E&M Combustion-ek Chileko meatzaritza deskarbonizatzen laguntzen du hidrogenoa erabiliz, Sprilur-en Bildosola Poligonotik
“Plug and play” edukiontzi-unitatea erabiliko da meatzaritza-sektorea deskarbonizatzeko eta industria-aplikazio iraunkorragoak
Garapena I+G proiektu baten barruan kokatzen da, Chileko Gobernuak Corfo agentziaren bidez finantzatua.
E&M Combustion, duela hamar urte Arteako Bildosola industrialdean kokatua, etengabe inbertitzen aritu da errekuntza-prozesuen merkatu internationalean kokatzeko, bere fabrikazio-espaziotik teknologia berriak sartuz. Horren ondorioz, euskal ingeniaritza eta fabrikazio-enpresak kontratu bat lortu du Chileko meatzaritza-industria deskarbonizatzen laguntzeko.
Kontratu honen bidez, E&M Combustion-ek “plug and play” edukiontzi-unitate bat garatu du, hidrogenoaren errekuntza erabiltzen duena. Unitate hau, nagusiki, Chileko
meatzaritza-industria deskarbonizatzeko probetan erabiliko da. Proiektu pilotu hau Reduze, Sun Solution eta Lipigas tokiko enpresek lideratzen dute, eta bere helburua da berokuntzan eta ur bero sanitarioaren sorkuntzan hidrogenoaren erabilera balioztatzea.
Garapena Chileko Gobernuak Corfo agentziaren bidez finantzatutako I+G proiektu pilotu baten parte da, CO₂ emisioak murrizteko, meatzaritza-industria sektoreko galdaretan blending-a (nahasketa) erabiltzeko. Proiektu pilotuak produktu berriak balioztatzea du helburu, TRL-9 heldutasun teknologikoko eskalara iritsi arte, benetako meatzaritza-inguruneetan proba zorrotzak eginez.
“Plug and play” edukiontzi-unitatea (konektatu eta erabiltzeko prest dagoen sistema) neurrira egindako instalazio termiko integrala da, Artean muntatua eta aurrez instalatua. Meatzaritza-prozesuak deskarbonizatzeko eta iraunkortasun-praktikak sustatzeko diseinatu da. Hidrogeno eta GLP-rekin aldi berean funtzionatuko du, gas-rampa ezberdinen bidez, blending prozesua erabiliz. Gainera, 20 oineko edukiontzi batean kontzentratutako diseinu trinkoa duelako, erraz garraiatu ahal izango da industria-sektore ezberdinetan probatzeko.
Proiektuaren helburuen artean meatzaritza-galdaretan hidrogenoaren aplikazioari buruzko ezagutza sakontzea dago, segurtasun-prozedurak eta araudiak identifikatzea, eta meatzaritza-industria espezifikoko beharretara egokitutako zerbitzu berritzaile bat garatzea, Chileko sektore estrategiko honen trantsizio energetikoari laguntzeko.
Edukiontzian azken muntaketa amaitu ondoren, bertan dauden elementuak (galdara, JBD 500 GH2 errekuntza-konbinatua duen erregailua, hodiak, birzirkulazio-tximinia, hedapen-ontzia, O2 sentsoreak, beroa xahutzeko aerotermoak, etab.) fabrikako probak (FAT) arrakastaz gainditu ditu. Ondoren, instalazioa Chileko bezeroarengana bidali da, “proba beroak” hasteko.
Ekimen honekin, E&M Combustion-ek errekuntza-teknologia eraginkorragoak eta kutsadura txikiagokoak garatzen jarraitzen du, hidrogenoa erabiliz. Hidrogenoaren eremuan, enpresak hainbat I+G proiektu ditu martxan, besteak beste, hidrogeno-erregailuak modu arinago eta eraginkorragoan diseinatzeko Europako I+G+i proiektu bat, konputazio-fluidoen dinamika erabiliz.
E&M Combustion
2004az geroztik, E&M Combustion-ek goi-mailako teknologia duten erregailu industrialak diseinatu eta fabrikatzen ditu, bezeroaren beharretara egokituak, eta errekuntza-prozesuetan soluzio espezifikoak eskaintzen ditu. Konpainiak diseinatutako ekipoek isuri kutsagarri oso baxuak eta energia-aurrezpen nabarmenak bermatzen dituzte.
Errekuntza industrialeko ingeniaritza gisa, Artean kokatutako euskal enpresak errekuntza-teknologia berritzaileak garatzen ditu gas, gasolio, erregai mistoak eta erregai alternatiboetarako erregailuak eskaintzeko, neurrira egindako diseinuekin. Gainera, ATEX eta NEC erregailuen esparruan nazioarteko erreferente bihurtu da, baita atmosfera lehergarri potentzialetarako ekipoen, gas bero-sorgailuen eta hidrogenoa eta biogasa bezalako erregai alternatiboetarako errekuntza-ekipoen fabrikazioan ere.
Lotutako albisteak
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
Bizitegi-jabeen komunitateetako instalazio elektriko zaharrak berritzeko inbertsioetarako laguntza-programa
EEEren programa Deskarboniza programaren parte da
Energia berriztagarrien bidez autokontsumorako energia elektrikoa sortzeko eta kontsumo termikoak elektrifikatzeko laguntza-programa
EEEren programa Deskarboniza programaren parte da
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin