Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 16 iraila, 2020 Berrikuntza Digitalizazioa Fast Track Innobideak programa Industria adimenduna Smart Industry Programa

BuntPlanetek adimen artifiziala, simulazio hidrauliko aurreratua eta big data erabiltzen ditu ur-galerak saihesteko

Euskal enpresa hamaika herrialdetan lanean ari da, Kanadatik Suediaraino.
Ainhoa Lete, presidenta ejecutiva de BuntPlanet
Ainhoa Lete, presidenta ejecutiva de BuntPlanet

Uraren kudeaketa adimentsua erronka handi bat bihurtu da, gero eta ur-eskasia handiagoa izango den etorkizuneko testuinguruaren aurrean. BuntPlanet euskal enpresak big data, adimen artifiziala eta simulazio hidrauliko aurreratua integratuz, 2020n bi hamarkada bete ditu isurien bidez banaketa-sareetan ematen den likido preziatu horren galeraren aurkako borrokan.  

“Ez ditugu bakarrik galerak detektatzen“, zehaztu du Ainhoa Lete, enpresako presidentea. “Adimen artifizialak sarean ematen den edozein anomalia garaiz detektatzen lagungarria da, eta kausa posibleak ebaluatzen ere laguntzen du. Erabakiak hartzeko eta azkarrago jarduteko aukerak ematen ditu, eta horrek zerbitzuaren kalitatean eragina du”, adierazi du Letek. Gainera, adimen artifizialak sektorearen eraldaketa digitalean duen “zeregin erabakigarrian konfiantza duela gaineratu du.  

BuntPlanetek adimen artifizialean eta simulazio hidraulikoan oinarritutako software bat du. Biki digital bat da, hainbat egoera desberdin simulatzeko aukera ematen duena. Hiri askok gaur egun iraunkortasunerako estrategien barruan ezartzen duten helburuetako bat da ur-sistema horien eraginkortasuna maximizatzea, bidean ura ez galtzeko.  

Koronabirusaren testuinguru honetan, urak inoiz baino garrantzi handiagoa du. Ezin dira eman ur mozketak leherketa baten ondorioz “, nabarmendu du Raul Navas BuntPlaneteko operazioen zuzendariak. 

Donostiako enpresa honen BuntBrain softwarearen bidez Euskadin –Donostiako Udalean,  Bilboko Ur Partzuergoan eta Txingudiko Zerbitzuetan, hain zuzen– eta Alemania, Suedia edo Kanada bezalako herrialdetan uraren kudeaketa digitalizatzea eta haren kontrola hobetzea lortu da. 

Enpresa honek sare neuronaletan oinarritutako analisi prediktiboa erabiltzen du, konplexutasun handia duten sare bakoitzaren anomaliak identifikatu eta kudeatzeko. ‘Machine learningaren  bidez, optimizatzeko algoritmo genetikoen bidez eta hainbat daturen kudeaketari esker, BuntPlanetek mantentze prediktiboari lotutako erantzunak ematen ditu – kontagailu bat noiz aldatu behar den abisatzen du, hura apurtu baino lehenadibidez, edo ur-ihesak detektatzeari, sistematik ura lapurtzeari eta abarri lotutakoak. “Adimen artifizialari esker, ur-sareek sentsorikan egindako inbertsioak optimizatzen ditugu, sareko sentsoreei ahalik eta etekin handiena ateratzeko kokalekurik onenak zehaztuz”, azpimarratu du Navasek. 

Horretarako, ingeniaritza hidraulikoa, ekonomia, software ingeniaritza, matematika, fisika edo diseinua bezalako alorretako profesionalek osatzen dute taldea. Enpresak aholkularitza-lanak egiten ditu ere, ura banatzeko sareak diseinatzeko, kontrolatzeko, ur-galerak prebenitzeko eta azken erabilerak kudeatzeko. Ez da soilik ingurumen-jasangarritasunaren kontua –kasu batzuetan % 50eraino murriztu dirur-galerak, baizik eta iraunkortasun ekonomikoko neurri garrantzitsu bat da ere, ur-ihesak murriztuta dirua aurrezten delako. 

Aitzindariak sektorizazio birtualean 

Letek azaldu duenez, konpainia “oso une sortzailean” dago, irtenbide berriak asmatuz, “berrikuntzaren eta nazioartekotzearen aldeko apustu zehatza eginez”. Enpresak hamaika herrialdetan lan egiten du dagoeneko. 

BuntPlanet izan da munduan “sektore birtualak” izeneko teknologia disruptiboa ezarri duen lehen enpresa, ur-sareetan anomaliak goiz detektatu eta konpontzeko aukera ematen duena, zehaztasun handiz, ohiko erantzunek  ahalbidetzen duten baino kostu txikiagoarekin eta sarearen erresilientzia handiagoa eta uraren kalitate hobea bermatuz. Euskal enpresak Siemensekin proiektu bat hasiko du Suedian, arlo jakin bateko pertsonen datuekin lan egiteko. “Punta-puntako proiektua da, eta gure sektorizazio birtualeko teknologia txertatu dugu”, azaldu du Ainhoa Letek. 

Softwarea klima-aldaketaren aurkako nazioarteko foroetan goraipatu dute, besteak beste, Nazio Batuen Klima Aldaketari buruzko Konferentzian, COP25n, Madrilen 2019an ospatutakoa. Water COP25 Global Awards saridunen artean sartu zen BuntPlanetWater-Climate Change sariarekinGainera, BuntBrain planeta salbatzeko 1.000 irtenbide hoberenen artean aukeratu dute Bertrand Piccardek zuzendutako Solar Impulse Foundationetik. 

SPRI Taldearen helburuetako bat euskal enpresak digitalizatzea da, big data, machine learning, adimen artifiziala eta marketing digitala bezalako tresnak, zerbitzuekin, laguntzekin eta hemen  zehazten diren aktiboekin sustatuz.   

Lotutako albisteak

14 Marzo, 2024 Berrikuntza
Alkizabalgo plataforma jasotzaile elektriko berria jasangarriagoa da: zero gas-isuri eta zarata murrizketa
Irakurri gehiago
11 Marzo, 2024 Berrikuntza
Stay Bigelek hezkuntzaren arloko metodologia berritzaileen aldeko apustua egiten du
Irakurri gehiago
22 otsaila, 2024 Berrikuntza
FVEMek 2.100 ikasle baino gehiagori industria hurbildu die ‘Industria Erronka’ proiektuaren bidez 23-24 edizioan
Irakurri gehiago
SACEN San Jorge Placas Energía Solar 20 otsaila, 2024 Berrikuntza
Sacenek telekomunikazioetarako bere lehen kabina adimenduna instalatu du
Irakurri gehiago
15 otsaila, 2024 Berrikuntza
TokenTrotter-rek bidaiez beste ikuspuntu batetik gozatzeko aukera ematen du
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak