4.0 industriarantz aurrera egitea euskal enpresa askoren errealitatea da. Dagoeneko, proiektuak egiten ari dira edo datozen hilabeteetan hastea planteatzen ari dira. Orain, Move to 4.0 ekimenak prozesu hori erraztuko die 50 ETEri, diagnostiko-programa baten bidez, proiektu estrategikoak identifikatuz eta banakako aholkularitza emanez. ‘Smart industry‘ teknologiak eta prozesuak ezartzen lagunduko duten bazkide teknologikoekiko konexioa ere erraztuko du ekimenak.
Move to 4.0 programan parte hartu dezaketen enpresa txiki eta ertainak, teknologia berritzaileen bidez prozesuak eraldatzen saiatzen ari diren Europako manufaktura-konpainiak dira, edo baita beren eskaintza negozio-ildo berriekin dibertsifikatu nahi duten enpresak ere.
Formulario honen bidez, europar ekimen honetan interesa duten enpresa txiki eta ertainek izena eman dezakete. Proiektua EIT Manufacturing–en babespena du -euskal zentro teknologikoek eta enpresek parte hartzen dute partzuergo honetan, besteak beste, Tecnalia, ITP Aero, Mondragon Corporation eta Aernnova enpresek–.
Prozesua maiatzean bertan hasiko da, lehendabiziko online tailer batekin. Tailer horretan, enpresa bakoitzaren abiapuntua identifikatu ahal izango da, bai eta enpresa horiek 4.0 industrian aurrera egiteko dituzten erronkak eta aukerak ere. Bigarren online tailer batek, bide horri nola aurre egiteko jarraibideak eskainiko ditu, konpainien barruko berrikuntza-proiektuen bidez, epe laburrean aurrera egin ahal izateko.
Interesa duten ETE guztiei zuzendutako lehen bi urrats horiek eman eta gero, 50 enpresa txiki eta ertain hautatuko dira programaren bigarren zatian parte hartzeko. Profesionalekin banakako saioak egingo dira, diagnostikoa eta ibilbide-orriaren definizioa amaitzeko, bai eta eraldaketa inplementatzen lagunduko duten bazkide teknologikoekin harremanetan jartzeko ere. Horrela, parte hartzen duten ETEk “Europan arlo honetan lidergoa duten praktika, gaitasun eta metodologia onenen” onurak jasoko dituzte, adierazi dute ekimenaren sustatzaileek.
Move to 4.0 programaren bidez, enpresa txiki eta ertainen eraldaketa bultzatu nahi da 4.0 industriarantz, dibertsifikazioa eta negozio-eredu berriak babestuz, teknologia berritzailearen bidez.
Informazio gehiago: www.moveto40.com eta info@moveto40.com
11 herrialdetako 17 adituk, SPRI Taldeak lideraturik bere Ekimen Estrategikoetako arduradun...Leer más
Partekatu
Euskadi punta-puntako eskualdea da berrikuntzaren sektorean, eta etorkizunari...Leer más
Partekatu
Tawity izeneko start-upak errealitate birtualeko teknologia eta ikuspegi ekologikoa batu ditu...Leer más
Partekatu
SPRI Taldeak kudeatutako programa honen hirugarren edizioak 3,3 milioi euroko inbertsioa...Leer más
Partekatu
Mondragon Unibertsitateak eta Open Cloud Factory enpresak Industria 4.0ko laborategia...Leer más
PartekatuEguneroko informazioa, jarduera-sektoreka eta intereseko
hartzeko.
ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.
Interesgarria, ezta?