Bizkaiko 40 enpresak aplikatzen dute langileen parte-hartzea handitzen duen EkinBarri eredua
Duela lau urtetik hona, Bizkaiko enpresa-elkarte garrantzitsuenek EkinBarri proiektua sustatzen dute, enpresen lehiakortasuna hobetzeko pertsonen harremanak optimizatuz. Asmoa da konpainia osoa eraldatzea pertsonen parte-hartze handiagoa bilatuz. Bizkaiko 40 enpresatan aplikatu da ekimena, baina sentsibilizazio-lana 2.000 enpresataraino iritsi da.
“Enpresen etorkizunean pentsatutako proiektu bat da, eta pertsonak jartzen ditu erdigunean. Begirada bikoitza du: lehiakortasuna eta pertsonak” azaldu dute Marta Martínez (Cebek patronaleko Ekintzailetza eta Pertsonen Kudeaketako arduraduna) eta Jorge Petralandak (Metaleko Lantegien Bizkaiko Federakuntzako Antolakuntza eta Berrikuntzako arduraduna).
Ekimen hau Bizkaiko Foru Aldundiko Ekonomi Sustapen Sailaren babesarekin abiarazi da, eta helburutzat du enpresak etorkizunerako prestatzea. “Berritzaileago izan behar dugu, eta pertsonak dira sortzeko gaitasuna dutenak”.
Sustatzaileek adierazi dute konpainien faktore erabakigarrietako bat dela lan-ingurune osasuntsu eta konstruktiboak izatea. “Helburua da tokia uztea talentuari bere burua erakusteko, aberasgarri izan dadin enpresa proiektuarentzat”. Horregatik, EkinBarri bost zutabetan oinarritzen da: pertsonak, konfiantza, konpromisoa, berrikuntza eta jasangarritasuna.
Estilo berri bat liderrentzat
Proiektuak estilo berri bat sortu du enpresen liderrentzat, “langileei parte hartzeko bidea zabaltzen diena. Manager kontzeptua baztertu eta lidergotza lehenesten da, baina liderrak ere ikaskuntza-prozesu bat iragan behar du. Antolakunde guztietara egokitzen den eredu bat da, antolakundea parte-hartzaileago egitea helburu duena. Irakasten du nola kudeatu gizakiaren konplexutasuna eta etorkizuna, hots, aldaketak”.
EkinBarri epe luzeko apustu bat da. “Baina konfiantza, galtzen den bezalaxe, irabazi ere egiten da. Lehenengo aldatu behar du zuzendaritzak edo Ekinbarri lantaldeak, zeina normalean zuzendaritzak berak eta barne-eraldaketa bultzatzen duten pertsonek osatzen baitute”.
Sustatzaileek proiektu pilotu bat garatu zuten probatzeko eredua baliozkoa zela edozein tamaina edo jardueratako enpresetan. “Eta egiaztatu genuen ekimena ona zela. Oso baliagarria da enpresa hazten ari denean, belaunaldi erreleboa egitean, proiektu ekintzaileak finkatzean, etab. Eta oso baliagarria da arazoak dituzten eta hobetzeko marjina duten enpresetan”.
Aitortzen dute enpresei kosta egiten zaiela eredua aplikatzea, “konpainiaren erraietan txertatu behar baita, baina lehiakortasuna hobetzea da helburua. Enpresa-aldaketaren azeleragailu bezala definitzen dugu gure burua”. Eredua aplikatu duten 40 enpresek arrakasta lortu dute, eta horri esker orain preskribatzaile bihurtu dira beste konpainia batzuentzat.
“Badugu tresna digitalizatu bat feedback-a ematen diguna ekimenaren denbora errealeko eboluzioari buruz eta lantzen den guztian duen inpaktuari buruz”.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez
Soldaduraren balio-kateari buruzko azokaren, UNIREren, bigarren edizioa egingo dute Ficoban
Sektore horrek Estatu osoan egiten duen kongresu bakarra martxoaren 18 eta 19an izango da
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean