumitzailearengana, etxeetara, iritsi behar genuela, eta Iruki gure marka espezializatuaren bidez egitea erabaki genuen. Negozio-ildo berri bat sortu genuen, horrek dakarren guztiarekin: marketina, bezeroarentzako arreta, logistika, espedizioak, mozketa berriak, etab. Ez zen bide erraza izan, erabiltzaile digitala oso bezero zorrotza baita, eta berehalakotasuna eta zehaztasuna bilatzen ditu beti, baina milaka eta milaka etxetara iristeko gai izan ginen, eta, horrela, Espainia osoko haragiaren online denden artean lehenak bihurtu ginen”, azaldu du Gorostiagak.
Negozio-lerro berri hori Astigarragako enpresaren fakturazio osoaren % 10 da dagoeneko, eta horri denda fisikoaren eta B2B bezeroen salmentak gehitu behar zaizkio: handizkariak, banatzaileak, harategiak, ostalaritza, etab. Publiko horiei guztiei arraza eta kalitate desberdinetako produktuak eta mozketa ugari eskaintzen dizkiete, tartean amerikarrak eta argentinarrak, eta e-commerce bidez 72 ordu baino gutxiagoan iristen dira kontsumitzailearen etxera. Gainera, behiak, txahala eta arkumea ere banatzen dituzte, baita Dry Aged izeneko haragiak ere (heltze-aldi luzeekin), ez bakarrik tokian-tokian, baita Europan ere; horrela, Italia, Frantzia, Inglaterra edo Portugalera iristen dira. “Haragiaren kalitatea hasieratik amaierara kontrolatzen dugu balio-kate osoan. Hautaketa bikoitzaren teknikarekin lan egiten dugu, hau da, jatorrian haragirik onena aukeratzen dugu eta bigarren aukeraketa bat egiten dugu gure instalazioetan. Horrela, gure bezeroei kalitaterik onena eskaintzea lortzen dugu”, dio Gorostiagak. Horren ildora, 2019an munduko haragi onenaren brontzezko domina lortu zuten World Steak Challengen, eta Basque Culinary Centerreko kolaboratzaile eta hornitzaile ofizialak izan dira.
Inbertsioa eta berrikuntza hazkundearen gako gisa
Duela gutxi, Gipuzkoako taldeak Arabako haragi-banatzaile nagusia, Sáenz Horeca, erosi du, eta, horrela, plantilla % 50 handitu du. “Sáenz Horecaren instalazio berritzaileek aukera ematen digute gure eraldaketa-bolumena handitzeko eta HORECA sektorean (Hotelak, jatetxeak eta cateringa) intentsitate handiagoz sartzeko”, gaineratu du Dastatzen Group-eko presidenteak. Arabako enpresak ibilbide luzea du sektore horretan, hotel-talde handietan (Melia, Silken, NH, etab.) eta lurralde nazionaleko hainbat kolektibotan (Auzolagun, Senal, Serunion, Aramark, etab.) banatzen esperientzia handia baitu.
Era berean, 2020an, CEPYMEk (Enpresa Txiki eta Ertainen Espainiako Konfederazioak) nazio mailan hazkunderik handiena izan duen ETEetako bat bezala nabarmendu zuen Dastatzen Group, eta 2021ean Diariovasco.com sarietan industria-enpresen kategoriako estrategia digital onenaren saria lortu zuen. Iaz ere, SPRI Taldeak eskainitako Hazinnova programan parte hartu zuen, eta, horren bidez, ikerketa bat egin zuen bere produktuak merkatu berrietara egokitzeko. “2020 eta 2021 artean retail sektorean merkaturatzeko eta gure produktuak kontsumo handiko merkatuan banatzeko lan egiten dugu. Azterketa horri esker, baliozko proposamen berri bat garatu ahal izan genuen Iruki markarekin, Prosumer Lab aholkularitza-enpresaren lankidetzari esker. Guretzat erronka handia zen arreta Retail sektorean (B2C) jartzea; izan ere, 2020ra arte Dastatzen Group esklusiboki B2B motako merkatuetara zuzentzen zen”, azaldu du Gorostiagak.
Gaur egun, bezeroen beharretara egokitzen diren formatu eta packaging berriak garatzen jarraitzen dute proiektu honetan, eta Dastatzen Groupek argi dauka: “Zaila da etorkizuna aurreikustea, baina argi dago kontsumoa gero eta azkarrago aldatzen ari dela eta etengabe egokitu eta berrasmatzea dagokigula. Zientziak zeresan handia du elikaduraren etorkizunean, eta, zalantzarik gabe, inbertsioan eta berrikuntzan dago gakoa”, taldeko presidentearen esanetan.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako programak eta laguntzak ditu. Hemen kontsulta daitezke.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez
Soldaduraren balio-kateari buruzko azokaren, UNIREren, bigarren edizioa egingo dute Ficoban
Sektore horrek Estatu osoan egiten duen kongresu bakarra martxoaren 18 eta 19an izango da
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean