“Women4Cyber”-ek zibersegurtasun arloko emakumezko adituen Europako erregistro bat sortu du
Ekimenaren helburua da emakumeen ikusgarritasuna eta presentzia bultzatzea sektorean
Zibersegurtasun arloko talentuak gutxi dira Europan eta mundu mailan, izan ere, arlo horretako 350.000 lanpostu bete gabe egongo dira Europar Batasunean 2022an. Women in Cybersecurity txostenaren arabera, profil adituen gabezia hori are larriagoa da emakumezkoen artean, zibersegurtasun arloko profesionalen % 7 bakarrik direlako emakumeak.
Sektorean emakumezko profesionalen presentzia bultzatzeko asmoz, Women4Cyber fundazioak eta Europar Batasunak abian jarri dute Women4Cyber European Registry, emakumezkoen talentua biltzeko datu-base bat. Dagoeneko martxan dagoen erregistro horrek ikusgarritasuna emango die zibersegurtasun arloan esperientzia duten emakumezko profesionalei, eta erraztasunak emango dizkie aditu taldeekin, enpresekin nahiz agintari politikoekin konektatzeko.
Datu-basea publikoa izango da eta aukera emango du bilaketak egiteko sektoreka, espezializazio-eremuka edo, besteak beste, herrialdeka. Asmoa da Women4Cyber European Registry erreferentziazko puntu bihurtzea, bai profil adituen bila dabiltzan ekitaldi-antolatzaile edo komunikabideentzat, eta bai lan aukerak eta kolaborazio profesionalak behar dituztenentzat.
Ekimen hau European Skills Agenda (Europako Gaitasun Agenda lehiakortasun jasangarrirako, parekotasun sozialerako eta erresilientziarako) estrategia berriaren barruan kokatzen da. Europar Batasunak uztailaren hasieran aurkeztutako programa horrek hainbat ekintza antolatuko ditu europarren artean etengabeko prestakuntza sustatzeko eta, horrela, biztanle guztien enplegagarritasuna hobetzeko ekonomia berde eta digital batean.
Women4Cyber Europako fundazio pribatu bat da, zibersegurtasun arloko 30 emakume adituk bultzatzen dutena arlo publikotik, pribatutik eta akademikotik. Erakunde horren lana da ikusgarritasuna ematea sektoreko jardunbide egokiei eta emakumezko erreferenteei, emakumeak zibersegurtasun arlorako prestatzen laguntzea eta lan merkatuan duten presentzia areagotzea. Europako erregistro hau lehen urratsa izango da profesionalen komunitate bat eraikitzeko.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
Adimen artifiziala, blockchaina eta zibersegurtasuna izango dira Elkargiko 35. Enpresa Topaketaren erdigunean
Ekitaldia apirilaren 10ean izango da Donostiako Kursaal Jauregian