Euskal enpresaren blog-a Zure enpresarentzat garrantzitsua den eguneroko informazioa

22 ekaina, 2018
BIND 4.0 azeleragailuak networking saio bat egin du Mercedes-Benz Vitoria lantegian

Mercedes-Benz Vitoria lantegiak Bind 4.0 azelerazio-programan parte hartu du
Fábrica de Mercedes en Vitoria.

 

Mercedes-Benz Vitoria lantegiak Bind 4.0 azelerazio-programan parte hartu du, eta programa horren barruan jardunaldi hau antolatu da hausnartzeko zer erronka eta aukera dituzten enpresek eraldaketa digitalaren arloan.

Mercedes-Benz Vitoria lantegiak indartu egin du berrikuntza irekiko plataforma horren aldeko apustua, zeinak aukera ematen baitu harremanetan jartzeko munduko 4.0 industriako startup berritzaileenekin.

Bigarren edizio honetan, Gasteizko lantegiak sei startup kontratatu ditu (Euskadiko 3, Madrileko 1, Portugaleko 1 eta Alemaniako 1), bere prozesu industrialak hobetuko dituzten sei proiektu teknologiko garatzeko.

 

Gaur, ekainaren 22an (ostirala), Eusko Jaurlaritzako Ekonomi Garapen eta Azpiegitura Sailak eta SPRI Taldeak (enpresen garapenerako agentzia) networking saio bat egin dute Mercedes-Benz Vitoria enpresarekin, Bind 4.0 programaren barruan (4.0 Industriako startup azeleragailua). Lan-jardunaldiak aukera eman die parte-hartzaileei produkzio-ildoak bisitatzeko eta beren produkzio-prozesuen digitalizazioak dakartzan aukerei eta erronkei buruz eztabaidatzeko.

 

Bind 4.0 programa 24 asteko azelerazio-programa bat da, zeinetan startupek, aukera izateaz gain proiektu ordaindu bat garatzeko enpresa industrial kolaboratzaileekin, eskura duten baita ere laguntza-zerbitzu eta jarduera-programa trinko bat. Programa trinko horren barruan eskaintzen dira tutoretza, workshop teknologikoak nazioarteko erreferenteekin, networking saioak euskal ekosistema industrialeko eragile eta enpresa garrantzitsuenekin, finantzaketa lortzeko bideak, eta abar. Startup parte-hartzaileek lau kolaboratzaile teknologiko handi hauen laguntza jasotzen dute: Google, Amazon Web Services, Microsoft eta Siemens.

 

Programa horrek aukera ematen die enpresa kolaboratzaileei 4.0 industriako startup berritzaileenak ezagutzeko, eta beren talentua, teknologia edota konponbideak kontratatu eta horrela enpresaren lehiakortasuna hobetzeko.

 

Ekimen publiko-pribatu berritzaile honen bigarren edizioan 4.0 industriako konponbide teknologikoak eskaintzen dituzten 27 startupen eta 24 enpresa trakziogileren arteko kolaborazioak bultzatu dira, guztira 40 proiektu garatu dituztelarik.

 

Edizio honetan, Mercedes Benz Vitoria lantegiak indartu egin du berrikuntza irekiko plataforma berritzaile horretan duen presentzia, 6 startup kontratatu baititu 6 proiektu garatu ditzaten hainbat arlo teknologikotan: Gauzen Interneta, sentsorika, ikusmen artifiziala, errealitate areagotua eta wearable direlakoak. Hauek dira bigarren edizio honetan Gasteizko lantegiarekin kolaboratu duten startupak: Alteria Automation, Atten2Cin Advanced Systems, Heptasense, Solid Virtual eta Wearhealth.

 

Digitalizazioa

Mercedes-Benz Vitoria lantegiko networking saioan digitalizazioaren erronka aztertu dute, hizpide hartu dituzte hainbat arlotako (hiriko mugikortasun berria, Datu Handiak, produkzio sistema azkarrak) ikuspegi estrategikoak eta zuzeneko harremana bideratu dute Mercedes-Benz Vitoria lantegiko proiektu bakoitzeko arduradunekin. Era berean, startupek aukera izan dute beren proiektuak aurkeztu eta lantegi barruko arduradunekin batera azaltzeko.

 

Fabrikako zuzendaritzak aukera aprobetxatu du gizartean eta teknologia arloan gertatzen ari diren aldaketak eta enpresen erronka berriak aurkezteko.

 

Networking saio horiek bi helburu nagusi dituzte. Batetik, aukera ematea BIND 4.0 azeleragailuko startupei erreferentziazko enpresekin harremanetan jartzeko eta erabat murgiltzeko Euskadiko ekosistema industrialean eta, bestetik, aukera ematea enpresa industrialei talentua eta teknologia berriak eskuratzeko, eta horrela aurre egiteko eraldaketa digitalak berekin dakartzan erronkei.

 

BIND 4.0 programari esker, sendotu egin da Eusko Jaurlaritzako Ekonomi Garapen eta Azpiegitura Sailaren Basque Industry 4.0 estrategia. Estrategia horren helburu nagusia da Euskadiko ekintzailetza ekosistema indartzea, eta Euskadi ekintzailetza industrial aurreratuaren mapan kokatzea, euskal industriaren eraginkortasuna eta lehiakortasuna hobetzea, eta aberastasuna eta enplegua sortzea.

 

Basque Industry 4.0 30 uztaila, 2020
SPRI taldeak lideratutako adituen nazioarteko taldeak aztergai du nola eragin dion osasun-krisiak emakumeen egoerari industrian

11 herrialdetako 17 adituk, SPRI Taldeak lideraturik bere Ekimen Estrategikoetako arduradun...Leer más

First Lego League España
Basque Industry 4.0 28 uztaila, 2020
Bi euskal talderen berrikuntza eta ekintzailetza saritua izan da First Lego League España lehiaketan

Euskadi punta-puntako eskualdea da berrikuntzaren sektorean, eta  etorkizunari...Leer más

Autoescuela Tawity
Errealitate birtualeko eskolekin eta ibilgailu elektrikoekin, autoeskolen etorkizuna Euskadira heldu da

Tawity izeneko start-upak errealitate birtualeko teknologia eta ikuspegi ekologikoa batu ditu...Leer más

Basque Industry 4.0 27 uztaila, 2020
171 euskal enpresak 1,3 milioi euroko laguntzak jasoko dituzte zibersegurtasun industriala bultzatzeko

  SPRI Taldeak kudeatutako programa honen hirugarren edizioak 3,3 milioi euroko inbertsioa...Leer más

Mondragon Unibertsitatea y Open Cloud Factory impulsan un nuevo laboratorio de Industria 4.0, abierto a empresas

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?