Eraldaketa digitala I+G+B Nazioartekotzea
Albisteak 9 apirila, 2018

Euskadiko aurrerapen teknologikoaren adibideak eramango ditu aurten Basque Industry 4.0k Hannover Messera vasco

Munduko azoka industrialik garrantzitsuenean euskal estrategia publiko-pribatuaren presentzia sendotu egiten da teknologia-zentroen, start-upen, unibertsitate sistemaren clusterraren eta lanbide heziketaren parte hartzearekin.  
-

Munduko azoka industrialik garrantzitsuenean euskal estrategia publiko-pribatuaren presentzia sendotu egiten da teknologia-zentroen, start-upen, unibertsitate sistemaren clusterraren eta lanbide heziketaren parte hartzearekin.

Basque Industry 4.0 Europako azoka industrialik garrantzitsuena den Hannover Messera itzuliko da, datorren apirilaren 23tik 27ra, eduki berriekin eta estrategia irmo eta sendotuarekin. Arantxa Tapia, Ekonomiaren Garapeneko eta Azpiegituretako sailburuak eta Manu Salaverria, Industry 4.0 Gidaritza Taldeko zuzendari exekutiboak gaur eman dituzte ezagutzera Euskadiko standaren xehetasunak: teknologia-zentroek industriarentzat garatutako teknologien adibideak, Bind 4.0 azelerazio programan parte hartu duten start-upak, edota pertsonen prestakuntza 4.0 industriaren esparruan. Iaz Basque Industry 4.0 nazioartean aurkezteko balio izan zuen azokak; aurten berriz, munduko agertokirik onenetakoan bere presentzia sendotzeko baliatu nahi da.

Euskadi bigarren urtez jarraian egongo da Hannover Messe azokan, 4.0 industrian euskal esperientzia nazioartekotzeko estrategiaren esparruan kokatuta. Hannoverrera eramango diren produktu, sistema, programa eta ekimenen aurkezpenak egingo ditu euskal ordezkaritza publiko-pribatuak, 4.0 industriaren arloan enpresek, teknologia-zentroek eta hezkuntza sistemak lortutako aurrerapenak ezagutzera emateko helburuarekin.

Honela, Euskadiko standean antolatutako egitarauan eta azokak antolatutako zenbait forotan, euskal 4.0 industriaren zutabe nagusiak azaltzeko aukera izango da: Euskadiko Zibersegurtasun Zentroa, Basque Digital Innovation Hub, Bind 4.0 azeleragailu publiko-pribatua, teknologia-zentroen proiektu eta produktuak, 4GUNE – Unibertsitate Sistemako klusterraren xedeak edota Lanbide Heziketa, Batzorde Europarrak erreferentetzat aukeratua izan dena.

 

Basque Industry 4.0 standa

Basque Industry 4.0 standa, Spriren koordinaziopean, 27.pabilioian kokatuko da, Global Business & Markets deitutako espazioan eta 140 metro koadro izango ditu. Bertan, euskal teknologia-zentroek euren teknologiak erakutsiko dituzte Hannoverren, besteak beste:

  • Galdaketarako adimen prediktiboa (IK4-Azterlan)
  • Muntaketa aeronautikoetarako errealitate birtuala (CEIT-IK4)
  • Monitorizazio sistema eta Roboten telemanipulazioa (Tecnalia)
  • Energia-transmisiorako monitorizazioa eta alerta (Tekniker)
  • Errealitate Areagotuko sistema (Vicomtech)

 

Honenbestez, Euskadiko Zientzia eta Teknologia Sareko eragile nagusiak ordezkatuta egongo dira standean.

Bind 4.0 start-upen azelerazio programak toki propioa izango du; programan parte hartu duten start-upetako bi, Innovae eta Irisbond izango dira bertan programaren nondik norakoak azaltzeko eta lehen mailako enpresa industrialekin lan-egitea posible egin duten teknologiak erakusteko:

  • Mantentze-lanetarako laguntza-sistema aurreratua (Innovae)
  • Ingurunearen kontrola begien bidez (Irisbond)

 

Honez gain, Basque Industry 4.0 estrategiako zutabe nagusiak sustatuko dira standean, hau da Basque Digital Innovatio Hub-Euskadiko Aktiboen Sarea. Bere helburua da ETE industrialen eskura jartzea, modu erraz eta eraginkorrean, konektatutako aktiboen sarea non fabrikazio aurreratuko azpiegitura, laborategia, software eta gaitasun zientifiko-teknologiko berritzaile eta bikainak dauden.

Euskadiko hezkuntza sistema ere standean ordezkatuta egongo da, alde batetik 4GUNE Unibertsitate Sistemako klusterrarekin eta bestetik Lanbide Heziketarekin.

 

Aurkezpen programa

Euskadik Young Tech Enterprises foroan hartuko du parte, start-up, ekintzaile, ikasle eta negozio idea berrien bila ari diren inbertsoreei zuzendutako topagunean hain zuzen ere. BIND 4.0 start-upen azelerazio programa izango da aurkezpenaren ardatz nagusi apirilaren 24an, asteartearekin, 17.pabilioian, Spri, Innovae eta Irisbonden eskutik.

