“Asko hobetu dugu biltegiko produktibitatea” Ángel Veloso, Jeremias S.A. enpresako kalitate arloko zuzendaria
Jeremias enpresak kearen ebakuaziorako metalezko produktuak fabrikatzen eta banatzen ditu, eta bera da metalezko tximini modularren fabrikatzaile handiena. Zornotzako lantegian ohartu ziren ekoizpen-mailak behera egin zuela azken urteetan eta enpresak bere produktuak birdefinitu behar zituela biltegi barruan. Horregatik, Hazinnova programaren berri izan zutenean, aukera aprobetxatzea erabaki zuten.
“Une hartan gure prozesu logistikoen analisi sakon batean murgilduta geunden” azaldu du Ángel Velosok, Jeremias-eko Kalitate eta Informazio Sistemen zuzendariak, “eta pentsatu genuen programa hura oso lagungarri izan zitekeela”. Enpresaren helburua zen erabilitako baliabideen superabita eta biltegiko langileen gehiegizko zereginak murriztea.
Aholkularitza-zerbitzu aditu bat konponbide aproposena diseinatzeko
Hazinnovak aholkularitza espezializatua eskaintzen die euskal enpresei, berrikuntzako mikroproiektuak martxan jar ditzaten laguntza-prozesu baten bidez. Jeremias enpresaren kasuan, aholkularitzak proposatu zion konpainiari aginte-koadro berri bat diseinatzea biltegiaren kontrola hobetzeko. “Stockaren fidagarritasuna eta jendearen lan-fluxua aztertu nahi genituen” dio Ángel Velosok, “gure helburu nagusia zen eguneko eskaera-ildoak handitzea”.
Jeremias enpresan bultzatu den berrikuntza-proiektuak hainbat ekintza barne hartzen ditu: biltegiko datuen analisi xehea, aginte-koadro logistiko berriaren adierazleak egiteko irizpideak definitzea eta, azkenik, tresna bera diseinatzea. Konponbideak helburutzat izan behar zuen produktibitatea handitzea eta eskaeren kudeaketa hobetzea.
Emaitza zehatzak 3 hilabeteko garapenaren ondoren
Aholkularitza- eta laguntza-prozesu honen bidez, Jeremias enpresak aginte-koadro berri bat diseinatu du biltegia kudeatzeko, eta horrekin batera, inbentarioaren fidagarritasuna eta prozesuen eraginkortasuna hobetzeko. Gaur egun, enpresan txertatzen ari dira tresna hori; hala, hobekuntza garrantzitsuak lortuko dituzte produkzioan, joan-etorrien denborak murriztuko dituzte eta irteeren plangintza hobetuko dute.
“Ia % 25 handitu ditugu eskaera-ildoak, stockaren fidagarritasuna hobetu dugu eta asko handitu da biltegiko produktibitatea” azaldu du Jeremias konpainiako Kalitate arloko zuzendariak.
50 aholkularitza-ordu espezializatu berrikuntzako mikroproiektuak bultzatzeko
Hazinnova doako aholkularitza eta laguntza zerbitzu bat da, 10 langile edo gehiago dituzten euskal enpresei zuzendua dagoena. Programak laguntza ematen du enpresaren beharrizan zehatz bati erantzungo dioten berrikuntzako mikroproiektuak garatzeko. Horretarako, ETE onuradunek 50 aholkularitza ordu espezializatu jasotzen dituzte eta hurbileko Hazinnova agente baten laguntza dute prozesu osorako. Programaren helburua da enpresak bere lehiakortasuna hobetzera bideratutako emaitza ukigarriak lortzea 3 hilabeteko garapenarekin. Gainera, prozesu hau bereziki diseinatuta dago ez dadin izan karga administratibo gehigarri bat enpresarentzat.
Ángel Velosok dioenez, industri arloko enpresa askok ez dute ohiturarik aholkularitzetara jotzeko arazoak dituztenean, baina aholkularitzek abantaila asko eskaintzen dituzte; “batzuetan enpresak ez gara ohartzen aholkularitza-orduek asko lagundu dezaketela, baina argi dago hala dela”.
Ángel Veloso, eskerrik asko zuen denboragatik eta zuen esperientzia gurekin partekatzeagatik!
Bideo honetan lehen eskutik jakingo duzu nolako esperientzia izan duen Jeremias S.A. enpresak Hazinnova programan:
Lotutako albisteak
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Jon Ander Egaña: “BASQUE FOOD CLUSTERrek elikadura euskal industriaren sektore estrategiko gisa kokatzea lortu du”
Elikatze-katearen euskal elkartea 150 enpresa eta erakunde baino gehiagoren lehiakortasuna hobetzeko lanean ari da, berrikuntzaren garapenarekin, lankidetza-proiektuekin eta teknologien integrazioarekin.
Siteco, 30 urte automatikoki ordaintzeko makinak ekoizten
Arabako enpresak administrazio publikoarekin eta ostalaritza sektorearekin egiten du lan, eta urteak daramatza nazioarteko merkatuan.
Mecanizados Patro enpresak “fidagarritasuna, segurtasuna eta eraginkortasuna” eskaintzen ditu trenbide-sektorean
Serie laburretarako eta luzeetarako pieza espezifikoak fabrikatzen ditu enpresa arabarrak, doitasun handiko lan-tresna eta makinekin.
Icónica, errotulua artelan bihurtzen denean
Arabako enpresa da kartelak fabrikatzen dituen Euskadiko azken enpresetako bat. Hain zuzen ere, bost hamarkada daramatza lanean eta teknika eta artisautza uztartzen ditu bere produkzioak
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
Utilmaik tresna industrial aurreratuak diseinatzen ditu ekoizpen industriala optimizatzeko
Bizkaiko enpresak berrikuntza eta ezagutza teknikoa uztartzen ditu funtsezko sektoreetan mekanizazio-prozesuak hobetzeko, hala nola garraioan, makineria astunean eta aeronautikan.
AVVI laguntzaile birtualak etxebizitzen salmenta eraberritu du, etxeak eraiki aurretik bisitatzeko aukera ematen baitu
Trivima enpresa donostiarrak soluzio berritzaile bat garatu du, salmenta epeak murriztu eta transformazioa areagotzen duen esperientzia interaktiboa ahalbidetzen duena.