Euskal enpresaren blog-a Zure enpresarentzat garrantzitsua den eguneroko informazioa
Albisteak 5 apirila, 2022 Azpiegiturak

Euskadiko Teknologi Parkeen Sareak errealitate birtualeko gela berri bat dauka Bizkaian

Berrikuntza tresna horrekin eduki propioak sor daitezke modu erraz eta eskalagarrian, garapen txikiak zein handiak eginez

Euskadiko Teknologi Parkeen Sareak, berrikuntzaren alde egin duen apustuaren barruan, laguntza ematen die enpresei era askotako teknologia bideratzaileak erabiltzen hasteko. Hala, aukera eskaintzen die errealitate birtuala erabiltzen hasteko Bizkaiko Zientzia eta Teknologia Parkeko ( PARKEA ) X.0 espazio berriaren bidez (101 eraikina). Errealitate birtualeko areto berri hori (110 m2) enpresen zerbitzura jarri da, euren errealitate birtualeko edukiak ikusaraz ditzaten erabiltzaile anitzentzako formatuan eta eskala handian.

Hub berri horrek oinarritzat dauka Virtualware enpresak diseinatutako VIROO® berrikuntza-plataforma, zeinari esker saio murgiltzaileak sortu, kudeatu eta hedatu baitaitezke prestakuntzarako, prototipoak sortzeko, diseinuak berrikusteko edo imajina daitekeen errealitate birtualeko beste edozein edukitarako.

“Errealitate birtualeko areto berria Sareko enpresa kide guztiei estaldura emateko abiarazi dugun beste zerbitzu bat da. Proiektu hau martxan jartzea mugarri garrantzitsu bat da, errealitate birtuala erabiltzeko aukera ematen dielako gure enpresei eta Euskadiko beste enpresa batzuei, hots, teknologia bat oso lagungarria gerta dakiekeena euren produktua eta jarduera ekonomikoa garatzeko. Uste dugu ekimen honen bidez euskal enpresetan garatzen ari diren I+G+B-ko prozesu guztiak hobetu ahal izango direla”, esan du Itziar Epalzak, Euskadiko Teknologi Parkeen Sareko zuzendari nagusiak.

Berrikuntza tresna honekin eduki propioak sor daitezke modu erraz eta eskalagarrian, garapen txikiak zein handiak eginez.

VIROO® plataformak arazoak konpontzen laguntzen du eta orobat mundu errealeko balio-sorkuntza maximizatzen. Plataforma hori iraultza bat sortzen ari da industrietan, mundu fisikoaren eta digitalaren arteko mugak lausotzen dituelako, eta horrek eraldaketa digitaleranzko bidea azkartzen dielako antolakunde eta lantaldeei.

Virtualware enpresak hau jakinarazi du: “Estatu Batuetako Patente eta Marken Bulegoak patente berri bat eman digu erabateko tracking sistemagatik, eta hori ere hub honetan integratuta dago.  Teknologia berri horren laguntzarekin posible dugu teknologia indartsuagoak garatzea korporazio industrialek euren egunerokoan aurkitzen dituzten arazo esanguratsuak konpontzeko”.

Berdin aplika liteke ikerketa eta berrikuntzan ere, proiektu aitzindariak garatuz eta langileak trebatuz errealitate birtualeko berrikuntza-laborategi guztiz pertsonalizagarrien bidez. Marketin eta salmenten arloan, berriz, inpaktu handiko demostrazio murgiltzaileak eta erakusketa aretoak sortzeko balio du.

Simulazioaren arloan, lan-indarraren gaitasunak hobetzen laguntzen du, leialtasun handiko eta eskala errealeko gaikuntza errealistari esker. Orobat erabili daiteke ikaskuntzarako tresna presentzial bezala edo urrunetik. Azkenik, prototipoen ingeniaritza eta sorkuntza arloan, lagungarri da oztopoak garaiz identifikatzeko, prototipoak sortzeko eta konponbideak probatzeko erreplika birtualak erabilita

BasqueTrade Mondragon
Albisteak 21 iraila, 2022 Azpiegiturak
MONDRAGONek esperientziak partekatu ditu BasqueTraderekin eta Japoniako bulego berria ezagutu du
Irakurri gehiago
Nanokide Spinoff
Albisteak 19 iraila, 2022 Azpiegiturak
Nanokide: minbiziaren aurkako tratamendu eraginkorrerako nanoteknologia
Irakurri gehiago
Albisteak 2 abuztua, 2022 Azpiegiturak
Arteman Komunikazioa hazi egin da eta proiektu berritzaileak abiatuko ditu Aretxabaletako Basabe eraikineko gune berri batean
Irakurri gehiago
Albisteak 28 uztaila, 2022 Azpiegiturak
Sprilur-ek irailerako amaituko ditu Durangoko Fundifes-en instalazio zaharrak deskontaminatzeko, eraisteko eta hondakinak kudeatzeko premiazko lan konplexuak
Irakurri gehiago
Albisteak 11 uztaila, 2022 Azpiegiturak
Amaitu dira Sprilur-en bi industrialdetan ibilgailu elektrikoentzako 4 karga-puntu instalatzeko lanak
Irakurri gehiago

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak