“Zero Defect Manufacturing” Zelula: soluzio oso moldaerraza eremu metrologikorako
“Zero Defect Manufacturing” Zelula BDIHren Robotika Malgu eta Kolaboratiboko gunean sartutako aktiboetako bat da. CEIT zentro teknologikoaren jabetzakoa da eta honen zeregin nagusia ikerketa-proiektu industrialak egitea da, enpresetako I+G sailekin lankidetza estuan.
Aktibo hau zelula malgu batean datza, bertan produktuen ikuskapenak egitera bideratutako teknologia desberdinekin probak egitea ahalbidetzen da, hala nola, Metrologia eta Egituren osotasuna (defektologia) 2D eta 3D teknika optikoen bitartez Metodo Ez-Suntsikorren (MES) bitartezko ikuskapenak, propietate magnetikoak aztertzeko ikuskaritza eta neurketa prozesuetarako automatismoen eta robotikaren programazioa, inplementazioa, egokitzapena.
Ikusmen artifizialaren eta MES tekniken laguntzarekin, zelula honi esker prozesu jakin baten baitan ekoiztu diren piezen dimentsio eta egitura-osotasunari buruzko datuak ikuskatu ahal dira. Gainera, piezak in-line ikuskatzeko aukera ere ematen du, akatsik-ez kontzeptua bermatzeko, uko egiteak murrizteko eta produktibitatea areagotzeko.
Robot eta automatismo industrialak probatu eta bere gain hartzeko gaitasuna du zelula honek, eta horri esker ikuskaritzari beharrezkoa duen malgutasuna eskaintzen dio. Hala, lan horietarako dimentsio eta gaitasun ezberdinetako 2 Fanuc robot ditugu. Ikuskaritza bera egiteko, berriz, neurri ezberdinetako optika telezentrikoak ditugu prezisio handiko 2D ikuskaritzak egiteko, eta laser bidezko hainbat eskaner 3D metrologia egiteko. MESei dagokienez, zuzenketa-erredurak detektatzeko eta produktuaren gogortasun-mapak sortzeko propietate magnetikoen neurgailu-sistema propioak ditugu.
Ikuskapen-mota bakoitzak duen eskakizun-maila dela eta, posizionatze zehatzeko robotika tradizionalaren ikuspegi klasikoaz (dimentsio-ikuskapena) gain kontaktu-indarraren kontrola eskatzen duten atazak ere behatu behar dira (sentsore ez-suntsikorren bidez egindako ikuskapena egiteko, haztatze zehatza izatea beharrezkoa da), eta horregatik, robot horiek indar-sentsoreak dituzte, robotaren eta gainazalaren artean kontaktua dagoen kasuetan robotak zenbateko esfortzua egiten duen egiaztatzeko.
BDIH Robotika Malguaren hilabetean aurkezten dugun aktibo honekin produktuak karakterizatzeko gaitasuna duen zelula malgua eskaintzen zaie enpresei, 2 helburu nagusirekin: alde batetik, bezeroak karakterizatu nahi duen produktuari buruzko txosten zehatza (maila metrologikoak, akatsak, gogortasun-mapak), eta bestetik,
bezeroarentzat interesgarri izan daitezkeen teknologiak probatu eta balioztatzeko aukera. Zelula hau moldaerraza denez, hainbat konfigurazio ezberdinekin proba daiteke eta teknologia zehatz baten bideragarritasuna aztertzeko aukera ematen du. Moldaerraza izateari esker estazio bakoitzetik eskatzen den prozesurako konfigura daiteke, baita estazio bakoitzean erabiliko den teknologiarako ere.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean