Zabalik dago jadanik Europatik kanpoko eskualde estrategikoekiko lankidetza-proiektuetarako laguntzak eskatzeko epe
Eusko Jaurlaritzak, Lehendakaritzaren eta Kanpo Harremanetarako eta Euskadi Globaleko Idazkaritza Nagusiaren bitartez, lankidetza teknikoko proiektuak bultzatzeko laguntza-deialdia ireki du Europatik kanpoko lau eskualde estrategiko hauei begira: Quebec (Kanada), Cundinamarca (Kolonbia), Querétaro (Mexiko) eta Santiagoko Eskualde Metropolitarra (Txile).
Hartara, 2025-2026 epealdiari dagozkion laguntza hauek Euskadik eskualde horiekin sinatuak dituen Elkar Ulertzeko Memorandumei (MoU, ingelesezko siglen arabersa) atxikita daude, akordio horietan zehaztutako lan-ildoei jarraipena emanez. Helburu nagusia aldebiko lankidetza indartzea da, ekonomian, berrikuntzan, ingurumenean, kulturan, turismoan, hezkuntzan, gizarte-politiketan eta bestelako arloetan baterako ekimenak bultzatuz.
Deialdiak 80.000 euroko aurrekontua du, bi multzotan banatuta: 40.000 euro Quebecekin batera egindako proiektuetarako, eta beste 40.000 euro Cundinamarcarekin, Queretarorekin eta Santiagoko Eskualde Metropolitarrarekin batera garatutako proiektuetarako. Erakunde eskatzaile bakoitzak gehienez 5.000 euroko dirulaguntza jaso ahal izango du proiektu bakoitzeko.
Eskabideak elektronikoki baino ezin izango dira aurkeztu Eusko Jaurlaritzaren egoitza elektronikoaren bidez, uztailaren 10a baino lehen. Informazio guztia eta baldintzak esteka honetan eskura daitezke.