Egun horretan bertan, “Euskadi-Méxiko: lankidetza gunea 4.0 esparruan” lan-jarduna egingo da, Gidaritza Taldearen eta Basque Digital Innovation Huben inguruko esperientziak trukatzeko helburuarekin. Hannover Messe azokaren aurtengo edizioan herrialde gonbidatua da Mexiko eta Basque Industry 4.0 standa, stand mexikarren alboan dago. Hurbiltasun hau baliatuko du Euskadik Mexikoko ordezkariekin harremanak izateko, Mexiko baita atzerrian ezarritako euskal enpresa kopuru handiena duen herrialdea.

Halaber, Basque Industry standak hainbat hitzaldi hartuko ditu: teknologia-zentroenak, Bind 4.0 programako start-upenak, 4GUNE unibertsitate sistemarena, TKNIKA Lanbide Heziketaren ikerketa eta berrikuntza aplikatuko Zentroarena eta Euskadiko Zibersegurtasun Zentroarena.

Arantxa Tapia, Ekonomiaren Garapeneko eta Azpiegituretako sailburuak Hannover Messe bisitatuko du apirilaren 25ean, asteazkena; azokan parte hartuko duten euskal enpresekin topaketa bat egiteaz gain, hitzaldia ere eskainiko du Basque Industry 4.0: etorkizuneko fabrikaren estrategiari buruz.

 

Basque Industry 4.0 standeko aurkezpenen laburpena:  

  • “Konektibitate industriala, makina-erremintaren errendimendua hobetzeko” – Tecnalia
  • “4.0 industriaren benetako adibideak datuen adimena eta ikusmen konputazioaren bidez” – Vicomtech
  • “Inguruaren kontrola begien bidez” – Irisbond
  • “Smart-G + G-Cloud: nola ekiditu akats kritikoak energiaren transmisio osagaiekin” IK4-Tekniker
  • “SAAM, Mantentze-lanetarako laguntza-sistema aurreratua” Innovae
  • “Txertatutako gailu industrialen operazio eta mantentzea. Zibersegurtasuna, Datu Handiak, adimen artifiziala eta ICSren bidean” – Euskadiko Zibersegurtasun Zentroa
  • “4GUNE, Unibertsitate sistemako klusterra: lankidetza sistemikoa enpresekin, 4.0 industriaren erronken aurrean” – Euskanpus
  • “LH 4.0: errendimendu handia Euskadiko Lanbide Heziketan” – Tknika
  • “Akatsik ez prozesu industrialetan: errealitatea ala fikzioa?” – Azterlan

 

Euskal enpresak Hannover Messen

Hogeitik gora euskal enpresa izango dira Hannover Messe 2018an erakusketari. Hauetako batzuk urtero hartzen dute parte azoka honetan; beste batzuentzat ordea, lehen aldia da, adibidez Goierri Valley, eskualde horretako elkarte-industriala, 50etik gora enpresa biltzen dituena, besteak beste CAF, Orkli, Hine edota Ampo.

Euskal enpresen standak, azokako pabilioi desberdinetan banatuta daude:

 

3.pabilioia

 

Fundiciones Aizpurua Fundigex                     Gurelan
Guivisa
4.pabilioia

 

Arabako Merkataritza Ganbara
Bilboko Merkataritza Ganbara
Egondo
Goierri Valley
Laminados Losal
Naivan Transformados Metálicos, S.L.
Rpk, S. Coop
Sisfle
5.pabilioia

 

Bilboko Merkataritza Ganbara
Lesol S.A.
Plasnor S.A.
6.pabilioia

 

Innovae Augmented Reality Agency S.L.
Virtualware 2007
12.pabilioia

 

Electrotécnica Arteche Hermanos
Fanox Electronic
Merytronic 2012
Pronutec
Uriarte Safybox

 

Hannover Messe

Munduko lehen industria-azoka da Hannover Messe eta orain dela 60 urte baino gehiago hasi zen ospatzen. 2018.urteko edizioa apirilaren 23 eta 27 bitartean egingo da “Integrated Industry, Connect & Collaborate” izenburupean eta produktuen digitalizazioa, 4.0 industria eta modu masiboan banatutako energia izango ditu ardatz nagusi. Azoka bat baino gehiago azoka baten:

  • Motion, Drive&Automation: Potentziaren transmisioa (teknologia eragileak eta fluidoenak)
  • Digital Factory: Integratutako prozesuak eta irtenbide informatikoak (fabrikazio gehigarria barne hartuta)
  • Energy: Energiaren teknologiak.
  • Industrial Supply: Azpikontratazio industriala eta eraikuntza arinak
  • Research & Technology: Ikerketa eta Garapena

Informazio gehiago Irekian: http://bit.ly/2uWojrn

Lotutako albisteak

Irundinek,  oso  nazioartekotutako  ETEak,  negozioa  % 50  baino  gehiago  handitu  du
12/09/2025 Nazioartekotzea

Irundinek, oso nazioartekotutako ETEak, negozioa % 50 baino gehiago handitu du

Irungo enpresak SPRI Taldearen Fast Track Innobideak programako laguntza jaso du eta botilatzeko makinak fabrikatzen ditu 1994tik

Global  Training  beken  epea  irailaren  19ra  arte  luzatu  da
12/09/2025 Nazioartekotzea

Global Training beken epea irailaren 19ra arte luzatu da

Global Training laguntza-programa Euskadiko gazteen nazioarteko mugikortasuna eta prestakuntza errazteko diseinatuta dago. Programaren aurrekontua 6.445.000 €-koa da eta laguntzek ordaindutako praktika profesionalak eskaintzen dituzte atzerrian.

