Zamudiok 8 pabilioi berri izango ditu Sprilur-en Pinoa Industrialdean
Sprilur-ek, Azpiegiturak-ek eta Abanto-Zierbenako Udalak partaidetutako Ibaizabal Behekaldeko Industrialdea, S.A.k “Ibaia” izeneko eraikin berri bat egiteko lanak hasi ditu Zamudioko Pinoa industria-gunean. Sozietateak 3.785 m²-ko azalerako lursail bat sustatuko du, nabe industrialak eraikitzeko azalera horretako 2.598,55 m²-tan.
Eraikina diseinatu eta egiteko, BIM-Building Information Modeling teknologia erabili da. Sprilur Taldea berriki erabiltzen hasi den metodologia berritzaile bat da, zeinaren bidez posible baita modu eraginkorragoan kudeatzea eraikuntza-lanak, exekuzio-epeak optimizatzea eta hobeto kontrolatzea kostuak eraikinaren bizi-zikloan zehar.
“Ibaia” eraikin berriarentzat proiektatutako bolumenak lursailaren berezko maldak aprobetxatuko ditu bi garaierako pabilioiak egiteko. Hala, aurreikusi den exekuzio-proiektuak bi solairuko zortzi pabilioi barne hartzen ditu.
Beheko solairuak 1.294 m²-ko azalera eraikia eta bost nabe industrial izango ditu, 247 eta 293 m² bitarteko azalerekin. Pabilioi horiek 5 metroko garaiera librea izango dute. Bestalde, lehen solairuak 1.304 m²-ko azalera izango du eta beste hiru pabilioi atonduko dira bertan, 304 eta 500 m² bitarteko azalerekin. Kasu honetan, garaiera 4,5 eta 10 metro bitartekoa izango da, pabilioi bakoitzaren kokapenaren arabera. Nabe hauek eraikitzean egingo den aprobetxamenduari esker, posible izango da solairuarte bat egitea, eta zubi-garabi bat ezartzea halakorik behar duten jarduera ekonomikoetarako.
Eraikinaren egitura hormigoizko pieza aurrefabrikatuekin egingo da, oso eraikuntza-sistema egokia erabilpen industrialeko eraikinentzat. Hala, hobetu egingo dira zenbait alderdi, esaterako, argiaren aprobetxamendua, eraikuntzaren sinpletasuna eta exekuzio-epeen optimizazioa. Goiko solairuko pabilioiek 1500 kg/m²-ko zama-bolumena jasan dezakeen forjatua izango dute, eta posible izango da 5 tonatarako zubi-garabi bat ezartzea.
Bestalde, bi altueratako teilatuak aukera emango du panel fotovoltaikoak instalatzeko etorkizunean. Energia eraginkortasunarekin lotutako neurri hori gero eta zabalduago dago Sprilur-ek urtetan zehar egin dituen enpresa-gune gehienetan.
Eraikuntza-lanetarako aurreikusitako inbertsioa 1,75 milioi eurokoa da, eta, lanak hasita dauden honetan, ustez 10 hilabeteko epean burutuko dira.
Sprilur Taldeak une honetan 79 eta 445 m² bitarteko bost lokal eta pabilioi industrial baino ez ditu eskaintzen Zamudioko Pinoa industrialdean. Gauzak horrela, eta kontuan izanik enpresentzako espazioen eskaera etengabekoa dela Txorierri eskualdean, Ibaizabal Behekaldeko Industrialdea S.A.k proiektu bat abiatu zuen balioan jartzeko erabilpen industrialeko lursail bat Pinoa industrialdean bertan. Ibaia eraikin berriko pabiloietako azalerek modulazio-aukera gehiago izango dute.
Ibaizabal Behekaldeko Industrialdea, S.A. jarduera-eremua.
Ibaizabal Behekaldeko Industrialdea, S.A.k, izena aldatu ondoren 2019ko urte hasieran (artean Abanto Zierbenako Industrialdea, S.A. deitzen zen), jarduera-eremua zabaldu zuen eta azpiegitura industrialak sustatzeko bere jardueraren barruan hartu zuen ez bakarrik Nerbioi ibaiaren ezkerraldea, baizik eta baita ere Txorierriko beste hainbat udalerri.
Azpiegitura industrialak sustatzen daramatzan 35 urte hauetan, Sozietateak 27,1 milioi euro inbertitu ditu Abanto-Zierbenan (El Campillo) eta Ortuellan (Granada) kokatutako enpresa-guneak garatu eta kudeatzeko, gehi Ibaia eraikin berrian (Zamudio) egingo duen inbertsioa. Denbora horretan, Ibaizabal Behekaldeko Industrialdeak 138.433 m²-ko azalera gordina kudeatu du, eta merkatura atera ditu pabilioiak (51.089 m²), lurzoru urbanizatuko partzelak (3.785 m²) eta bulegoak (3.029 m²). Gainera, bere industrialdeetan badira 78 enpresa, 788 langile zuzenean enplegatzen dituztenak.
Lotutako albisteak
Euskadiko Parke Teknologikoak, 2024an 8.243 milioi euro, 2023an baino % 11,5 gehiago, fakturatu zituzten 673 enpresa ditu dagoeneko
23.600 pertsonak baino gehiagok, gehienak kualifikazio handikoak, egiten dute lan Euskadiko Parke Teknologikoko sei Campusetan instalatutako enpresaren batean
Metal 78 enpresa ezarrita, Arcelorrek Zumarragan zuen lantegiaren berregokitze industriala abian jarri da
Arcelorrek Zumarragan garai batean zuen fabrikan industria eremuaren berroneratze integrala eta berregokitzea egiteko prozesuaren barruan kokatzen da enpresaren ezarpena, eta Eusko Jaurlaritzak 25 milioi euro inbertituko ditu bertan
Eusko Jaurlaritzak Legazpiko garai bateko Sidenorren lantegia berroneratzeko bigarren fasea jarri du abian, Urola ibaia azaleratzeko eta ingurua berrurbanizatzeko obrekin
Obrak egiteko 13 hilabeteko epea aurrez ikusi da, eta 5 milioi euroko inbertsioa egingo da
Zallako Elkartegi berriak Enkarterri eskualdeko garapen ekonomikoa eta lehiakortasuna sustatuko ditu enpresa berrien bidez
Zallako Elkartegi berriaren eraikuntza Eusko Jaurlaritzak (SPRILURen bidez) eta Bizkaiko Foru Aldundiak (AZPIEGITURAKen bidez) bultzatu dute, eta Enkarterri eskualdeko ekonomia suspertzeko hartutako konpromisoei erantzuten die, Eusko Legebiltzarrak lehentasunezko jarduketa-eremutzat (LJE) jo baitu
Xey enpresak Zumaian zuen lantegian 52.800 metro koadroko eremua egokitzeko lanak hasi ditu Sprilurrek
Sprilurrek Zumaiako Oikia industrialdean egingo duen berroneratzea degradatutako lurzoruak berreskuratzeko proiektuei lotuta dago, gero balioa emateko
Euskadiko Parke Teknologikoa Illunbera zabalduko da Donostiako Udalaren eskutik, enpresa-proiektu estrategikoak posible eginez, hala nola Columbus Venture Partners-ek gidatutakoa
Euskadiko Parke Teknologikoko presidente Jaione Ganzarainek eta Donostiako alkate Eneko Goiak gaur goizean formalizatu dute Illunbeko b.20.1 partzelaren salerosketa, eta, horrela, 2023. urtearen hasieran hasitako prozesua amaitu da.
Gueñeseko Bioekonomia Polo berria abian egongo da 2026aren hasieran, bioteknologian eta ekonomia zirkularrean oinarritutako trakzio-ekimenei harrera egiteko
Otsailean, erabilerarik ez duen 3.157 m²-ko espazio bat leheneratu eta berreraikitzeko lanei ekin die Sprilurrek, Enkarterriko etorkizuneko Bioekonomia Poloa izan dadin.
Argi berdea Smartlog Nest zentroaren eraikuntzari, automatizazio logistikoaren ikerkuntzaren eta prestakuntzaren arloko erreferente bihurtuko du Urretxu
Andoitz Korta Eusko Jaurlaritzako Industria Sustatzeko sailburuordeak eta Jon Luqui Urretxuko alkateak Smartlog zentroaren instalazioak bisitatu dituzte, konpainiaren berrikuntza-proiektuak eta berrikuntza- eta talentu-zentro berria eraikitzeko planak bertarik bertara ezagutze aldera.
Eusko Jaurlaritzak eta Santurtziko udalak Santurtziko Etxe Uliko zabortegiaren berroneratzea azkartzeko akordioa sinatu dute
Eremuak dituen 100.000 metro karratu baino gehiago urbanizatu eta zerbitzu-azpiegiturez hornituko dira, ekonomia-jarduerak hartzeko prestatutako enpresa-eremua garatzeko
Argi berdea Sprilurren Pasaiako bulego-eraikinaren ingurua berrurbanizatzeko
Proiektuaren helburu nagusia kalitatezko hiri-espazio berri bat sortzea da, Sprilur Herrera Iparraldean eraikitzen ari den hirugarren sektoreko erabilerako eraikinaren inguruan