Nola egin aurrera Enpresa Hiritarrerantz?
Eredu zehatz bati baino gehiago, enpresa hiritarrak erreferentzia egiten dio ideia edo ikuspegi bati, zeinaren arabera antolakunde horiek eragile aktibo bihurtzen baitira aurrera egiteko gizarte jasangarriago baterantz. Azken urtean, Alboan GKEak eta REAS Euskadik gogoeta-prozesu kolektibo bat bultzatu dute aztertzeko nola aurrera egin enpresa hiritarraren proposamen horretarantz. Mintegi formatuan egin den proiektu horretan esparru publiko, pribatu, akademiko eta sozialeko 20 eragilek parte hartu zuten, besteak beste, SPRI Taldeak.
Urriaren 29an aurkeztu ziren lankidetzan eginiko ikerketa horren emaitzak, Empresa Ciudadana, propuestas para una nueva forma de pensar y hacer empresa izeneko argitalpenean bildu direnak. Aurkezpen-ekitaldian izan ziren, besteak beste, Deustuko Unibertsitateko Gizarte Erantzukizuneko zuzendari Cecilia Martínez Arellano eta REAS Euskadiko koordinatzaile Carlos Askunze Elizaga, eta orobat izan ziren mintegian parte hartu zuten beste hiru pertsona hauek: Cristina Murillo, GAIA klusterreko zerbitzuetako zuzendaria, Aitor Cobanera, SPRI Taldeko Enpresen Sustapeneko zuzendaria eta Ricardo Antón, ColaBoraBora kooperatibako kidea.
Deustuko Unibertsitateko Etika Aplikatuko Zentroko ikerlari Cecilia Martínezek ekitaldian azaldu bezala, enpresa hiritarra da “bere ekintzen erantzukizuna bere gain hartzen duena, eztabaida sozialean parte hartzen duena eta konpromisoa hartzen duena aurrera egiteko gizarte-eredu justu eta jasangarriago baterantz”. Ikertzaileak azaldu duenez, “ez da bete beharreko check list bat duen eredu itxi bat, baizik eta beste modu batean pentsatzeko gonbidapen bat”.
Ekitaldi horretan, gogoeta-prozesuan identifikatuko bost erronka aurkeztu ziren, erronka horien bidez aurrera egiteko eraldaketa-prozesuan. Carlos Askunzek esan bezala, “pistak dira, bideak irekitzen eta enpresen jardunbideak berrorientatzen laguntzen dutenak”. Besteak beste, aipatzekoak dira: berrikuntza-ekosistemak bultzatzea lurraldean, produkzio-eredu jasangarri berriak babestea, eta enpresen gobernantza-ereduak eraldatzea eredu parte-hartzaileagoak lortzeko. “Kontua ez da enpresei esatea zer egin behar duten; enpresek eurek garatu behar dituzte euren helburuak ikuspegi honetan oinarrituta” adierazi zuen REAS Euskadiko koordinatzaileak.
Mintegian parte hartu zuten pertsonek prozesu hartan azaleratutako hainbat ikaskuntza partekatu zituzten. Hala, SPRI Taldeko Enpresen Sustapeneko zuzendari Aitor Cobaneraren arabera, “produkzio-eredu jasangarri berriak behar ditugu, enpresei lehiakorrago izaten lagunduko dietenak”.
Lotutako albisteak
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da