Txosten estrategikoak, euskal enpresa-sareari automobilgintzako berrikuntza globala hurbiltzeko
Euskal enpresek informazio zehatza eskura dezakete dagoeneko, Alemanian, Estatu Batuetan, Txinan eta Japonian 2024aren amaieran eta 2025aren hasieran antolatutako automobilgintzaren nazioarteko azoka nagusietako bostetan aurkeztu diren produktu eta teknologia berriei buruz.
Hauexek dira estali diren ekitaldiak:
- IAA Transportation (2024ko iraila, Hannover)
- The Battery Show North America (2024ko urria, Detroit)
- International Suppliers Fair, IZB (2024ko urria, Wolfsburg)
- SAECCE – SAE China (2024ko azaroa, Chongqing)
- Automotive World (2025eko urtarrila, Tokyo)
SPRI Taldeari atxikitako Basque Trade & Investment euskal enpresak nazioartekotzeko agentziak landu dituen txostenek azoketan ikusgai izan diren produktuen argazki-materiala bildu dute, baita enpresa parte-hartzaileen datuak, TIER 1 nagusiak eta hain ezagunak ez diren player berriak ere, berrikuntzatik apustu egin eta etengabe hazten ari direnak.
Informazioa eskuratu nahi duten euskal enpresek horri buruzko jakin-mina azaldu behar dute helbide elektroniko honetan: mzarraonaindia@basquetrade.eus.
