Euskal enpresaren blog-a Zure enpresarentzat garrantzitsua den eguneroko informazioa

17 Azaroa, 2020
Makina adimendunak eta konektatuak: gainazalaren osotasuna eta fabrikazio-prosezuen fidagarritasuna hobetu

Artezketa-prozesuan, piezak lortutako tenperatura faktore erabakigarria da; izan ere, beharrezko energia gehiena bero bihurtzen da eta kalte termikoaren ondorioak, besteak beste, fase-aldaketak eta hondar-tentsioak dira. Horregatik da hain garrantzitsua mozketaren prosezuan zehar dagoen bero-banaketa ezagutzea, tokiko kalte termikoa zehaztasunez aurreikusi ahal izateko eta, horrela, kalte hori saihesteko muga-baldintzak ezarri ahal izateko. Prozesu horretan, hozgarriak eta lubrifikatzaileak egoki erabiltzea funtsezkoa da hozte eta lubrifikazio mesedegarriak lortzeko, eta, aldi berean, material eraginkorra ezabatzeko eta korrosioaren aurkako babes eraginkorra sortzeko. Gaur egun, material hozgarri eta lubrifikatzaile horien kostuaz gain, beste faktore batzuk ere hartu behar dira kontuan, hala nola, fluidoak ezabatzea, segurtasun-neurriak handitzea edo birziklapena sustatzea, kontuan hartuta, gaur egun, derrigorrezkoa dela iragazteko ekipoak erabiltzea, horiek berekin dakartzaten kostu eta oinplanoan hartzen duten leku handiarekin.

Prozesu horren hobekuntzan laguntzeko, CEITek, testura kristalografikoak eta hondar-tentsioak neurtzeko X izpien difraktometro bat du, azken hori kalte termikoaren ondorio nagusienetako bat izanez, lehen aipatu den bezala. Ekipo hori, faseak identifikatzeko eta kuantifikatzeko nahiz testura kristalografikoen hondar-tentsioak neurtzeko erabiltzen da, baita material-mota askotan (metalak, zeramikoak) eta film meheetan sestra-angeluaren bidez mehetutako filmetan faseak aztertzeko ere. CEITen, Materialen eta Fabrikazioaren Dibisioko proiektu gehienak erabiltzen dira, baita Garraioaren eta Energiaren Dibisioko Monitorizazio Taldean ere, eta honako hauek neurtzeko aukera ematen die: altzairu epeletan atxikitako austenita kopurua neurtzea, material batean dauden fase kristalografikoak identifikatzea eta pikoen intentsitatetik abiatuta kuantifikatzea, bai solteko materialetan (bulk) eta bai film meheetan, eta materialen eta filmen kristal-orientazioen banaketa neurtzea.

Era berean, UPV/EHUk artezketa prosezurako 4.0 datuen analitika ikertzeko zelula bat du. Zelula horrek, datuak masiboki biltzeko eta artezketa-aplikazioen eraginkortasuna aztertzeko aukera ematen du, belaunaldi berriko harriak, lubrifikazio- eta hozte-estrategia berriak eta abar barne. Hori guztia, prestazio handiko artezgailu planeatzaile bat eta abiadura handiko artezgailu zilindriko bat erabat sentsorizatzeari esker izan da posible, baita kontaktu-baldintzak aztertzeko eta simulatzeko kalkulu numerikoko software bat integratu izanari ere. Aktibo hori erabiliz eskaintzen diren zerbitzu nagusiak honako hauek dira: artezketan saiakuntzak egitea eta emaitzak aztertzea, aplikaziora bideratutako errotarrien formulazio berriak erabiliz; artezketa prosezurako lubrifikazio-sistema eraginkor eta ekologikoen emaitzak aztertzea,; formakuntza eta aplikazioentzako hobekuntza-proposamenak egitea datuen analitikaren bidez (Machine Learning, Deep Learning); eta bideragarritasun-azterlanak, besteak beste.

Osagaien osotasuna bermatzea, alderdi kritikoa da artezketan. Ildo horretan, TEKNIKERek euskal ETEen eskura jartzen du haren karakterizazio geometriko eta materialen laborategia. Laborategi horrek, funtsezko informazioa emango du osagaien osotasuna bermatuko duten prozesu-parametro optimoak zehazteko. Hala, laborategi honek ere, mikroegitura aldatzeko aukera ematen du, karakterizazio metalografikoaren, azaleko, sakoneko eta barruko karakterizazio konposizionalaren, fase kristalografikoen karakterizazioaren eta hondar-tentsioen karakterizazioaren bidez. Aktiboak eskainitako zerbitzuen artean honako hauek daude: osagaien karakterizazio mikroestrukturala, akats bolumetrikoen konpentsazioa, osagaien bizi-saiakuntzak, arteztutako piezen egiaztapen geometrikoa eta ildo horretako espezialisten gaikuntza.

Aurrez aipatutakoaz gain, CEITek, propietate mekanikoak eta mikroegitura zehazteko sistema bat ere badu, propietate magnetikoak suntsitzen ez dituzten neurrien bidez. Saiakuntza ez-suntsitzailea kontrolatzeko sistema bat da, altzairuen mikroegiturari eta propietate mekanikoei buruzko informazioa lortzeko edo ekoizpen-akatsak detektatzeko baliagarria dena, hala nola, gainazaleko gogortasun-aldaketak, artezketa-erreketak, hondar-tentsioak edo gogortutako geruza, Barkhausenen emisio magnetikoko neurrien bidez (EMB).

Beharrezkoa da azpimarratzea, sistema hau, robot bat erabiliz eta garatutako akoplamendu desberdinei esker, eskuzko neurriak edo neurri automatikoak egiteko erabil daitekeela,

Aurkeztutako soluzioek, BDIHaren makina adimendun eta konektatuen nodoak euskal enpresei piezak eta produktuak ekoizteko moduan eredu, kontzeptu eta teknika berriak sartzeko aukera ematen diela erakusten dute, eta horien helburua balio erantsia lortzea dela, bereziki kritikoa den prozesu batean, hots, artezketa digitalean.

Jar zaitez harremanetan BDIHrekin zure enpresa gehien interesatzen zaizkizun irtenbideetara nola hurbildu dezakegun jakiteko.

BDIH 16 uztaila, 2021
Eusko Jaurlaritzak BDIH-Konexio laguntza-programa ireki du teknologia digital eta jasangarriak bultzatzeko euskal enpresetan

  Eusko Jaurlaritzak bigarren urtez abiarazi du BDIH Konexio laguntza-programa  enpresei...Leer más

BDIH 7 uztaila, 2021
Egile Mechanics, aeronautikan eta elikadura sektorerako metalezko ontzietan aplikatutako berrikuntza

  Egile Mechanics enpresa gipuzkoarra 2018an eratu zen izen horrekin, baina 31 urte...Leer más

BDIH 2 uztaila, 2021
Muntaketa lerroen errendimendu altua eta monitorizazioa

Mondragon Assembly Gipuzkoan kokatutako enpresa bat da, 40 urte baino gehiagoko esperientzia du...

Fitxa ikusi

BDIH 30 ekaina, 2021
Pieza guztietann zehaztasuna bilatzeko aurreikuspen ereduen sorkuntza

Alcorta Forging Group Elgoibarren (Gipuzkoa) kokatutako enpresa bat da, 100 urte baino gehiagoko...

Fitxa ikusi

LinqCase-n konponbide berritzailea pieza industrialak ikuskatzeko

  LinqCase startup gipuzkoarra dugu euskal enpresak egiten ari diren berrikuntza-lan...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?