Zibersegurtasun arloko Ironchip euskal enpresak bere nazioartekotzea bultzatu du milioi bat euroko kapital zabalkuntzarekin
Inveready eta Easo Ventures arrisku kapitaleko sozietateekin batera gauzatu da operazioa
Zibersegurtasunaren sektoreko Ironchip euskal startup-ak bultzada bat eman dio bere nazioarteko merkaturatzeari, Inveready eta Easo Ventures sozietateekin batera gauzatu duen milioi bat euroko kapital zabalkuntza baten bidez.
Ironchip zibersegurtasunaren euskal ekosistemako startup-etako bat da. Ekosistema hori Euskadin garatzen ari da, SPRI Taldean integratutako Zibersegurtasunaren Euskal Zentroaren inguruko jarduerari esker. Izan ere, Eusko Jaurlaritzak zentro hori izendatu du zibersegurtasuna sustatzeko Euskadin. Bere helburua da zibersegurtasunaren kultura sustatzea eta garatzea euskal gizartean, zibersegurtasunarekin lotutako jarduera ekonomikoa dinamizatzea eta sektore profesionala indartzea. Ekimen transbertsal bat da, Eusko Jaurlaritzak bere enpresekin eta hiritarrekin zibersegurtasunaren arloan hartu duen konpromisoaren erakusgarri.
Location Based Security (LBS) produktuak, alegia, geo-kokapen bat pasahitz bezala erabiltzea ahalbidetzen duen lehenengo segurtasun modeloak bultzatu du Ironchip euskal konpainiaren proiekzioa.
Produktu horri esker, urruneko erasotzaile batek ezin du sartu zure zerbitzarira ez badauka gailu mugikor zehatz bat geo-kokapen jakin batean. Horrela, pasahitz bidezko filtrazioak eta urruneko erasoak saihesten dira. “Kredentzialak lapurtzeko erasoek ez dute ezertarako balio, kredentzial horiek ez baitute funtzionatzen geo-kokapen jakin batean ez badaude. Gainera, murriztu egiten da datuen segurtasun-arrakala batek gure bezeroak kinka larrian jartzeko arriskua, isunak saihestuz, erasoen % 87tik babestuz eta beren produkzioaren segurtasuna bermatuz, nahiz eta kanpoko baldintzek urrunetik lan egitera behartu” dio euskal startup-ak.
Kapital zabalkuntza honi esker, startup-aren asmoa da bere plataforma nazioarteko merkatuetan eskaintzen hastea, bereziki Latinoamerikan, Europan eta Estatu Batuetan.
Jose Fernando Gómez, Ironchip enpresaren fundatzaile eta zuzendari nagusiak dioenez, “erronda hau da nazioartean zabaltzeko estrategiarako behar genuen finantza-bultzada. Gure helburua da gure posizioa sendotzea, non eta langileen nortasuna bermatzea ezinbesteko bihurtu den sektoreetan”.
Ignacio Fonts, Inveready sozietateko managing partner-a baikor agertu da, inbertsio honekin “Location Based Security (LBS)” proiektuaren sorkuntza bultzatu ahal izan dutelako, izan ere, izugarri hazten ari den merkatu bat da, non Inveready oraindik sartu gabe zegoen. “Ironchip enpresak aukera du Europa eta Latinoamerikako erreferente bihurtzeko” gaineratu du.
Easo Ventures sozietateko Pedro Muñoz-Baroja managing partner-aren arabera, Ironchip-ek “konponbide integral eta modular bat eskaintzen du, zeinak sinplifikatu egiten baitu sektore askotan sekulako eragina izaten ari diren araudien konplexutasuna. Aukera ematen du etengabe aldatzen diren eta gero eta konplexuagoak diren araudietara egokitzeko, guztiak betetzen direla bermatuz. Eta hori sekulako abantaila da antolakunde guztientzat”.
Ironchip enpresari buruz
Bi telekomunikazio ingeniarik sortu zuten Ironchip 2017an, eta beren hastapenetan, inbertsio-plataforma seguru bat garatu zuten broker amerikar batentzat. Orain teknologia arloko zortzi adituz osatutako plantilla bat daukate, eta teknologia propioan oinarritutako segurtasun konponbide berritzaileak sortzen dituzte.
Inveready sozietateari buruz
Inveready arrisku kapitalaren kudeaketako sozietate bat da, hazi kapitalaren arloko liderretako bat Espainian.
Gaur egun, enpresa teknologiko sortu berrietan parte hartzen du 4 bertikal espezializaturen bitartez (Informazio Teknologiak, Bizi Zientziak, Venture Debt eta Finantzaketa Hibridoa -zorra eta kapitala- enpresa kotizatuentzat), eta 330 milioitik gora aktibo kudeatzen ditu. Azken 11 urteetan, kudeaketa-sozietate honek desinbertsio arrakastatsuak egin ditu 20tik gora startup-etan.
Easo Ventures sozietateari buruz
Easo Ventures Donostiako venture capital sozietate bat da, 2018an sortua eta 100 bat inbertitzailez osatua. Nagusiki Euskadiko startup eta enpresetan inbertitzen du, euren proiektuak bultzatzen laguntzeko. Duela 18 hilabete inguru sortu zen eta dagoeneko 24 inbertsio egin ditu enpresa berritzaileetan.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.