Euskal enpresaren blog-a Zure enpresarentzat garrantzitsua den eguneroko informazioa

29 Marzo, 2021
AgaIntelligent enpresak etxeko segurtasun-produktu berri bat eskaintzen du, sartu-irten guztiez abisatzen duena

Euskal konpainiak garatutako Vehoo sistemak itxitura gehigarri ikusezin bat eta sentsoreak baliatzen ditu etxebizitzetako intzidentzia guztiak detektatzeko

 

AgaIntelligent euskal enpresak etxeko segurtasun-produktu berri bat sortu du. Sentsoreak eta plataforma digital propio bat baliatuz, kanpoaldetik manipulatu ezin den itxitura bat eskaintzen du eta sartu-irten guztiei buruzko informazioa ematen du.

 

1963an sortutako konpainia hau sarrailagintza sektorean espezializatu da eta negozio-eremu berri baten aldeko apustua egin du, zeina IoT teknologiara, digitalizaziora eta konektagarritasunera zuzenduta baitago.

 

AgaIntelligent enpresak sortu duen plataforma digitalak Vehoo izeneko segurtasun-dispositiboa eskaintzen du. Gailu bakar batean biltzen ditu itxitura gehigarri ikusezin bat (kanpoaldetik manipulatu ezin dena) eta hainbat sentsore, erabiltzaileak uneoro izan dezan sarrera eta irteera mugimenduen berri, eta abisuak edo alarma jakinarazpenak ere bidaltzen ditu intzidentziaren bat gertatzen bada. Erabiltzaileak aplikazioan eskura dezake informazio hori (bateragarria iOS eta Android sistemekin).

 

Vehoo sistema AgaIntelligent enpresaren produktu-lerro berri baten abiapuntua da. Produktu horiek bereziki diseinatuta eta pentsatuta daude bizitokiei segurtasun handiagoa emateko, teknologia digitalak eta gailu mugikorrak nagusi diren lekuetan. Helburua da irekitze- eta ixte-sistemak sistema adimendun bihurtzea, erabiltzailearen eta bere etxearen konexioa ahalbidetzeko (lokalki edo urrunetik), baina, batez ere, goi-mailako segurtasun-konponbide bilakatzea gero eta konektatuago dagoen mundu digital honetan.

 

Gailu hau, irekitze- eta ixte-sistemen digitalizazioaren eta urruneko kontrolaren arloko gero eta eskaera handiagoari erantzutera datorrena, salgai dago jadanik.

 

Againtelligent enpresaren helburu nagusia da bere bezeroei lasaitasun handiagoa ematea. Eta helburu hori lortzeko, segurtasun-konponbideak diseinatzen eta fabrikatzen ditu Arrasaten kokatua dagoen 9.000tik gora metro koadroko lantegi batean.

Biele
Basque Industry 4.0 16 apirila, 2021
Ikeako altzariak Biele Group-en sinadurarekin

Biele Group bi ingeniariren ekintzailetzatik sortu zen. Julián Lazkanok eta Tomás Letamendiak...Leer más

Basque Industry 4.0 15 apirila, 2021
ZTBP Euskadi Plana. Euskadi 2030 estrategia

“Zientzia, Teknologia eta Berrikuntzako Plana, Euskadi 2030” (ZTBP Euskadi 2030) plana zuzenean...Leer más

Karlos Korta, gerente (derecha), y Diego Román, director técnico de Berritek
Basque Industry 4.0 12 apirila, 2021
Berritek: “PLC-a ezinbesteko tresna da 4.0 industrian”

Juniper Research aholkularitza-enpresak egindako ikerketa baten arabera, 2025ean IoT industrialaren...Leer más

2025era arteko Euskadiko zibersegurtasun plan estrategikoak sektoreko enpresa-ehuna dinamizatu nahi du

Zibersegurtasuneko Euskal Zentroak (BCSC) 2025. urtera arteko plan estrategiko bat egin du,...Leer más

Basque Industry 4.0 9 apirila, 2021
Bere egokitzeko gaitasunari esker Herrekor indartuta aterako da pandemiatik

Herrekor ingeniaritza-enpresa familiarrak Gipuzkoako Astigarragan du egoitza 1978tik. Urte hartan...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?