Estatu Batuak, Alemaniak eta Frantziak BasqueTrade International Meetingsen jarri dute arreta euskal enpresetan
100 euskal enpresa baino gehiago bildu ziren Basque Trade International Meetings topaketetan, Basque Trade & Investment-ek (BasqueTrade) sustatutak, eta enpresaren nazioartekotzea bultzatzera bideratutako ekimena. Zehazki, azaroko lehen astean, 351 bilera egin zituzten guztira 101 enpresatako enpresa-ordezkariek eta nazioarteko merkatuetako adituek, euskal enpresen hedapen globala errazteko helburuarekin.
Bilerak hainbat tokitan egin ziren, gertutasuna areagotzeko eta enpresa guztiei BasqueTrade kanpoko sareko bulegoekin bilerak errazteko.: 131 topaketa egin ziren Donostiako Kursaal Kongresu Jauregian; 133 bilera Euskadiko Parke Teknologikoko Zamudio-Derio campusean; eta Parke Teknologikoko Gasteizko campusean, 99 saio guztira. Topaketa horietan, Estatu Batuetako merkatuarekiko interesa nabarmendu zen,, 33 bilera egin ziren merkatu horren inguruan; ondoren, Alemaniak sortu zuen interes gehien, 27 bilerarekin, eta, azkenik, Frantziak, 26rekin, helmuga horiek euskal enpresentzat duten garrantzi estrategikoa azpimarratuz.
Jorratutako sektoreen artean, automobilgintza eta eraldaketa metalikoa, makina-erreminta eta aeroespaziala, biozientziak, eta osasuna eta elikadura nabarmendu ziren, energia eta ingurumenarekin batera. Era berean, arlo estrategikoetako aukerak aztertu ziren, hala nola, trenbide-sektorekoak eta teknologia aplikatukoak, ikuspegi integral batekin.
Ekitaldi honek aukera eman zien enpresa parte-hartzaileei beren nazioartekotze-proiektuei buruzko zalantza zehatzak argitzeko, merkatuko adituekin zuzenean hitz egiteko eta beren estrategia globala indartzeko. Kasu askotan, BasqueTrade-ko merkataritza-bulegoek hartutako konpromisoarekin amaitu zen: merkatu-azterketak, agente eta banatzaileen bilaketa, muga-zergen azterketak, agenda komertzialak eta bezeroen identifikazioa, haiekin bildu ziren enpresen beharren arabera. Harreman pertsonalizatu hori abantaila lehiakorra da euskal enpresa-ehunarentzat, plangintza sendoa errazten baitu, nazioartean arrakasta lortzera bideratua.
Nazioartekotzearen zerbitzura dagoen sarea
Bilera horietan, BasqueTrade-ren kanpo-sareko 21 bulegoetako nazioarteko merkatuetako profesionalek hartu zuten parte. Bulego horiek 33 herrialde hartzen dituzte guztira, eta funtsezko zerbitzuak eskaintzen dituzte, hala nola euskal enpresen nazioarteko proiektuen bideragarritasunaren analisi pertsonalizatua, adimen lehiakorreko txostenen garapena eta atzerriko merkatuetan funtsezko kontaktuak dituzten sareen sorrera.
Laguntza espezializatu horri esker, euskal enpresek merkatuen analisia dute, aukerak identifika ditzakete eta beren negozio-planak nazioarteko eskaeretara egokitu ditzakete.
Lotutako albisteak
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz
Robotikak eta automatizazioak Euskadiren eta Txekiar Errepublikaren industriarako dituzten aukerak aztertu dituzte
Bilboko Merkataritza Ganberan egindako Euskadi – Txekiar Errepublika “Aukerak robotikan eta automatizazioan” jardunaldi ekonomikoan, Euskal Autonomia Erkidegoko hogei bat enpresatako ordezkariak eta ekonomiaren eta industriaren arloko beste eragile batzuk bildu dira.