Yetplan, udan txikizkako merkataritza eta tokiko turismoa bultzatzeko aplikazioa
Doako plataforma horretan posible da erreserbak egitea tabernetan eta edukiera mugatua duten instalazioetan
Yetplan aplikazioa bi ingeniari gaztek eta UPV/EHUko ingeniaritzako ikasle batek sortutako ekimena da, zeinaren helburua baita establezimenduei eta zentro publikoei laguntzea berrirekiera fase honetan. “Neurriak arintzen hasi zirenean, ohartu ginen ez dagoela oso argi nola kudeatu behar diren espazioetako edukierak; leku batzuetan denbora errealeko konponbideak probatzen hasi ziren ikusmen artifizialeko kamerekin… baina uste dugu arazo konplexu bat konpontzeko modu onena dela jendeak dagoeneko ezagutzen dituen konponbide sinpleak erabiltzea” azaldu du Lucas de Leceak, Yetplan ekimenaren fundatzaileetako batek.
Hala, ostalaritzari eta kirol edo kultur instalazioei zuzendutako aplikazio sinple bat sortu dute, aukera ematen duena prozesu oso azkar baten bidez edukierak kudeatzeko. Establezimendu eta zentro publikoek nahikoa dute erregistratzea, eta irekierako ordutegiak eta edukiera adieraztea. Hortik aurrera, pertsonak aplikazioan sar daitezke mahai bat edo ordutegi bat erreserbatzeko, dela igerilekuan, gimnasioan edo kultur zentro batean. “Jatetxeen funtzionamendua estrapolatu dugu mota guztietako instalazioetara, herritarrek aukera izan dezaten eskura dauzkaten plan guztiak egiteko” dio ingeniariak.
Proiektu hau Sopela, Getxo eta Gatikako kirol eta kultur instalazioetan erabili zen lehenbizikoz, hiru herrietako udalen laguntzari esker, eta orain establezimenduetara zabaltzen ari dira. Plataforma honek, edukieraren kudeaketan laguntzeaz gain, espazio bat eskaintzen die sustapenak dohainik egiteko. “Udan ez dugu izango atzerriko turismorik, beraz, tokiko turismoa sustatzen lagundu nahi dugu, erabiltzaileek ikus dezaten zein plan egin ditzaketen herri desberdinetan, nora joan daitezkeen afaltzera…” azaldu du Yetplan ekimenaren fundatzaileak.
Duela astebete eskas merkaturatu zuten aplikazioa, eta dagoeneko milatik gora erabiltzaile ditu, posible dutenak dohainik erregistratzea eta erreserbak egitea. Aplikazioak izan duen harrera bikaina ikusirik, bi lagun gehiago dituzte proiektuan lanean. Lantaldeko kideek beren denbora librean eraiki dute plataforma, helburutzat baitzuten, batez ere, beren ezagutza baliatzea tokiko ekonomia suspertzen laguntzeko.
Orain udako hilabeteetara begira ari dira lanean, ekitaldi irekietako edukiera kudeatzeko soluzio bat sortu nahian. Lucas de Leceak azaldu bezala, “ikusi dugu aurten ezingo direla jaiak antolatu orain arte antolatu izan diren bezala, baina uste dugu posible dela ekonomia bultzatzen lagunduko duten beste gauza batzuk egitea”. Yetplan-eko lantaldea tresna berria diseinatzen ari da, eta beren asmoa da udalei aurkeztea, aire libreko kultur ekitaldiak eta jaiak antolatzeko “giltza eskuan” konponbide bezala.
Lotutako albisteak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra