Euskal enpresaren blog-a Zure enpresarentzat garrantzitsua den eguneroko informazioa

20 iraila, 2019
4.0 industriaren app-storea motorrak berotzen ari da merkatura irteteko

Aplikazio hau sortzea izan da Virtual Factory Open Operating System proiektu europarrak (vf-OS) eduki duen lorpen nagusia

Aplikazio hau sortzea izan da Virtual Factory Open Operating System proiektu europarrak (vf-OS) eduki duen lorpen nagusia

4.0 industrian ari diren enpresentzat baliagarriak diren aplikazioak dituen app store bat sortzea izan da Virtual Factory Open Operating System proiektu europarrak (vf-OS) eduki duen lorpen nagusia; ekimena aurtengo urrian bukatuko da ofizialki, eta IKERLAN zentro teknologikoak hartu du parte bertan. Garapena, Androidek edo iOSek dituzten marketplaces-en antzeko plataforma izanik, balio du software aplikazioak garatzeko, iragartzeko eta erosteko balio du, eta industriari beste zerbitzu batzuk eskaintzeko ere bai. Gainera, esan daiteke ia prest dagoela merkatura ateratzeko.

 

Une hauetan, proiektuaren hainbat bazkide lanean ari dira enpresa berri bat sortzeko. Enpresa Digital Factory Solutions (DFS) deituko da, eta plataformaren hardwareko eta softwareko azpiegitura osoa egongo da bertan, ustiapen komertziala erraztuko duelarik.

 

Software garatzaileei zuzenduta dago vf-OS plataforma, fabrikazio ingurunerako aplikazioak sortuko baitituzte (vApp) eta vf-Osen marketplacen gorde eta argitaratuko. Garapena, halaber, 4.0 industrian ari diren fabrikazioko eta logistikako enpresei zuzenduta dago, bertan jada existitzen diren aplikazioak erosi ahal izango baitituzte edo aplikazio berriak garatzeko eskatu beren premia berezien arabera”, ziurtatu du Eduardu Saizek, IKERLANen ekimena koordinatzen duen pertsonak.

 

App-store honek, gainera, aukera ematen die vf-OS marketplaceren bitartez beren produktuak saldu nahi dituzten enpresa teknologikoei software garatzaileek gailuetara (sentsoreak, PLCak, etab.) eta negozio aplikazioetara (ERP, SCM, CRM, etab.) konektatzeko erabili ahal izango dituzten driverrak eta APak plataforman salgai jartzeko.

 

Bukatzeko, plataforma aukera bat da internet zerbitzuak, datuak lainoan ostatatzeko zerbitzuak eta negozio aholkularitza hornitzen dituzten enpresentzat.

 

“Plataformaren funtzionaltasuna erakusteko, industriako hiru kasu zehatzen 15 vApp garatu dira ekimenaren barruan, eta konpontzea lortu da: eguzki plaken muntaketa lerroen mantentze lanetarako zerbitzuarekin lotutako fabrikazio-arazoak, eraikinak egiteko materialen harrera eta produktu plastiko-metalikoen diseinuan eta fabrikazioan diharduten enpresen arteko lankidetza.”, gaineratu du adituak.

 

Mondragon Assembly euskal enpresan inplementatu da industriako kasu horietako bat, eta bere helburua izan da bere bezeroentzat fabrikatzen dituen eguzki plaken muntaketa lerroen mantentze lanetarako zerbitzua hobetzea. Horretarako, 5 vApp garatu dira bere lerroetako akatsak iragarri, antzeman eta kudeatzeko, ordezko piezen kudeaketa hobetzeko, mantentze lanen egutegiak definitzeko eta ekoizpenaren jarraipenerako adierazleen monitorizaziorako.

 

I+Gri laguntzeko EBk duen Horizonte 2020 programak finantzatu du vf-OS proiektua. 7,75 milioi euro baino pixka bat gehiagoko aurrekontua eduki du, eta Factories of the Future ekimenaren baitan kokatzen da, etorkizuneko fabrikak esaten zaienentzat balio erantsi handiko teknologiak garatzera zuzenduta baitago. Proiektua ICE (Information Catalyst for Enterprises) enpresa britainiarrak gidatu du, 2016ko urriaren 1ean hasi zen eta Europako 6 herrialdetako beste 11 erakunderen parte hartzea eduki du, IKERLANenaz eta Mondragon Assemblyrenaz gain.

Basque Industry 4.0 28 iraila, 2020
Bideko segurtasuna ikusmen artifizialarekin bat eginik

  Ikusmen artifiziala, sentsorika, datuen analitika eta Gauzen Interneta (IoT). Teknologia...Leer más

Heepsy
Heepsyk influencer-en bilaketa optimizatzen du big data eta adimen artifizialaren bidez

Influencer-en marketina merkatu handi  bat da AEBetan, eta pixkanaka Europan hazten ari...Leer más

Basque Industry 4.0 24 iraila, 2020
Mundu osoko 750 startup inskribatu dira berrikuntza irekiko BIND 4.0 programan

  73 herrialdekoak dira kandidaturak eta horietatik 589 nazioartekoak ‒% 37 gehiago joan...Leer más

Basque Industry 4.0 22 iraila, 2020
DeustoTech-ek Europako “Senator” proiektuan parte hartuko du, “zero isuri” logistika izango duten hiriak lortzeko

Deustuko Unibertsitateko DeustoTech ikerketa-taldeak Europako “Senator” proiektuan parte...Leer más

Basque Industry 4.0 21 iraila, 2020
Sixthsense, denbora errealeko monitorizazioa larrialdietako langileen nekea neurtzeko

  Sixthsense proiektuaren helburua da sistema wearable bat garatzea, gai izango dena...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?