EBk Errusiaren aurkako bederatzigarren zigor-sorta onartu du
Zigor-sorta hori lehenagotik hartutako neurriei gehitzen zaie, hots, EBk Errusiako petrolio gordina itsasoz inportatzeko debekuari eta G-7 taldeko bazkideekin adostutako petrolioaren mundu mailako prezioen mugari, biak ere abenduaren 5etik aurrera aplikatuko direnak.
Zehazki, hauek dira zigor-sorta horretan sartzen diren elementuak:
- Izen berriak zerrendetan: EBk ia 200 pertsona eta erakunde gehiago sartu ditu aktiboak izoztu beharreko pertsonen zerrendan.
- EBren esportazio debeku gehigarriak: murrizketa berriak jarri dira Errusiaren gaitasun militarra eta teknologikoa hobetzen lagundu dezaketen erabilpen bikoitzeko teknologia aurreratuak esportatzeko (dronen motorrak, kamuflatzeko ekipoak, ekipo kimiko eta biologiko gehigarriak, istiluen aurkako indarrentzako osagaiak eta gudu-zelaietan utzitako sistema militar errusiarretan aurkitu diren osagai elektroniko gehigarriak). Esportatzeko murrizketa berriak beste produktu eta teknologia industrial batzuei ere aplikatuko zaizkie (jostailuzko eta aisialdirako dronei, sorgailu konplexuei, ordenagailu eramangarri eta osagai informatikoei, inprimatutako zirkuituei, irrati bidezko nabigazio sistemei, irrati bidezko tele-aginte gailuei, aireontzien motorrei eta motorren osagaiei, kamera eta lenteei). Gainera, ezin zaio enpresa-zerbitzu gehiago eskaini Errusiari, debekuak ezarri baitira merkatu azterketak eta iritzi publikoaren inkestak egiteko zerbitzuetan, entsegu eta analisi teknikoen zerbitzuetan eta publizitate zerbitzuetan.
- Debeku gehigarria Errusiako bankuen operazioentzat: beste hiru banku errusiar zigortu dira eta, besteak beste, erabat debekatu dira Errusiako Eskualde Garapenerako Bankuaren operazioak, Putinen diru-iturriak are gehiago agortzeko.
- Debeku gehigarria Errusiako komunikabideentzat: EBn emititzen duten beste lau kate errusiar zentsuratu dira.
- Ez zaio aukerarik emango Errusiari dronak lortzeko: hemendik aurrera ezingo da dronen motorrik esportatu zuzenean Errusiara, eta ezta ere Iran bezalako hirugarren herrialdeetara, susmoa egonez gero motor horiek Errusian erabiliko direla.
- Errusiako energia eta meatzaritza sektoreen kontrako neurri ekonomiko gehigarriak: Errusiako energia sektorean inbertitzeko lehendik dagoen debekuaz gain, hemendik aurrera debekatuta dago orobat EBk inbertsio berriak egitea Errusiako meatzaritza sektorean, lehengai batzuen kasuan izan ezik.
EBk Errusiari jarritako zigorrei buruzko informazio guztia kontsultatu dezakezue hemen.
Iturri batzuen arabera, Europak eta beste hainbat herrialdek Errusiaren kontra hartu dituzten zigor-neurriak eraginkorrak izaten ari dira, baina Errusiako ekonomia uste baino erresilienteagoa gertatzen ari da. 2022aren amaierarako aurreikusten da Errusiako BPGa gutxienez %3,4 jaitsiko dela; 2023ari begira, hipotesi baikorrenak %2,3ko jaitsiera iragartzen du eta ezkorrenak % 5,6koa. Bestalde, inflazioak neurriz kanpo jarraitzen du (urtearen amaieran ia %14ra iritsiko da) eta aldebiko merkataritza maldan behera doa (esportazioen gainbehera %40koa da).
Errusiarekiko harreman komertzialen degradazioaren ondorioz kalte handiena jaso duten Estatuko industriak dira: makina mekanikoak (%80ko jaitsiera), modaren sektorea, konpainia handiak Errusiatik irten direlako (-%76), turismo-ibilgailuak (-%98) eta autoen osagaiak (-%66), eta material plastikoak, arazo logistikoak direla medio (-% 50).
Esportaziorako eta inportaziorako murrizketak ez dira aplikatzen kontsumora bideratutako produktuetan ez eta osasunarekin, farmaziarekin, elikadurarekin eta nekazaritzarekin zerikusia dutenetan. Horregatik, nahiz eta sektore horietako enpresek beherakada handia izan zuten udaberrian arazo logistikoengatik, orain suspertzen ari dira. Zehazki, farmazia sektorean joera da medikamentu burutuak esportatzea, fabrikaziorako osagai batzuk zigorpean daudelako.
EBko aduana-agintaritzak ari dira aplikatzen debekuak.
Gogoratu Errusiarekin jarduera komertzialen bat garatu nahi duen EBko edozein enpresak egiaztatu beharra daukala:
- Norekin operatzen duen (kontrazatia zigortuta ote dagoen): pertsona eta erakundeentzako murrizketak. Zigor horiek zerrendetan ageri diren pertsonak ukitzen dituzte, eta baita ere pertsona horiek zuzenean zein zeharka kontrolatzen dituzten filial edo enpresak.
- Zein produktu ari den esportatzen/inportatzen (jarduera/sektorea zigortuta ote dagoen): truke komertzialetarako murrizketak zenbait sektoretan
- Finantzazko kanala (bankua zigortuta ote dagoen): finantza arloko murrizketak
Esportazio kontrolak iragan behar dituzten produktuentzako baimenak Industria, Merkataritza eta Turismo Ministerioari eskatu behar zaizkio Erkidegoko murrizketengatik baimena behar duten produktu industrialen esportazioa izeneko prozedurarenbitartez. Baimen horiek bakarrik emango zaizkie araudietan jasota dauden zenbait salbuespeni.
Baldin produktuek, horrez gain, erabilpen bikoitzeko baldintzak behar badituzte, posible izango da baimena ematea aplikagarriak diren indargabetze edo salbuespenei. Halakoetan, baimena eskatu beharko da Defentsako eta Erabilpen Bikoitzeko Materialaren Zuzendariordetza Nagusiaren egoitza elektronikoan. amesa@mincotur.es
Lotutako albisteak
Hidrogenoaren euskal ekosistemak loturak estutu ditu Japoniarekin sektorearen nazioarteko foro nagusian
Ekintza hau, hidrogenoa ardatz energetiko estrategikotzat garatzeko 2023az geroztik Euskadi eta Japoniaren arteko lankidetza bultzatzea xede duen ekimen zabalago baten barruan gauzatu da.
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz