“Industrialdeak” Programak 40 urte bete ditu euskal ETEei laguntzen, elkarlanean arituz Foru Aldundiekin eta Udalekin

5 “Industrialdek” eskuratu dute “Kalitatezko Q Industrialdea” bereizgarria. Europar kalitatearen aitorpenak lurraldearentzat balioa eta aberastasuna sortzeko espazio gisa bereizten ditu.

Berrogei urte bete dira “Industrialdeak” programa sortu zenetik, lehenbiziko “Industrialdeak” sozietatea –Oñatiko Industrialdea SA– 1982an eratu baitzen, Galesen ezarritako enpresa-arloko kudeaketa-eredu bat egokituta (Welsh Development Agency). Programaren helburu nagusia izan da bermatzea enpresek badutela eskura kalitate oneko behar adina lurzoru publiko urbanizatu, pabilioi eta bulego, horrela euren jarduera industrialaren garapena bultzatzeko.

Lankidetza estuan arituz Eusko Jaurlaritzarekin (Sprilur-en bitartez), Foru Aldundiekin eta hiru lurralde historikoetako Udalekin, “Industrialdeak” Programak 12 sozietate ditu, zeintzuek modu koordinatuan lan egiten baitute eskualde mailan. Jardueraren lau hamarkadetan, sozietate horiek 594 milioi euroko inbertsioa pilatu dute, pabilioi modularrak, lurzati urbanizatuak eta bulegoak kudeatzen, 62 industria-kokalekutan. Enpresa-gune horietan 958.375 metro koadro erabilgarri partzela urbanizatu lortu eta kudeatu dira, eta baita ere  898.838 metro koadro pabilioi eta bulego modular. Gaur egun, eraikin eta partzeletan instalatuta dauden enpresen okupazio-tasa % 84koa da.

Sprilur-ek kapital gehiengodunarekin parte hartzen duten 12 “Industrialdeak” sozietate horietan, hauexek dira

1 Araban: Arabako Industrialdea, S.A.,

4 Bizkaian: Arratiako Industrialdea, S.A., Bizkaia Sortaldeako Industrialdea, S.A., Busturialdeko Industrialdea, S.A. e Ibaizabal Behekaldeko Industrialdea, S.A.

7 Gipuzkoa: Beterri Kostako Industrialdea, S.A., Bidasoa Oarsoko Industrialdea, S.A., Deba Bailarako Industrialdea, S.A., Goierri Beheko Industrialdea, S.A., Lanbarren Parke Logistikoa, S.A., Tolosaldeako Apattaerreka Industria Lurra, S.A. eta Urolako Industrialdea, S.A.

Gaur egun, 12 sozietate horiek 41 enpresa-eremu kudeatzen dituzte hir lurralde historikoetan, 21etan jabetza eta aktibo higiezinak saldu ondoren.

Enpresa-guneen kudeaketa-eredua, erakunde arteko lankidetza bidez garatu dena, eredugarria izan da Europako eskualde mailako hainbat ekimen eta proiekturentzat, zeintzuek aukera ematen baitute jarduera ekonomikorako azpiegitura jasangarrien kudeaketan berritzeko, lurraldeen garapena eta lehiakortasuna bultzatuz.

Era berean, garapen jasangarriarekin, teknologia berritzaileen integrazioarekin eta kudeaketa eraginkorrerako materialekin harturiko konpromisoa erreferente bat izan da gauzatutako ekimen eta proiektu guztietan. Horri esker, 5 “Industrialdek” eskuratu dute “Kalitatezko Q Industrialdea” bereizgarria. Kalitatearen aitorpen estandar horrek lurraldearentzat balioa eta aberastasuna sortzeko espazio gisa bereizten ditu jarduera ekonomikoko eremuak Estatuan eta Europan, eta horretarako, eremu bakoitzeko azpiegituren eta zerbitzuen 200dik gora eskakizun ebaluatzen ditu. (Bildosola-Artea, Okamika-Gizaburuaga, Argixao-Zumarraga, Zuatzu-Donostia, Navalaldea-Pasaia)

2021. urtea zenbakitan

Sozietate hauen iazko ekitaldiko emaitzek espero zen bilakaera izan dute. 2021ean, 54 espazio-esleipen onartu ziren enpresentzat, eta guztira 14.487 metro koadroko pabilioi eta bulego, alde batetik, eta 4.948 metro koadroko azalera partzela industrial urbanizatu, bestetik, eskatu zituzten.

54 zehazki, 228 informazio-eskaera jaso ziren, 68 enpresak eskatu zituzten espazioak bertan instalatzeko, eta 54 esleipen onartu ziren. Merkaturatu diren azalera eta espazioei dagokienez, 14.487 metro koadroko azalera esleitu da eraikin eta pabilioietan, eta 4.948 metro koadroko azalera partzela industrial urbanizatuetan. 2021eko datu ekonomikoei erreparatuz gero, erakundearen negozio-zifra 5,18 milioi eurokoa izan da, salmentetatik eta pabilioi zein lokalen errentamenduetatik.

Lotutako albisteak

9 apirila, 2024 Azpiegiturak

Euskadiko industriaren ingurumen-hobekuntza bultzatzea, Deskarbonizazio Industrialerako Programaren bidez

Irakurri gehiago

25 Marzo, 2024 Azpiegiturak

Sprilurrek eta Ihobek Euskadiko Lurzoru Estrategia partekatuko dute Bartzelonako Advanced Factories nazioarteko foroan

Irakurri gehiago

21 Marzo, 2024 Azpiegiturak

BIND 4.0, 25 hub onenen artean Europako startupetarako Financial Times-en arabera

Irakurri gehiago

1 Marzo, 2024 Azpiegiturak

Euskadiko enpresa liderrak martxoaren 1etik aurrera inskribatu ahal izango dira BIND 4.0 programan, startupekin berritzeko

Irakurri gehiago

27 otsaila, 2024 Azpiegiturak

Eusko Jaurlaritzak eta SPRIk “deeptech” startupen sorrera babesteko Basque Tek Ventures ekimena aurkeztu dute Mobile World Congress biltzarrean

Irakurri gehiago

Joan blog-era