Gaur egun, fabrika adimenduna eta 4.0 industria Euskadin ezarpen handia duten sektoreen (automobilgintza, aeronautika eta makina-erreminta) helburu nagusietako bat dira. Honen ildora, fabrikazio-prozesuak denbora errealean neurtzen lagunduko duten formulak bilatzea aurrera pauso hori emateko funtsezko baldintzetako bat da. Neurketa horiek ezartzeko aukera ematen duen enpresetako bat Sariki Metrologia euskal konpainia da; izan ere, urrian 35 urte beteko ditu metrologia dimentsionaleko soluzioen hornitzaile integral gisa.
Lehia handia duten eta eraginkortasuna nagusi den hiru sektore hauetan, “kalitatea kontrolatzeko prozesuak aldatzen ari dira, eta fabrikazioaren tarteko faseetan osagaiak ikuskatzeari garrantzia ematen ari dira“, azaldu du Sariki Metrologiak. Dagoeneko, Euskadin “eredu-aldaketa” bat da gertatzen ari den, eta, horren ondorioz, piezak, kalitate sail batek azken fasean soilik egiaztatu ordez, etengabe berrikusten dira fabrikazio-prozesuan zehar. Horrek, era berean, plantako langileek neurketaren kontrolaren eta jakintzaren garrantzia handitzea ondorioztatzen du. Horregatik, langile horien prestakuntzan Metrologia Sariki Armeria Eskolarekin lankidetzan ari da.
“Metrologiak piezaren kalitatea denbora errealean kontrolatzeko aukera ematen du. Gainera, fabrikazio-bitartekoekin nahiz fabrikako beste elementu batzuekin, hala nola segurtasun-sistemekin, karga automatikoko sistemekin, robotekin eta abarrekin, interakzioan aritzeko eta konektatzeko gai da”, zehaztu dute enpresako arduradunek. Sortzen dituzten metrologia industrialeko soluzioetan “soluzio pertsonalizatuak, oso malguak eta automatizazio-aukera zabalak” dituztela nabarmendu dute. “Gure balio-proposamenaren ardatza merkatuari metrologia adimenduneko eta prozesuko soluzioak eskaintzea da”, laburbildu dute.
Egoitza Elgoibarren duen enpresak Madrilen, Cerdanyola del Vallesen (Bartzelonan) eta Nigranen (Pontevedran) ditu ordezkaritzak. Haien I+Gko jarduera etengabea da: hamahiru proiektu egin zituen 2019an, eta berrikuntzaren aldeko apustu etengabea egin dute. Horri esker, 2007tik, Sariki Metrologiako soluzio propioak sortu dira fabrikazio-inguruneetarako kalitate-kontrolean. Hori guztia, piezen kalitatea denbora errealean kontrolatzen jarraitzeko eta, era berean, prozesuan sortzen diren datuak fabrikatzaileen hainbat sailek aztertu ahal izateko.
Enpresen neurketa-erronka guztiei aurre egiteko zentroa
59 profesional dituen Gipuzkoako konpainiak lau produktu propio garatu ditu: ekoizpen-prozesuetarako errendimendu handiko puntuetako hodeiak prozesatzeko software bat, lineako ikuskapenerako argi-soluzio robotizatu bat, lineako soldadurak neurtzeko beste bat eta aho-hortzetako doitasun handiko egitura ezargarrien fabrikazioa optimizatzeko beste bat.
Metrologia Sarikik Elgoibarko egoitza nagusian Sariki Precision Centerra du martxan, enpresek edozein neurketa egiteko teknologiak eskura izateko, X izpien teknologia industriala eta tomografia bezalako tresnekin. Euskal enpresak azaldu duenez, zentro honek automobilgintza, aeronautika, sektore eolikoa eta Euskadiko osasun sektorearekin lan egiten du.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova eta Innobideak bezalako programak eta laguntzak ditu. Hemen kontsulta daitezke.
Cristina Oyónek, SPRI Taldeko Teknologia, Berrikuntza eta Jasangarritasun zuzendariak, Europako...Leer más
Partekatu
Jasangarritasunaren eta energia-eraginkortasunaren erronka Europako Batzordeak datozen...Leer más
Partekatu
Euskal Herriko Zibersegurtasunaren Elkarteak (Cybasque) urteko lehen batzar orokorra egin du gaur...Leer más
Partekatu
BIND 4.0 berrikuntza irekiko plataformako startupek telematikoki bisitatu dute gaur goizean...Leer más
Partekatu
Repsol, Gestamp, Navantia, Técnicas Reunidas, Telefónica eta Microsoft enpresek IndesIA sortu...Leer más
PartekatuEguneroko informazioa, jarduera-sektoreka eta intereseko
hartzeko.
ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.
Interesgarria, ezta?