Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 2 ekaina, 2020 Digitalizazioa I+G Berrikuntza teknologikoa Industria adimenduna Smart Industry Programa

Ikerlanek, hiri-mugikortasun adimendunerako bidean, ‘big data’ kudeatzeko sistema berri bat probatzen ari da Florentzian

Hirien jarduera datu-sortzaile handi bat da, sentsore ugariei esker, baina hodei-teknologiak, batzuetan ezin ditu datuak segurtasunez, eraginkortasun energetikoz eta denbora errealean prozesatu. Erronka horri aurre egiteko eta erabakiak errazteko, Ikerlan teknologia-zentroa Elastic proiektu europarrean murgilduta dago hainbat herrialdetako erakundeekin batera, etorkizuneko mugikortasun adimenduneko sistemak ahalbidetuko dituen oinarri teknologikoa garatuz.

Hirien jarduera datu-sortzaile handi bat da, sentsore ugariei esker, baina hodei-teknologiak, batzuetan ezin ditu datuak segurtasunezeraginkortasun energetikoz eta denbora errealean prozesatu. Erronka horri aurre egiteko eta erabakiak errazteko, Ikerlan teknologia-zentroa Elastic proiektu europarrean murgilduta dago hainbat herrialdetako erakundeekin batera, etorkizuneko mugikortasun adimenduneko sistemak ahalbidetuko dituen oinarri teknologikoa garatuz.  

Gorabeherak gutxitzea, istripu maila murriztea eta mantentze-lanen kostuak behera egitea lortu  nahi ditu Elasticek azken batean, eta baita hiriko zirkulazioa hobetu ere. Proiektuak dagoeneko hirietan dauden smart cities sistemak erabiltzen ditu –autobus-geltokietan, radarretan eta bestelako tokietan dauden sentsoreak, konektibitate-ekipamendua eta sistema konputazionalak. Sistema horiekin software-arkitektura berri bat sortzen du, hiriko ‘big data’ denbora errealean prozesatzea bermatzen duena. 

“Hiriko trafiko-sare osoan banatutako baliabide konputazionalak erabiltzen ditugu, eta horiek erabiliz hirian zehar banatutako ibilgailuek eta sentsoreek masiboki bildutako datuen analisiak dakarren lan-karga banatzen dugu. Gailuen artean kamerak, radarrak edo ingurumen-sentsoreak daude“, azaldu du Cristina Zubiak, Elasticeko euskal teknologia-zentroko ikertzaileak. ‘Laino-konputazio eredua’ (‘ fog computing ‘) bezala ezagutzen da, eta sareak ez pilatzeko datuak banatzen ditu, prozesamenduaren eta segurtasunaren azkartasuna areagotzeko eta energia-gastua murrizteko. 

Hiri baten mugikortasunaren benetako ‘argazki’ hori lortzeak (garraio publikoarena eta pribatuarena), une bakoitzean azkarrago erabakiak hartzeko aukera ematen du. Elastic Florentziako tranbia sarean aplikatzen ari da teknologia hori, Florentziako tranbiak teknologia probatzeko sentsoreak eta konektibitatea dituelako.  

Proiektua Europako Batzordearen Horizon 2020 programak finantzatzen du, hiru urterako (2019-2021)5,9 milioi euroko diru-laguntzarekin. Bartzelonako Superkonputazio Zentroak (BSC) koordinatzen du proiektua, eta, Ikerlanez gain, Portugal, Italia, Frantzia eta Erresuma Batuko erakunde desberdinek ere parte hartzen dute. 

Hiri-mugikortasunetik 4.0 industriara 

Ikerlan BRTA aliantzako kide eta Zientzia eta Teknologiaren Euskal Sareko kide da, eta proiektu honetan dauden fase desberdinetan zeharka parte hartzen du, proiektuaren gakoetako bat den fog computing arkitektura garatzeaz arduratzen delako, Ikerlan Konnekt digitalizazio-plataformarekin. 

Istripuak gutxitzea, mantentze-kostuak murriztea eta hiriko zirkulazioa hobetzea da proiektu honen azken helburua. Baina industrian eragitea ere garrantzitsua da, aurrerapen horiek 4.0 industriaren hobekuntzan eragina izan dezaketelako. Teknologia-zentrotik azaldu dutenez, software hori lagungarria izan daiteke, besteak besteenpresa batek sortzen ari den produktua kontrolatzeko, makinen egoera ezagutzeko eta haien higadura edo ordezko piezak aurreikusteko (mantentze prediktiboa). “Merkatura bideratutako teknologia da, gure gizartearen eta industriaren erronkei eta beharrei erantzuten diena”, azpimarratu du Zubiak. 

 

SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde etaaliantzekin, ikerketa sustatzeko eta teknologia berriak sortzeko. Hori dena Elkartek, Emaitek    edo Hazitek bezalako programen bidez lortzen da, eta horien informazioa hemen dago eskuragarri. 

Lotutako albisteak

18 Marzo, 2024 Digitalizazioa
Datozen hilabeteetan mantendu edo hobetu egingo direla aurreikusten dute euskal industriako sektoreek
Irakurri gehiago
14 Marzo, 2024 Digitalizazioa
Fulsion, herritarrei arreta emateko eragile adimendunak eskaintzen dituen euskal ETEa
Irakurri gehiago
14 Marzo, 2024 Digitalizazioa
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Irakurri gehiago
11 Marzo, 2024 Digitalizazioa
Soy Atenea, optiken eta bezeroen arteko harremana azkartzen duen Gipuzkoako startupa
Irakurri gehiago
KUIK DIGITAL SOLUTIONS 8 Marzo, 2024 Digitalizazioa
‘Kuik Digital Solutions ‘: Diversiusek eta Lautikek bat egin dute 360º software eta IT zerbitzuak eskaintzeko
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak