Columbus-ek 70 milioi euroko funts bat sortu du bio-medikuntzarako

Inbertsio-funts berri honi esker, kudeatzaileen asmoa da bi lantegi berri eraikitzea Donostian

Columbus venture capital gestorak prest dauka bere bigarren funtsa osasun zientzien sektoreko enpresetan inbertitzeko. Une honetan, Balore Merkatuaren Batzorde Nazionalean (CNMV) erregistratzeko fasean dago eta laster jarriko da martxan. Expansión egunkariak jakinarazi duenez, aurreikusten da 70 milioi euroko bolumena izango duela.

Columbus-eko kudeatzaileek diotenez, funts berri honek jarraipena emango dio aurrekoak hasitako jarduerari, zeinak bost konpainiaz osatutako zorroa baitu une honetan. Bostak ari dira osasun zientzietako berrikuntzan, baina ez bakarrik ikerketan, baizik eta baita ere jarduera industrialean, hau da, entsegu kimikoak bukatutakoan, produkzioari eta alderdi komertzialari ere ekiten diote.

Horren erakusgarri da Viralgen konpainiak irailean Gipuzkoako Zientzia eta Teknologia Parkean (Donostia) inauguratu zuen lantegia, birus bidezko terapietara bideratua dagoena eta Columbus-ek sortua Estatu Batuetako AskBio multinazionalarekin batera.

Zorro horretan daude baita ere Aura Bioscience, Polypeptide Therapeutic Solutions, Radioterapia de Protones eta Vivet Therapeutics. Konpainia horiek 41 milioi euroko lehen funtsari esker abiarazi ziren. Damià Tormo eta Javier García Cogorro dira Columbus Venture Capital-eko fundatzaile eta kudeatzaileak, zeintzuek sortu zituzten baita ere Bioncotech eta Artax enpresa bioteknologikoak. Bulegoak ditu Valentzian, Madrilen eta Donostian.

Aurreikuspenak

Inbertsio-funts berri honi esker, kudeatzaileen asmoa da bi lantegi berri eraikitzea Donostian; kudeatzaileen kalkuluen arabera, inbertsio guztien %30 inguru beharko da lantegi horietarako. Lantegi batean Viralgen enpresaren garapen komertziala egingo da AskBio multinazionalarekin batera. “Hori da urratsik logikoena entsegu klinikoen ondoren” azaldu du Javier Garcíak. Horrela, sektorearekin lotutako ekosistema bat sortuko da.

Halaber, beste lantegi bat eraikiko da eremu berean, datozen hilabeteetan ezagutaraziko diren bazkide berriekin.

Columbus-en asmoa da terapia aurreratuak lantzen dituzten konpainia gehiagotan sartzea, eta jada ari dira aukerak aztertzen Euskadin, Valentziako Erkidegoan nahiz Estatu Batuetan.

Lotutako albisteak

10 apirila, 2024 Arrisku-kapitaleko funtsak

Nymiz-ek 2,8 milioi euro biltzen ditu Swanlaab-ek zuzenduta, datuen pribatutasuna sustatzeko AI sortzailearen garaian

Irakurri gehiago

9 otsaila, 2024 Arrisku-kapitaleko funtsak

Zetrack eFarming startup bizkaitarrak 1M euro eskuratzea lortu du haren nekazaritzako eredu elektrikoa garatzeko

Irakurri gehiago

30 urtarrila, 2024 Arrisku-kapitaleko funtsak

Inmedical Therapeuticsek 800.000€ko erronda itxi du Viscofan eta Euskal Herriko Arrisku-Kapitalaren Kudeaketa IKEKS – Spri taldearen sarrerakin, Elkargiren aholkularitzari esker

Irakurri gehiago

2 Azaroa, 2023 Arrisku-kapitaleko funtsak

IRISBOND Euskadiko teknologia enpresak funts publiko-pribatuak eskuratu ditu osasun arloan bere eye-tracking-a eta AEBko hedapena bultzatzeko

Irakurri gehiago

18 uztaila, 2023 Arrisku-kapitaleko funtsak

Eusko Jaurlaritza Patia Diabetes enpresaren kapitalean sartu da Euskadiko industria bioteknologikoaren berrikuntza sustatzeko

Irakurri gehiago

Joan blog-era