Cybertix: “Zibersegurtasunak ezin du ez erreaktiboa, ez inprobisatua izan”
ETE-ek gero eta mehatxu digital sofistikatuagoak jasaten dituzten garaiotan, Zibersegurtasuna dagoeneko ez da alderdi tekniko soil bat, lehiakortasunerako faktorea baizik. Made in Basque Countryn, Lorenzo Díaz de Apodaca Cybertixeko CEOarekin aritu gara berriki hizketan Adimen Artifizialaren rolari, Zibersegurtasunarekin duen loturari, automatizazioari eta Euskadiko enpresetako segurtasunaren kulturari buruz.
Zergatik diozu Adimen Artifiziala garrantzitsua dela egungo ziberdefentsan?
Mehatxuak prozesatzeko, korrelazioan jartzeko eta aurreikusteko gai den teknologia bakarra delako, mehatxuen bilakaera-erritmoa ikusita. Cybertixen AAn oinarritutako plataforma batekin egiten dugu lan eta erasoak hautemateaz gain, horiek denbora errealean geldiarazteko eta soluzionatzeko gai da. Zibersegurtasun modernoak abiadura eta zehaztasuna eskatzen ditu, eta adimen artifizialarekin, gizakia bere kabuz heldu ezin daitekeen lekuetara hel gaitezke.
Enpresa askok diote ez dutela behar bezala babesteko baliabiderik. AAk nola “demokratizatu” dezake Zibersegurtasuna?
ETEak eguneroko zereginetan murgilduta daude eta, gainera, ez dute horretan aritzen diren aditurik izaten. AAri esker, zeregin kritikoak automatizatu eta prozesuak sinplifikatu daitezke, enpresa txikiak ere babestuta egon daitezen. Lehen erakunde handien esku soilik baitzegoen hori. Gure helburua hori da hain zuzen ere, edozein ETEk zibersefentsa indartsua izatea, inbertsio handirik eta ezarpen konplexurik egin beharrik gabe.
Sektorean diote gure enpresek zibersegurtasunaren kultura falta dutela… Teknologiarekin ez da nahikoa?
Teknologia funtsezkoa da, baina ez da nahikoa. Pertsonak kontzientziatuta ez badaude, prestakuntzarik eta prozedurarik ez badago, edozein neurri teknologiko erren gelditzen da. Zibersegurtasuna pertsonen, prozesuen eta teknologiaren arteko triangelua da. Eta segurtasuneko kulturarik gabe, kudeatzailetik hasi eta azken langileraino, edozein erakunde da zaurgarri.
Ikuspegi horrek zer eragin du enpresen lehiakortasunean?
Zuzena. Eraso bat jasaten duen ETE batek hainbat egunez edo astez eten dezake jarduera. Datuak, bezeroak, ospea eta aukerak galdu ditzake. Horregatik, Zibersegurtasuna dagoeneko ez da gastu bat, jarraipen operatiboa eta egonkortasuna bermatzen dituen inbertsioa baizik. Babes digitalean AA integratzeak jazoerei aurre hartzeko, eusteko eta soluzionatzeko aukera ematen du, negozioan eraginik izan aurretik. Eta horrek eragin zuzena du lehiakortasunean.
Zenbat aldiz entzungo zenuen enpresarien artean hau: “hori ez da nire kontua”. Zer esango zenieke?
Europako zibererasoen % 70 ETE-ei zuzenduta daudela dagoeneko. Eta “ez zait gertatuko” pentsatzea dela zaurgarritasun nagusietako bat. Gaur egun, datuak, bezeroak edo konektatutako gailuak kudeatzen dituen edozein enpresak babestu behar du bere burua, hau da enpresa guztiek. Eta zenbat eta lehenago ulertu hori, lehenago jardun daiteke.
Zibersegurtasunak zer norabide hartuko du datozen urteetan?
Gero eta eredu proaktiboagoak ezarriko dira, AAn eta automatizatuan oinarrituak, eta erasoak aurreikusteko gai izango dira. Baina, halaber, erakundeak gero eta helduagoak izango dira kulturari dagokionez. Enpresek ulertuko dute Zibersegurtasuna ez dela firewall edo software soil bat, elementu estrategiko bat baizik. Etorkizuna teknologia aurreratua eta barne-diziplina integratzen dutenena izango da.
Horri dagokionean, zer azken mezu bidali nahi diezu enpresariei?
Ez dezatela eraso bat izan arte itxaron horren aurka jarduteko. Zibersegurtasunak ezin du ez erreaktiboa, ez inprobisatua izan. Edozein ETEk izan dezake babes-maila gorena tresna egokiei, AAri eta ikuspegi kultural sendoari esker. Pausoa lehenbailehen ematea da gakoa.
