Euskal enpresaren blog-a Zure enpresarentzat garrantzitsua den eguneroko informazioa
20 iraila, 2018

Datozen urteetan gure bizitza aldatuko duten teknologiak

 

Munduko Ekonomia Foroaren txosten batek 10 teknologia disruptiboenak nabarmendu ditu

 

Badira berrikuntza batzuk, datozen urteetan sofistikazio-maila berri bat lortuko dutenak, besteak beste, Errealitate Handitua, laguntzaile birtualak, medikuntzari eta elikadurari aplikatutako bio-teknologia…  Munduko Ekonomia Foroak nazioarteko aditu multzo batek prestatutako txosten bat argitaratu berri du, non datozen urteetako 10 teknologia disruptiboenak nabarmentzen baitira. SPRI Taldearen eta Eusko Jaurlaritzaren Basque Industry 4.0 estrategiak berrikuntza horietako asko sustatzen ditu, teknologia gorakorrak erabiliz produktu eta zerbitzu berriak sortzeko iturri gisa.

 

Errealitate Handituarekin lotutako teknologiak ez dira berriak. Izan ere, aspaldi hasi ziren garatzen ingurune fisikoari informazio digitaleko geruza bat eransten dieten aplikazioak, esaterako, bideo-jokoak (Pokemon Go) edo etxeak dekoratzeko softwarea. Baina Errealitate Handitua  erakusten ari da inpaktu handia izan dezakeela 4.0 Industrian, sistema fisikoak eta digitalak integratuz eraginkortasuna hobetzen eta kostuak murrizten direlako. Adibidez, besteak beste, erabiltzen da produkzio-lineetan, langileek denbora errealeko informazioa eta jarraibideak jaso ditzaten. Merkatu horrek ibilbide luzea du oraindik, eta Foroak eginiko txostenaren arabera, 10 bilioi dolarrera iritsi daiteke datozen urteetan.

 

Txostenak laguntzaile birtualen teknologia ere aipatzen du. Orain arte Internetetik ateratako informazioa eskaintzeko bakarrik erabiltzen ziren, baina adimen artifizialak askoz aplikazio konplexuagoak ekarriko ditu. Laguntzaile birtualen belaunaldi berriak gai izango dira datu desegituratuak antolatzeko eta datu horiek argudio koherente bihurtzeko. Gainera, ikaskuntza automatikoari esker, gizakiek ez dute aldez aurretiko prestakuntzarik beharko horretarako.

 

Aditu taldeak eginiko top 10 zerrendako teknologia asko hertsiki lotuta daude bio-teknologiarekin eta medikuntza molekularrarekin. Joera argienetako bat da medikuntza pertsonalizatuarena, zeina maila berri batera iritsiko baita bio-markagailuen analisian oinarritutako diagnostikorako tresnen bidez. Informazio horrek aldatu egingo ditu gaixotasunen tratamenduak, pertsona bakoitzaren profil molekularren arabera egokituko baitira. Medikuntzaren arloan badaude berrikuntza disruptibo gehiago ere, esaterako: gorputzak behar duen substantzia zehatz bat -adibidez intsulina- ekoizteko  gai diren zelulen inplantea edo ingeniaritza genetikoak gaixotasunak desagerrarazteko bidean lortutako aurrerapenak.

 

Azkenik, txostenak orobat aipatzen du laborategian sortutako okela. Aspaldi hasi ginen horrelako kontuak entzuten, baina dagoeneko badaude zeluletatik abiatuta okela sortzen duten hainbat startup, eta gero eta gehiago inbertitzen da arlo horretan. Horregatik, baliteke laborategiko okela merkatura iristea etorkizun ez oso urrun batean, baina oztopo handi bi daude horretarako: produkzioaren kostuak eta erregulazio eza.

Basque Industry 4.0 27 martxoa, 2020
Roboten bidezko kalitate-kontrola – 4.0 konponbideak

Gure "4.0 konponbideak" serieko artikulu honetan aurkeztutako robotek piezen kalitatea...Leer más

Basque Industry 4.0 26 martxoa, 2020
Euskadiko Zibersegurtasun Zentroa. Nazioarteko irekiera eta enpresentzako erreferentea

Euskadiko Zibersegurtasun Zentroak bere bigarren jarduera-urtearen balantzea argitaratu du, non...Leer más

Basque Industry 4.0 25 martxoa, 2020
Robotika bidezko fabrikazioa eta mihiztatzea- 4.0 konponbideak

Basque Digital Innovation Hub sareak, robotika malgu eta kolaboratiboko nodoaren bidez, osagaien...Leer más

Fresmak irrumpe en el sector aeronáutico con unas mordazas disruptivas
Baraila disruptiboekin Fresmak enpresa sektore aeronautikoan sartu da

Enpresa txikia da, 30 langile ditu, baina handia da bere jarrera eta anbizioa. Fresmak 1967an...Leer más

Basque Industry 4.0 23 martxoa, 2020
Neurketa-sistema optikoak aeronautika, elikadura eta farmazia sektoreentzat

Aotech startup bilbotarrak fotonikan oinarritutako neurketa-tresnak garatzen...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?