Pandemia sasoiko kudeaketa esperientziak eta digitalizaziorako kudeaketa, horiexek izango dira Kudeaketa Aurreratuko Kongresuaren Ardatzak

Kudeaketa Aurreratuari buruzko kongresuaren edizio berria Europako Astearen barruan egingo da, eta bi egunetan zehar antolakundeek euren jardunbide egokiak partekatuko dituzte bi gai hauen inguruan: “konpainiaren eraldaketa digitala gauzatzeko kudeaketa” eta “pertsonen kudeaketa pandemia garaian”.

Urrian egingo den aurtengo edizio honen nobedadea da antolakuntzak ekitaldian parte hartzeko aukera emango diela Euskalit-en parte ez diren beste konpainia eta erakunde batzuei. Hala, posible izango dute arlo hauetako jardunbide egokiak aurkeztea: eraldaketa digitala, kudeaketa azkarra, negozio-eredu berriak, antolakuntza-eredu berriak, barnekintzailetza, motibazioa pandemia garaian, telelanaren ondorioak, lantaldeen lidergoa, kohesioa edo team building, komunikazioa… Jardunbidea ekainaren 25a baino lehen aurkeztu behar da, eta baldintza da jardunbide finkatua izan dadila, hau da, diseinatuta, ezarrita edo aplikatuta egon behar du eta emaitza positiboak izan behar ditu antolakunde batean edo gehiagotan.

Kudeaketako bideo lehiaketa

Bestalde, kudeaketa aurreratuaren zabalkundearen testuinguru berean, Euskalit-ek “Kudeaketa laburrean” bideo lehiaketaren edizio berrirako deialdia egin du. Bideo horiek kudeaketa izango dute ardatz, eta ikus-entzunezko euskarrien edozein erabilpen balia daiteke enpresaren edo erakundearen emaitzak lortzeko.

Hauek izan litezke bideoen gaiak: Kudeaketa Aurreratuko Ereduaren elementuekin lotutako edozein jardunbide; pandemiaren ondorioz sortutako jardunbideak (lan egiteko modu berriak, ekoizpenaren nahiz bezeroentzako zerbitzuen egokitzapena edo eraldaketa, barne-kohesioaren eta -komunikazioaren sustapena, estrategiaren egokitzapen azkarra…); balio eta jokabideen sustapena (talde-lana, sormena eta berrikuntza, prebentzioa…); bideo korporatiboak (markaren garapena eta posizionamendua); produktu edo zerbitzuen deskribapen bideoak, e.a.

Kudeaketa Aurreratuaren Europako Asteari buruzko informazioa

Bideo lehiaketari buruzko informazioa

Lotutako albisteak

18 apirila, 2024 Berrikuntza

Ikasplay, Gipuzkoako enpresa aitzindaria prestakuntza-esperientzia murgiltzaile eta elkarreragileak sortzen

Irakurri gehiago

16 apirila, 2024 Berrikuntza

Genero-berdintasunik handiena duten enpresek berrikuntza maila handiagoa izaten dute eta lehiakorragoak dira

Irakurri gehiago

15 apirila, 2024 Berrikuntza

Arreguik erantzun egiten dio eraikinetako behar berriari, etxean egon gabe paketeak jasotzeari

Irakurri gehiago

11 apirila, 2024 Berrikuntza

B Corp izatea, enpresen indarra mundua aldatzeko erabiltzea da

Irakurri gehiago

9 apirila, 2024 Berrikuntza

STEM unibertsoan emakumeen talentua sustatzera bideratutako saio batean parte hartu du SPRIk

Irakurri gehiago

Joan blog-era