Euskadiko  enpresa-ordezkari  batzuk  Alemaniako  automobilgintzaren  eraldaketa  aztertzen  ari  dira  Munichen

Euskadiko enpresa-ordezkari batzuk Alemaniako automobilgintzaren eraldaketa aztertzen ari dira Munichen

SPRI Taldeko Basque Trade & Investmentek eta ACICAE Euskadiko Automobilgintza Klusterrak elkarrekin antolatu dute

Euskadi  liderra  da  automobilgintzako  eskualdeen  aliantzan,  eta  ibilbide-orri  berri  bat  eskatu  du
10/09/2025 Nazioartekotzea

Euskadi liderra da automobilgintzako eskualdeen aliantzan, eta ibilbide-orri berri bat eskatu du

Ekitaldian Jauregi sailburuak azpimarratu zuen euskal industriak Europako automobilgintzaren sektorean duen garrantzi estrategikoa. Hurrengo urteetarako ibilbide-orri gisa, apustu hirukoitza nabarmendu zuen: finantziazioa, berrikuntzan inbertitzea eta sektorearentzako eskari berria sortzea

Brasilen  ezarritako  euskal  enpresek  EB-Mercosur  akordioa  eta  erga-erreforma  aztertu  dituzte
09/09/2025 Nazioartekotzea

Brasilen ezarritako euskal enpresek EB-Mercosur akordioa eta erga-erreforma aztertu dituzte

Bilera BasqueTradek São Paulon duen bulegoak antolatu du, eta agentziak euskal enpresei Brasil bezalako merkatu estrategikoetan ematen dien laguntzaren barruan kokatzen da

Euskal  zentro  teknologikoek  Euskadiko  garapen  industrialean  duten  garrantzia  azpimarratu  du  Jauregik
05/09/2025 I+G+B

Euskal zentro teknologikoek Euskadiko garapen industrialean duten garrantzia azpimarratu du Jauregik

Industria, Trantsizio Energetiko eta Jasangarritasuneko sailburuak bereziki azpimarratu du TECNALIAk herrialdearen garapen teknologiko eta industrialarekin duen konpromisoa, Jesús Valero zuzendari nagusiarekin Gipuzkoako Parke Teknologikoan duen egoitzan egin duen bileran

Koreako  Jeollanam-do  probintziak  Euskadi  bisitatu  du  itsas  energia  eolikoan  eta  trantsizio  energetikoan  aukerak  aztertzeko
05/09/2025 Nazioartekotzea

Koreako Jeollanam-do probintziak Euskadi bisitatu du itsas energia eolikoan eta trantsizio energetikoan aukerak aztertzeko

Euskadin programatutako agendarekin amaitzeko, delegazioak Saiteceko instalazioak bisitatu ditu, Euskal Autonomia Erkidegoan sarera konektatutako lehen aerosorgailu flotatzailearen proiektua bertatik bertara ezagutzeko asmoz.

Mikel  Jauregi  Industriako  sailburuak  Satlantis  enpresa  bisitatu  du;  satelite  espazialetan  espezializatutako  enpresa  da
04/09/2025 I+G+B

Mikel Jauregi Industriako sailburuak Satlantis enpresa bisitatu du; satelite espazialetan espezializatutako enpresa da

Satlantisek Leioako campusean du egoitza. Liderra da Lurra behatzeko teknologia miniaturizatuetan, eta handitze-fasean dago; fabrika berri baten proiektua du

Trumpen  muga-zergen  zati  bat  legez  kanpokotzat  jo  du  AEBko  apelazio  auzitegi  batek
03/09/2025 Nazioartekotzea

Trumpen muga-zergen zati bat legez kanpokotzat jo du AEBko apelazio auzitegi batek

Europako Batzordeak ez du epaiaren inguruko iritzirik eman, baina Washingtoni eskatu dio akordioan hitzartutakoa betetzeko eta autoen muga-zergak % 27,5etik % 15era murrizteko.

Wolco,  nazioartekotzearen  aldeko  apustua  egin  duen  ebaketa-erreminta  pertsonalizatuen  fabrikatzailea
28/08/2025 Nazioartekotzea

Wolco, nazioartekotzearen aldeko apustua egin duen ebaketa-erreminta pertsonalizatuen fabrikatzailea

Lemoako enpresak SPRI Taldearen Industria Digitala programaren dirulaguntza jaso du, eta bere negozioaren % 25 esportatzen du dagoeneko

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.