Gari Telleria: “Nabigatzeko beste modu bat posible dela erakutsi dugu”
Izena ezin zitekeen egokiagoa izan. Lasai da 2021ean Zornotzan sortu zuten eta trantsizio energetikoa laketontzietara eramatea erabaki duen euskal ETE honen aurkezpen-gutuna. Zehazki, zaratarik eta isurpenik gabe nabigatzen duten eguzki-energia bidezko itsasontzi elektrikoak fabrikatzea erabaki dute. Nabigatzeko beste modu bat eskaintzen du, jasangarria, ingurumena errespetatzen duena eta lasaia, “inor baino urrunago heltzeko”, azaldu du Gari Telleriak, Lasai Marineko CEOak, ‘Made in Basque Countryrekin’ izandako elkarrizketan.
Nola sortu da proiektua?
Lasai laketontzien nabigazioa elektrifikatzeko erronka ekologikoari erantzuteko sortu zen, eta, halaber, negozio-aukera gisa. Bi faktoreak aldi berean gertatu dira. Hasieran, Beraunberri euskal inbertsio-taldeak sustatu zuen. Talde horrek Solarpack sortu zuen eta akziodun nagusia izan da duela urte batzuk arte. Talde horrek industria-proiektuen eta proiektu jasangarrien alde egin du. Gure enpresak bi ezaugarri betetzen ditu: Mugikortasuna elektrifikatzea oro har eta laketontziena bereziki. Betebehar soziala zen eta da ia. Energia-hornikuntzan dauden arazoak, kutsadura eta klima-aldaketa kontuan izanda, saihestezina da. Hala uste dute Europako gobernuek, trantsizioa sustatzeko legediak egiten ari baitira dagoeneko. Behar horretatik sortu zen ontzien lehen lerroan gauzatu dugun negozio-aukera.
Zein fasetan dago?
Oso aurreratuta gaude. Azkar egin ahal izan dugu aurrera, oso argi baikenuen zer produktu nahi genituen, nori zuzentzen gintzaizkion eta nahi genuen enpresa-eredua zein zen. Seriean ekoizten dugu hogei oineko itsasontzien gama. Hiru modelo ditugu, gaitasun desberdinekin: GL modeloa kostaldeko uretatik nabigatzeko pentsatuta dago, GR ibaietara, lakuetara eta kanaletara bideratuta dago, eta, azkenik, TR modeloa pertsonak garraiatzeko erabiltzen da (zortzi pertsona eta pilotua eraman ditzake).
Lehen itsasontzia duela gutxi atera duzue ofizialki Alemaniako azoka batean… Zer nolako balantzea egiten duzue?
Düsseldorfeko Areto Nautikoa izan da gure aurkezpena Europan. Harrera ezin hobea izan genuen bai profesionalen, bai zaleen aldetik. Eguzki-argiarekin sortutako propultsio elektriko bidezko gure proposamena oso arrakastatsua izan zen. Egia esan, aurreikuspenik onenak ere gainditu genituen, bai bisitarien kopuruan, bai eskarietan.
Nolakoak dira fabrikatzen ari zareten ontziak?
Abangoardiako diseinua duten ontziak dira, eta akabera oso zainduak dituzte. Nabigazio-esperientzia berdingabea eskaini nahi dugu, horregatik zaintzen ditugu xehetasunak ahalik eta gehien. Era berean, geure teknologia propioa dugu, kalitaterik goreneko osagarriak eta estandarrik zorrotzenak betetzen dituzten fabrikazio-prozesuak. Faktore horien emaitza fidagarritasuna da. Gure bezeroek mekanika ahaztea eta besterik gabe nabigazioaz gozatzea nahi dugu; zaratarik eta isurpenik gabe, ingurunearekin harmonian. Azken alderdi hori ez da bigarren mailakoa. Jasangarritasuna eta ingurumenarekiko errespetua kapitala dira guretzat.
Zaila dirudi Europan antzeko beste ezer aurkitzea…
Itsasontzi elektrikoak aurki daitezke, baina ez eguzki-energia eta propultsio elektrikoa duten itsasontziak, teknologia horren neurrira egindako diseinuarekin. Erronka ez da itsasontzi baten barruan sistemak gehitzea, baizik eta errendimendu osoa zatiena baino handiagoa izan dadin lortzeko diseinu bakarra izatea.
