Nazioartekotzeko Euskal Agentziak dio 2030 Agenda “gelditzeko iritsi dela”
Agentziako zuzendari Ainhoa Ondarzabalek garapen sostengarrirako neurriak azaldu ditu EHUko udako ikastaroetan
Aipatu du erronketako bat dela “euskal enpresek ebaluazio hobea lor dezatela garapen sostengarriarekiko lerrokatze-prozesuan”.
SPRI Taldean integratutako Nazioartekotzeko Euskal Agentziako zuzendari Ainhoa Ondarzabalek Gasteizen esan du ostiral honetan 2030 Agenda (garapen sostengarria bultzatzeko nazioarteko proiektua) “gelditzeko iritsi dela. Hau hasi besterik ez da egin” adierazi du. Horrez gain, nabarmendu du Agentziaren erronketako bat dela euskal enpresek “ebaluazio hobea lor dezatela garapen sostengarriarekiko lerrokatze-prozesuan”.
Ondarzabalek Ihobeko zuzendari Jesús Losada eta Emakundeko zuzendari Izaskun Landaiderekin batera parte hartu du Enpresa Ikasketen Unibertsitate Eskolan antolatutako Euskal Herriko Unibertsitatearen (EHU) udako ikastaroetan, 2030 Agenda eta politika publikoen eraginkortasuna aztergai izan dituen mahai-inguru batean.
Nazioartekotzeko Euskal Agentziako zuzendariak ezagutzera eman du bere erakundeak garapen sostengarria ezartzeko egin duen lana eta, hartutako beste neurri batzuen artean, azpimarratu du “bat egin dugu[la] gizon eta emakumeen arteko berdintasunaren helburuarekin. Adibidez, Agentziako langileetatik erdiak gizonak dira eta beste erdiak emakumeak.
Azaldu du aurten birdiseinatu egin direla Agentziak enpresen nazioartekotzerako eskaintzen dituen laguntza-programa garrantzitsuenak (Zabaldu eta Sakondu), bat etor daitezen garapen sostengarriko helburuekin. Hala, programa horietako laguntzak ematean, nabarmen puntu gehiago ematen zaizkie gizartearekin eta sostengarritasunarekin hartutako konpromisoei: lehen 100 puntutik 3 lortu bazitezkeen konpromiso horiengatik, orain 15 lortu daitezke.
Bi faktore horiek gehiago baloratzen hasi dira baita ere lizitazioen euskal plataforman. Lizitazioen euskal plataforma Nazioartekotzeko Euskal Agentziaren beste plan garrantzitsu bat da, laguntza ematen diena euskal enpresei parte har dezaten banku multilateralek garapen bidean dauden herrialdeetan bultzatzen dituzten nazioarteko proiektuetan.
Bi kasu Kolonbian
Ondarzabalek Kolonbiako bi kasu azaldu ditu, zeintzuetan garapen sostengarria bultzatu den lizitazioetarako euskal plataforman. Lehena, Kolonbiako Pazifikoko eskualdeen eta gainerako zonaldeen arteko etena murrizteko proiektu bat izan da eta, bigarrena berriz, Kolonbiako gerrillarekiko gatazkaren eraginpean dauden eremuetarako proiektu bat.
Nazioartekotze bekei dagokienez, Agentziako zuzendariak jakinarazi du erantzukizun sozial korporatiboari eta gizarte zein ingurumen ikuspegiei buruzko modulu bat integratu dutela laguntzetan.
Finantzaketari buruz mintzatzean, Ainhoa Ondarzabalek hizpide hartu du atzerriko enpresa-ezarpenak bultzatzeko Gauzatu programa. Orkestra-Lehiakortasunerako Euskal Institutuarekin batera “ikerketa bat egingo dugu jakiteko enpresak nola ari diren lerrokatzen garapen sostengarriarekin”. Gaineratu du lan hori lau herrialdetan zentratuko dela: Txinan, Mexikon, Estatu Batuetan eta Kolonbian.
Enpresak garapen sostengarriarekin estuago lerrokatzeaz gain, Ondarzabalek erronkatzat jo du irizpide horiek Agentziaren gainerako jardueretan ere aplikatzea, ezen “jarduera batzuetan aplikatu ditugu, baina ez guztietan”. Eta helburutzat hartu du jakitea zein ekarpen egiten duten euskal esportazioek jomugako herrialdeetan garapen sostengarria inplementatzeko prozesuetan. “Hori zailagoa da” onartu du, baina ziur dago “posible dela”.
Lotutako albisteak
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz
Robotikak eta automatizazioak Euskadiren eta Txekiar Errepublikaren industriarako dituzten aukerak aztertu dituzte
Bilboko Merkataritza Ganberan egindako Euskadi – Txekiar Errepublika “Aukerak robotikan eta automatizazioan” jardunaldi ekonomikoan, Euskal Autonomia Erkidegoko hogei bat enpresatako ordezkariak eta ekonomiaren eta industriaren arloko beste eragile batzuk bildu dira.
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek bi txosten bildu ditu Smart Factory + Automation World 2025 ekitaldian parte hartu ondoren, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz