Net-Zero Basque Industrial SuperCluster ekimena EPRIren European Workshop Week ekitaldian
SPRIk, Net-Zero Basque Industrial SuperCluster ekimenaren koordinatzaile den aldetik, jendaurrean azaldu du zein aurrerapen lortu diren energia-kontsumoan intentsiboak diren EAEko industria-sektoreak deskarbonizatzeko ibilbide-orrien definizioan.
SPRIko Teknologia, Berrikuntza eta Jasangarritasun arloko zuzendari Cristina Oyónek “EPRI European Workshop Week” ekitaldiaren zazpigarren edizioko elektrifikazio eta deskarbonizazio industrialari buruzko saioan parte hartu du eta xeheki azaldu du identifikatu diren neurrietatik zeintzuk diren garapen teknologikoa behar dutenak. Martxoaren 14tik 16ra bitartean, nazioarteko energia-sektoreko eragile garrantzitsuenak elkartu dira “EPRI European Workshop Week” ekitaldian, jakiteko nola aurre egin industriaren berrikuntza arloko erronka handiei 2050erako trantsizio energetikoan.
Net-zero Basque Industrial Supercluster-aren parte hartzea SPRIren eta EPRIren arteko lankidetzaren emaitza da. Joan den abenduaren 5ean SPRI Taldeak eta EPRIk hitzarmen bat sinatu zuten, euskal industriaren deskarbonizazio-prozesua azkartzeko NZBIS ekimenaren esparruan. Egun horretan, ekitaldi batean bildu ziren EPRIko presidentea eta CEOa, Arshad Mansoor, eta, ekimenaren sustatzaile gisa, Arantxa Tapia, Ekonomi Garapen, Jasangarritasun eta Ingurumen sailburua, eta Aitor Urzelai, SPRIko zuzendari nagusia, eta, horiez gain, han izan ziren baita ere proiektuko bazkide nagusien (Petronor, Iberdrola eta Energia Klusterra) ordezkariak.
Lankidetza horri esker, EPRIk AEBetan eta Europan dituen langileen laguntza eta esperientzia eskaintzen du, ikuspegi objektibo eta independente batetik identifikatzeko deskarbonizazioko teknologiak, zehazki, hidrogeno, energia-eraginkortasun eta elektrifikazio arlokoak.
Net-Zero Basque Industrial SuperCluster (NZBIS) ekimena Eusko Jaurlaritzak sustatu du, Euskadiko energia arloko bi enpresa handiekin (Petronor-Repsol eta Iberdrola) eta industri klusterrekin lankidetzan, Euskadiko zero emisio garbietarako bidea azkartzeko, energia-hornikuntzaren eta energia-eraginkortasunaren deskarbonizazioa sustatuz eta teknologia berrien eta zerbitzu berritzaileen zabalkundean oinarritutako merkatu-aukerak sortuz.
Lotutako albisteak
Mikel Jauregi: “deskarbonizazio adimentsuaren aldeko apustua egiten dugu, eta bide desberdinetatik hel gaitezke horretara”
Sailburuak adierazi duenez, Euskadi, azken hilabeteotan, ahalegintzen ari da bertako industriak eta bertan ezarri nahi diren enpresa-proiektu berriek eskatzen duten potentzia lortzen
Euskadiko Mugikortasun eta Logistika Klusterreko bazkideen kopurua % 20 hazi da
131 bazkiderekin, Klusterrak % 20 handitu du bere bazkide multzoa azken ekitaldian.
Bizitegi-jabeen komunitateetako instalazio elektriko zaharrak berritzeko inbertsioetarako laguntza-programa
EEEren programa Deskarboniza programaren parte da
Energia berriztagarrien bidez autokontsumorako energia elektrikoa sortzeko eta kontsumo termikoak elektrifikatzeko laguntza-programa
EEEren programa Deskarboniza programaren parte da
Deskarboniza 2025 plana aurkeztu da
Deskarboniza plana erakundeen arteko elkarlanean oinarritutako plana da, Eusko Jaurlaritzaren zenbait laguntza-programa eta foru-aldundien kenkari fiskalak biltzen dituena, Euskadiko industriaren deskarbonizazio adimenduna bultzatze aldera
Euskadiko industriaren ingurumen-hobekuntza bultzatzea, Deskarbonizazio Industrialerako Programaren bidez
20 milioi euro Euskadiko enpresen inbertsioei laguntzeko eta haien lehiakortasuna hobetzeko prozesuan laguntzeko, neutraltasun klimatikorako trantsizioan oinarritutako Europako eta mundu mailako testuinguruan.
Maiatzaren 8an ireki da euskal industriaren deskarbonizaziorako 22 milioi euroak eskuratzeko epea
SPRIk kudeatzen duen Eusko Jaurlaritzaren Industria, Trantsizio Energetikoa eta Jasangarritasuna Sailaren programaren bigarren edizioa da
Eusko Jaurlaritzak deskarbonizazio industriala bultzatuko du, pizgarri eta laguntzen bidez, eta hidrogeno berdearen hidroduktu bat egingo du Aiaraldea eskualderako
Imanol Pradales Lehendakariak Laudioko Vidrala enpresaren instalazio berriak bisitatu ditu gaur, eta bertan labe berria inauguratu du
Euskadiko industria normaltasunez ari da, joan den asteleheneko itzalaldi orokorraren ostean
“Gure industria-sektorearen lana aitortu nahi dugu", aditzera eman du Mikel Jauregi, Eusko Jaurlaritzako Industria, Trantsizio Energetiko eta Jasangarritasuneko sailburua
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko