AVL-k, elektromugikortasuneko eta automozioaren joera berrietarako euskal industriarako erreferente denak, Euskadik arlo horretan dituen ahalmenak aztertzeko jardunaldia antolatu du.
Zuzendaritza-taldeek eta talde teknikoek analisi-jardunaldia partekatu dute, automobilgintzaren sektorean etorkizunean egon daitekeen lankidetza aztertzeko.
Sailburuak, era berean, Tubacex euskal taldean duela hogei urte Ternitz-en eskuratutako instalazioa bisitatu du.
Bihar, euskal ordezkaritza Vienan batuko da UNIDOko ordezkariekin; UNIDO industriaren sektorean dabilen NBEko unitatea da. Halaber, Advantage Austria industria-garapenerako sozietatearekin ere batuko da.
Arantxa Tapia Eusko Jaurlaritzako Ekonomiaren Garapeneko eta Azpiegituretako sailburuak Austriako egonaldia hasteko goiz bizia izan du, AVL enpresarekin, Graz udalerrian.
Lan-jardunaldi horretan, Tapiarekin batera, Alex Arriola Spri taldeko zuzendari nagusia izan da, bai eta potentziako elektronikako eta elektromugikortasuneko talde tekniko eta aditu bat ere; hura Euskadiko zenbait eragilek eratzen dute.
AVL transmisio konbentzionalen, hibridoen eta elektrikoen sistemak diseinatzeko eta garatzeko munduko enpresa independente handiena da. Enpresa erreferentea da automobilgintzaren sektorerako eta euskal teknologia-zentroetarako Basque Mobility estrategian (elektromugikortasunari buruzkoa).
Euskadiko eta AVLko zuzendariek eta teknikariek automobilgintzan elkarlanean jarduteko ahalmen eta aukerak egiaztatu dituzte
Jardunaldia bost ordukoa izan da eta, haren bidez, honako hauek egin dira: Euskadik eskaintzen dituen negozio-aukerak ezagutzera eman; euskal industriarako intereseko lankidetza-bideak ireki, eta merkatuan aurreratuenak diren sistema elektrikoak testatzeko zentroak erakusgai dituzten instalazioak bisitatu dituzte.
Topaketako buru AVLko presidentea eta CEOa izan da, Helmut List, eta, berarekin batera, zuzendari eta teknikarien talde handia izan da, arlo horretan Euskadik duen sistemaren gaitasunetan interesatua.
Sailburua euskal ordezkaritzaren buru izan da, eta ordezkaritza honako hauek eratu dute: Álex Arriola Spri taldeko zuzendaria; Marian Ibarrondo Invest in the Basque Country unitatekoa, eta Cidetec Zentro Teknologikoko Óscar Miguel, CIC EneriGuneko Javier Olarte eta ACICAEko Mikel Lorente adituak. Bi ordezkaritzek adostu dute lankidetza-bideak esploratzea euskal industriarekin, erronka eta aukera berrietara zabalik dagoen sektorean duen posizioa sendotzeko.
Azken sei urteotan batez beste % 12ko hazkuntza izan du AVLk, eta 10.200 enplegatu inguru ditu mundu osoan; 2.000 milioi euro inguru fakturatu zituen pasa den ekitaldian.
Gaur egun, AVLk Grazen duen egoitza nagusian Euskadiko profesionalak daude, aurretik, Tecnun eta EHUren Ingeniaritza Eskolako formula studenti lotuta zeudenak, eta funtsezkoak izan dira topaketa honen antolamenduan.
Bisita Tubacex SBER-era, Austrian
Tapia sailburuak Austrian dagoela aprobetxatu nahi izan du aurrez aurre ezagutzeko Tubacex SBERen instalazioak, Ternitz udalerrian; enpresa euskal taldeak bereganatu zuen, 1999an, balio erantsi handiko tutuen nitxoan ekoizpena handitzeko aukera eman dion estrategiaren esparruan.
Tubacex Austriak unbilikaletarako (offshore) tutuak fabrikatzen ditu; petrolioa eta gasa presioaren, tenperaturaren eta korrosioaren baldintza kritikoetan esploratu eta erauztean jardueretan laguntzeko produktua.
Bisitan, Arantxa Tapiarekin eta Alex Arriolarekin batera, Ternitzeko eta Arabako instalazioetako arduraduna izan da, Celestino Danis, eta enpresak Austrian duen zuzendaritza-taldea.
Bihar, agenda Vienan UNIDOrekin eta Advantage Austriarekin
Bihar, euskal ordezkaritza Vienara joango da eta, bertan, UNIDOren egoitza bisitatuko du; UNIDO Nazio Batuen Erakundearen industria-garapenean espezializatuta dagoen erakundea da. Eta topaketa izango du Advantage Austria – Austriako industria-garapenerako sozietatearen ordezkaritza batekin, Kapsch trafficCom – Bilbon ordezkaritza duen talde teknologikora (trafikoaren eta mugikortasunaren soluzioetan lan egiten dute) egingo duten bisitan.
Basque Trade-k, SPRI Taldearen Nazioartekotzeko Euskal Agentziak, B2B bilerak egiteko aukera...Leer más
Partekatu
Nazioartekotzeko Euskal Agentziaren Adimen Lehiakorreko Unitateak eginiko hogeita bosgarren...Leer más
Partekatu
SPRI Taldearen enpresen nazioartekotzerako euskal agentziak, Basque Trade & Investment-ek,...Leer más
Partekatu
Harremanetan egongo da automozio eta elektronika sektoreekin SPRI Taldean integratutako...Leer más
Partekatu
Euskal enpresak eguzki-energia fotovoltaikoaren sektorean duen posizionamendua indartuko du Arabiar...Leer más
PartekatuEguneroko informazioa, jarduera-sektoreka eta intereseko
hartzeko.
ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.
Interesgarria, ezta?