Zer nolako autonomia dute?
Hogei oineko gamako modeloek egun osoan zehar nabigatu dezakete, hau da, zortzi eta hamar ordu artean. Gehiago ere izan daiteke, eguzkiaren arabera.
Epe laburrean, zein dira helburuak ekoizpenari dagokionez?
Oraintxe bertan, jaso ditugun eskari guztiei erantzutea eta hilabete gutxiko entrega-datak eskaintzea. Gure aurreikuspenen arabera eskariak handitzen jarraituko dugu, entrega-denborak nabarmen murrizteko ekoizpen-linea berriak baititugu aurreikusita.
Eta itsasontzi bakoitzaren prezioak?
Itsasontziaren prezioa bezero bakoitzak aukeratzen duen konfigurazioaren, akaberen eta gehigarrien araberakoa da. Hautazko ekipamenduen zerrenda oso osatua eskaintzen diegu. Nolanahi ere, irteera-prezioa 55.000 eurokoa da.
Lotutako albisteak
Tecoplasek plastiko teknikoen eraldaketan erreferentzia gisa sendotzea du helburu
Bizkaiko enpresak industria-sektorerako eta uren tratamenduko sektorerako lantzen du material hori, eta akuikultura- edo elikagaigintza-sektoreetan duen posizioa handitzea esploratzen ari da.
Surphasek merkatuan parekorik ez duen teknologia garatzen du eta gatzgabetzeko planten eraginkortasuna handitzea lortzen du
Donostiako ETEak, Europako Batzordearen 2,5 milioiko dirulaguntza lortuta, iragazkien egoera aurreikusten du denbora errealean; hala, geldialdi teknikoen % 60 murrizten du
TECH friendly-k plangintza estrategikoa eta hiri-inguruneen eraldaketa digitala eta fisikoa uztartzen ditu
Bizkaiko enpresa hiriaren garapenean eta tokiko administrazio publikorako aholkularitza teknologikoan aritzen da.
Lansolar Ingenieros, bi hamarkada inguru abangoardiako irtenbideak eskaintzen trantsizio jasangarriagoa bultzatzeko
Bizkaiko enpresak hidrogenoarekin lan egiten hastea du helburu datozen hilabeteetan, energia fotovoltaikoa biltegiratzeko sistema gisa.
Optimus3Dk neurrira egindako gailu medikoak landuko ditu Gregorio Marañón ospitalearekin batera
Arabako enpresak bidalitako Lorena Cros doktoreak 3D modelaketan, inplanteen diseinuan eta irudi medikoen segmentazioan lagunduko du.
Agua Embrujadak infusioen sektorea gama handiko alternatiba jasangarriekin irauli du
Arabako enpresak osagai naturalen eta prozesu iraunkorren aldeko apustua egin du, kalitate handiko teak eta infusioak eskaintzeko.
Eurozon, desinfekziorako eta iraunkortasunerako ozono-teknologian aditua
30 urteko esperientziarekin, Bizkaiko enpresa elikagaien, uraren eta barruko espazioen higienizazioko berrikuntzaren buru da, ingurumena errespetatzen duten konponbideen alde eginez.
Lufe: “Bezeroaren esperientzia modu aktiboan entzutea da hobetzen laguntzen dizuna”
Enrique Arrillagak duela hamar urte sortu zuen % 100 Euskadiko lehengaiez diseinatu eta fabrikatutako altzarien enpresa, eta dagoeneko hainbat herrialdetara saltzen du, hala nola Frantzia, Italia eta Portugalera.
Ikerlanek bi norabideko bihurgailu bat garatu du ibilgailu elektrikoak trenbide-energia berrerabiliz kargatzeko
Zentro teknologikoa Kataluniako Salicru konpainiarekin elkarlanean ari da 2021etik, sare elektrikoaren azpiegitura optimizatu nahi duen CS-MV produktua sortzeko.
Psifiacosek plataforma berritzaile bat sortu du osasun mentalaren adierazleak urrunetik eta denbora errealean monitorizatzeko
Helburua esku-hartze goiztiarrak erraztea eta familientzako zein osasun-profesionalentzako txosten pertsonalizatuak ematea da.